සන්ෂයින් කන්සියුමර් ලංකා යටතේ ඇති සුප්‍රසිද්ධ තේ සන්නාමයක් වන සෙස්ටා තේ, සිය නවතම වෙළෙඳ ප්‍රචාරණ දැන්වීම පසුගියදා One Galle Face හි PVR සිනමා ශාලාවේදී සුවිශේෂී ප්‍රදර්ශනයක් හරහා එළි දක්වනු ලැබීය. බොහෝ දෙනා නැරඹීමට අපේක්ෂාවෙන් සිටි මෙම අවස්ථාව සඳහා තෝරාගත් පාරිභෝගිකයන්, ඩිජිටල් අන්තර්ගත නිර්මාණකරුවන්, සහයෝගිතාකරුවන් සහ සන්නාමය සමග දිගු කාලයක් අත්වැල් බැඳගෙන සිටි කොටස්කරුවන්ගෙන් සමන්විත ප්‍රේක්ෂකයෝ සහභාගි වූහ. 

සෙස්ටා වෙළෙඳ දැන්වීම, ශ්‍රී ලාංකිකයන්ගේ හදවත් තුළ ආදරණීය මතක අවදි කරනු ලැබුවේ මීට දශක දෙකහමාරකට පමණ ඉහතදීය. සුදු කමිසයක් ඇඳි යුවතියත්, තේ සාදමින් සිටින ඇගේ සැමියාත් සමග ‘සෙස්ටා’ යනුවෙන් ළෙන්ගතුව උච්චාරණය කළ අවස්ථාවත්, එකල වෙළෙඳ දැන්වීම් ඉතිහාසයේ අමතක නොවන හෘදයාංගම වෙළෙඳ දැන්වීමක් විය. 

ඉන් අනතුරුව ‘My Zesta Story’ ප්‍රචාරණ ව්‍යාපාරය ඔස්සේ මුල්ම වෙළෙඳ දැන්වීමේ ආකර්ෂණීයත්වය ප්‍රේක්ෂකයන්ට නැවත සිහි ගන්වමින් සෙස්ටා තේ සමග ඇති ස්වකීය හැඟු‍ම් සමුදාය නිර්මාණශීලි අයුරින් බෙදා හදා ගැනීමට ආරාධනා කළේය. 

“සෙස්ටා යනු සෑමවිටම තේ කෝප්පයකින් එහාට ගිය දෛනික ජීවිතයට වැදගත් පණිවුඩයක් රැගෙන ආ සන්නාමයක්. පුරා වසර ගණනාවක් යනතුරු ලාංකීය ජීවිතවලට වටිනා සහ කල් පවතින බැඳීමක් එකතු කිරීමට අපට හැකි වී තිබෙනවා. මෙම නවතම වෙළෙඳ දැන්වීම හරහා අපගේ මුල් වටිනාකම්වලට නව ජවයක් ලබා දෙනවා සේම මෙරට පරම්පරා ගණනාවකට අපගේ සන්නාමය සතු විශිෂ්ටත්වය නැවත මතක් කර දෙනවා,” යැයි නවතම වෙළෙඳ දැන්වීම ප්‍රදර්ශනය කළ අවස්ථාවට සහභාගි වූ සන්ෂයින් කන්සියුමර් ලංකා හි ප්‍රධාන අලෙවිකරණ නිලධාරිනී කවී රාජපක්ෂ මහත්මිය පැවසුවාය. 

තේ කලාවේ රහස යළිත් වරක් ලාංකීය ජන මනසට සමීප කරවමින්, තේ සම්ප්‍රදායේ පුරෝගාමියකුගේ චමත්කාරය ඉස්මතු වන පරිදි සෙස්ටා හි නවතම සන්නාම සේයාරුව එළිදැක්වීමට මෙහිදී කටයුතු කර තිබිණ.