පළමු මාස 10දී සංචාරක කර්මාන්තයෙන් ඩොලර් බිලියන 2.659 ක ආදායමක්

පසුගිය වසරට සාපේක්ෂව සියයට 4.9 ක වර්ධනයක්
ඔක්තෝබර් මාසයේදී ඩොලර් මිලියන 186.1ක් මුදලක් උපයලා
මෙම වසරේ සංචාරක ආදායම් ඉලක්කයට වන ළඟා වීමට ඉතිරි දින 60 කදී තවත් බිලියන 2.341 ක් සංචාරක ක්ෂේත්‍රයෙන් උපයා ගත යුතුයි

විමුක්ති එස් රුද්‍රිගු

මෙම වසරේ පළමු මාස 10 තුළ ශ්‍රී ලංකාව සංචාරක කර්මාන්තයෙන් ඇමෙරිකානු ඩොලර් බිලියන 2.659 ක ආදායමක් උපයා ඇති බවත් එය පසුගිය වසරට සාපේක්ෂව සියයට 4.9 ක වර්ධනයක් බවත් මහ බැංකුවේ නවතම දත්ත වාර්තා පෙන්වා දුන්නේය. පසුගිය වසරේ පළමු මාස 10දී සංචාරක කර්මාන්තයෙන් ඇමෙරිකානු ඩොලර් බිලියන 2.533 ක මුදලක් ශ්‍රී ලංකාව උපයා තිබිණි.

ශ්‍රී ලංකාවේ ආර්ථිකයෙන් සියයට 3 ක ප්‍රතිශතයකට දායකත්වය සපයන සංචාරක ඉපයීම් මෙම වසරේ ඔක්තෝබර් මාසයේදී ඇමෙරිකානු ඩොලර් මිලියන 186.1ක් මුදලක් උපයා තිබූ අතර එය පසුගිය වසරේ ඔක්තෝබර් මාසයට සාපේක්ෂව සියයට 0.27 ක වර්ධනයක් විය. පසුගිය වසරේ ඔක්තෝබර් මාසයේ මෙරට සංචාරක ඉපැයීම් ඇමෙරිකානු ඩොලර් මිලියන 185.6ක් වූවේය.

පසුගිය ජූලි සහ අගෝස්තු මාසයේදී මෙරට සංචාරක ඉපැයීම් සෘණාත්මක වර්ධනයක් පෙන්නුම් කිරීමෙන් පසුව ඔක්තෝබර් මාසයේදී මෙලෙස සියයට 0.27 ක වර්ධනයක් පෙන්නුම් කර ඇත.

ඒ අනුව මෙම වසරේ සංචාරක ආදායම් ඉලක්කය වන ඇමෙරිකානු ඩොලර් බිලියන 5ට ළඟා වීම සඳහා ඉතිරි දින 60 ක කාලය තුළදී තවත් බිලියන 2.341 ක මුදලක් සංචාරක ක්ෂේත්‍රයෙන් ශ්‍රී ලංකාව උපයා ගත යුතුව තිබේ.

මෙම වසරේ පළමු මාස 10දී මෙරටට සංචාරකයන් 1,890,687 ක් මෙරට පැමිණ ඇති අතර එය පසුගිය වසරේ පළමු මාස 10 ට සාපේක්ෂව සියයට 16.7 ක වර්ධනයකි.

පළමු මාස 10දී සංචාරක කර්මාන්තයෙන් ඩොලර් බිලියන 2.659 ක ආදායමක්

අදහස් (0)

පළමු මාස 10දී සංචාරක කර්මාන්තයෙන් ඩොලර් බිලියන 2.659 ක ආදායමක්

ඔබේ අදහස් එවන්න

ව්‍යාපාරික විත්ති

Our Group Site