මෙරට ප්‍රමුඛතම ආයෝජන සමාගමක් වන සෙන්තිල්වර්ල් හෝල්ඩින්ග්ස් (පෞද්) සමාගම සතුව තිබූ සැම්සන් ඉන්ටර්නැෂනල් පීඑල්සී කොටස් හිමිකාරීත්වයෙන් කොටස් 500,000 ක් එනම් සියයට 11.81ක් අලෙවි කර ඇතැයි පවසයි. 

ඒ අනුව සම්පත් බැංකුව සහ සෙන්තිල්වර්ල් හෝල්ඩිංග්ස් අතර පවත්වාගෙන ගිය ගිණුමක් සතුව පැවැති කොටස් 500,000 ක් මෙලෙස අලෙවි කර තිබේ. ඒ අතරින් කොටස් 194,000 ක් (4.58%ක්) ජී.බී.ඩී. තිලකරත්න නමැත්තෙකු මිලදී ගෙන ඇති අතර, ඉතිරි කොටස් 306,000 (7.23%ක්) වෙළෙඳපොළ වෙත අලෙවි කර තිබේ.  

2025 දෙසැම්බර් 31 වැනිදා වනවිට සැම්සන් ඉන්ටර්නැෂනල් පීඑල්සී කොටස් හිමිකාරීත්වයෙන් කොටස් 1,252,151ක් එනම් සියයට 29.58ක් සම්පත් බැංකුව සහ සෙන්තිල්වර්ල් හෝල්ඩිංග්ස් අතර පවතින ගිණුමට හිමිව තිබුණි.