විමුක්ති එස් රුද්‍රිගු

පසුගිය පෙබරවාරි මාසයේදී රුපියල් බිලියන 105.5 ක් ලෙස සටහන් වූ පෞද්ගලික ව්‍යාපාර සඳහා මෙරට බැංකු සහ මූල්‍ය ආයතන ලබාදී ඇති ණය මාර්තු මාසයේදී රුපියල් බිලියන 173 ක් දක්වා වර්ධනය වී ඇතැයි ශ්‍රී ලංකා මහ බැංකුව පසුගියදා නිකුත් කළ නවතම දත්ත වාර්තා පෙන්වා දුන්නේය.
සිංහල අලු‍ත් අවුරුද්දට පෙර මාසය වන මාර්තු මාසයේදී පෞද්ගලික ණය ඉහළ යෑම සාමාන්‍යයෙන් දැකිය හැකි වුවද පසුගිය වසරේ මාර්තු මාසයේ සිට මෙම වසරේ මාර්තු මාසය දක්වා ගෙවුණු මාස 12 ක කාලය තුළ මෙරට පෞද්ගලික ණය රුපියල් බිලියන 1036 කින් ඉහළ වර්ධනය වී තිබිණ. 
එහෙත් 2023 වසරේ මාර්තු මාසයේ සිට පසුගිය වසරේ මාර්තු මාසය දක්වා මෙරට පෞද්ගලික ණය වර්ධනය වී තිබුණේ රුපියල් බිලියන 240 කින් පමණි.