කරන්දෙණිය එම්.සුසිල් ප්‍රියන්ත

වෙළෙඳ කුටි අටකින් සමන්විත හෙළ බොජුන් හලක් ආරම්භ කිරීමට අම්බලන්ගොඩ නගර සභාව පියවර ගෙන තිබේ. අම්බලන්ගොඩ නගර සභාව විසින් දියත් කරනු ලබන ආදායම් උත්පාදනය කිරීම සඳහා ඉදිකිරීමට යෝජිත මේ ව්‍යාපෘතිය සඳහා ඇස්තමේන්තු ගත වියදම රුපියල් ලක්ෂ හැත්තෑ දෙකකි.

එම මුදල් කෘෂිකර්ම අමාත්‍යාංශයෙන් සහ වෘත්තීය පුහුණු නියෝජ්‍ය අමාත්‍ය නලින් හේවගේ මහතාගේ විමධ්‍යගත මුදල්වලින් සපයනු ලබයි. අම්බලන්ගොඩ නගර සභාව විසින් ඉදිකිරීමට යෝජිත හෙළ බොජුන් හල ඉදිකිරීම සඳහා අම්බලන්ගොඩ නගර සභා ක්‍රීඩාංගණය ඉදිරිපිට භූමියේදී මුල්ගල් තැබිණ. එහිදී අම්බලන්ගොඩ නගර සභාවේ සභාපති අසේල ගොඩහේවා මහතා ඒ සඳහාවූ උත්සවයේදී පොල්තෙල් පහන දල්වන අයුරු සහ මුල්ගල තබන අයුරු ඡායාරූපවලින් දැක්වේ.