මෙරට ප්‍රමුඛතම රක්ෂණ සමාගමක් වන සණස ලයිෆ් රක්ෂණ සමාගම දියත් කරන වැඩසටහන් මාලාවේ තවත් සුවිශේෂ කඩ ඉමක් සටහන් කරමින් පහ වසර ශිෂ්‍යත්වය ඉලක්ක කර ගත් සම්මන්ත්‍රණ මාලාවක් ආරම්භ කරන ලදී. සණස ලයිෆ් සෙනෙහසේ පහේ හපන්නු නමින් ක්‍රියාත්මක මෙම සම්මන්ත්‍රණ මාලාව ත්‍රිකුණාමලය සහ අම්පාර දිස්ත්‍රික්කවල ඇරැඹුණු අතර, මෙය දිවයින පුරා පැවැත්වීම සණස ලයිෆ් රක්ෂණ සමාගමේ අරමුණයි. 

ශ්‍රී ලාංකේය ජනතාව බල ගැන්වීමට විවිධ සමාජ සත්කාරක ව්‍යාපෘති ක්‍රියාත්මක කරන සණස ලයිෆ් රක්ෂණ සමාගම අධ්‍යාපන ක්ෂේත්‍රයට විශේෂ අවධානයක් යොමු කරයි. එහිදී සණස ලයිෆ් රක්ෂණ සමාගම අනාගත පරපුර බල ගැන්වීමේ අරමුණෙන් ඔවුන්ගේ අධ්‍යාපන හා වෘත්තීය දියුණුව උදෙසා නිරන්තරයෙන් කැප වේ. 

“සණස ලයිෆ් රක්ෂණ සමාගම අධ්‍යාපන ක්ෂේත්‍රයේ සමාජ සත්කාරක වැඩසටහන් රාශියක් ක්‍රියාත්මක කරනවා. මේ හරහා නැණවත් අනාගත පරපුරක් ශ්‍රී ලාංකේය ජාතියට දායාද කිරීම අපගේ අරමුණයි. සණස ලයිෆ් සෙනෙහසේ පහේ හපන්නු සම්මන්ත්‍රණ මාලාව ග්‍රාමීය ප්‍රදේශවලට මූලික අවධානය යොමු කරමින් රට පුරා ක්‍රියාත්මක කිරීමට අපි අපේක්ෂා කරනවා.” සණස ලයිෆ් අලෙවි ප්‍රධානී මහේෂ් වික්‍රමතුංග මහතා පැවසීය.