Melwa සමූහයට අයත් Sands Active (පෞද්ගලික) සමාගම කොළඹ BMICH පැවැති 15 වැනි Medicare International Healthcare Exhibition 2026 ප්‍රදර්ශනයට සහභාගී වෙමින් තම ඖෂධ නිෂ්පාදන පරාසය නරඹන්නන් වෙත හඳුන්වා දුන්නේය.
 ප්‍රදර්ශනය අතරතුර Sands Active නියෝජිතයන් විසින් ජනතාවට තම ඖෂධවල ප්‍රයෝජන සහ නිසි භාවිතය පිළිබඳ දැනුවත් කිරීමේ වැඩසටහන්ද සංවිධානය කරන ලදී. සමාගමේ ප්‍රදර්ශන කුටියට විශාල ජනතා අවධානයක් ලැබුණු අතර විශේෂයෙන් Meldol නමැති පැරසිටමෝල් නිෂ්පාදනය සඳහා වැඩි ඉල්ලු‍මක් තිබිණි.
ශ්‍රී ලංකාවේ ප්‍රමුඛතම සෞඛ්‍ය ප්‍රදර්ශනයක් ලෙස සැලකෙන Medicare 2026 සෞඛ්‍ය ක්ෂේත්‍රයේ ප්‍රධාන පාර්ශ්වකරුවන් එකට එක් කරමින් සෞඛ්‍ය සේවා, වෛද්‍ය තාක්ෂණය, සුවතාව සහ වෛද්‍ය සංචාරක කර්මාන්තය පිළිබඳ නවතම ප්‍රවණතා පිළිබඳ ජනතාව දැනුවත් කිරීමට කටයුතු කළේය. මෙවර ප්‍රදර්ශනයට දේශීය හා ජාත්‍යන්තර ආයතන 150කට වැඩි සංඛ්‍යාවක් සහභාගී වී තිබිණි. 2018දී Melwa සමූහය යටතේ ආරම්භ කරන ලද Sands Active සමාගම උසස් තත්වයේ ඖෂධ නිෂ්පාදනය හා බෙදා හැරීම සිදු කරයි. සමාගමේ නිෂ්පාදනවලට ටැබ්ලට්, කැප්සියුල් සහ ඉන්ජෙක්ශන් වර්ග ඇතුළත් වන අතර ඒවා ජාත්‍යන්තර ප්‍රමිතිවලට අනුකූලව නිෂ්පාදනය කරයි.