කොටස් වෙළෙදපොළේ S & PSL20 දර්ශකය අද සිට වෙනස් වෙයි

ඩිස්ටිලරීස් කම්පනි ඔෆ් ශ්‍රී ලංකා ඉවතට, සෙන්ට්‍රල් ෆිනෑන්ස් කම්පැනි ඇතුළට

භානුක අමරසිංහ

කොළඹ කොටස් හුවමාරුවේ S&P Sri Lanka 20 දර්ශකය අද (23) දිනයේ සිට වෙනස් වීමකට ලක් වන බව එම හුවමාරුව පවසයි. S&P Dow Jones Indices විසින් සිදුකළ 2025 අර්ධ වාර්ෂික සමාලෝචනයෙන් පසු දර්ශක සැකසීමට අනුව මෙම වෙනස් කම් සිදුව තිබේ.

ඒ අනුව 2025 ජූනි 23 වැනිදා සිට බලපැවැත්වෙන පරිදි ඩිස්ටිලරීස් කම්පනි ඔෆ් ශ්‍රී ලංකා පීඑල්සී සමාගම මෙමS&PSL20 දර්ශකයෙන් ඉවත් කෙරී ඇති අතර, සෙන්ට්‍රල් ෆිනෑන්ස් කම්පනි පීඑල්සී ඊට ඇතුළත් කෙරී තිබේ.

මෙම S&PSL20 දර්ශකයට CSE හි ලැයිස්තුගත කර ඇති ද්‍රවශීලතා සහ මූල්‍ය ශක්‍යතා සීමා සපුරාලන සහ වෙළෙඳපොළ ප්‍රාග්ධනීකරණය අනුව විශාලතම සමාගම් 20 ඇතුළත් වෙයි.

මෙම දර්ශකයට ඇතුළත්වීම සඳහා එක සමාගමක් සතුව අවම වශයෙන් රුපියල් මිලියන 500ක චරිත වෙළෙඳපොළ ප්‍රාග්ධනීකරණයක් තිබිය යුතු අතර, මාස හයක මධ්‍යස්ථ දෛනික ගනුදෙනු වටිනාකම රුපියල් මිලියන 0.25කට අඩු නොවිය යුතුය. එසේම නැවත සංසන්දනය කරන දිනයට පෙර මාස 12ක කාලය තුළ ලාබ උපයා තිබීමද අවශ්‍ය වෙයි.

කොටස් වෙළෙදපොළේ S & PSL20 දර්ශකය අද සිට වෙනස් වෙයි

අදහස් (0)

කොටස් වෙළෙදපොළේ S & PSL20 දර්ශකය අද සිට වෙනස් වෙයි

ඔබේ අදහස් එවන්න

ව්‍යාපාරික විත්ති

Our Group Site