SLICCA විසින් වාර්ෂික උපාධි ප්‍රදානෝත්සවය, 4 වැනි ආසියානු කේක් ඔස්කාර් සහ 10 වැනි ශ්‍රී ලංකා කේක් සම්මාන උළෙල 2026 මැයි 17 වැනිදා කොළඹ රාමදා හෝටලයේදී පවත්වන ලදී. සූපවේදී නලින්ද අබේරත්න සමග අනෙකුත් සම්භාවනීය අමුත්තෝ මෙම අවස්ථාවට ප්‍රධාන ආරාධිත අමුත්තන් ලෙස සහභාගී වූහ. 
සිසුන් 140 දෙනකු විවිධ පාඨමාලාවලින් උපාධි ගත් අතර ඉන්දියාව, පකිස්ථානය, ශ්‍රී ලංකාව සහ මාලදිවයින යන රටවලින් ඔස්කාර් කලාකරුවෝ 51 දෙනෙක් ඒ අතර වූහ.
ශ්‍රී ලංකා රසකැවිලි හා සූප ශාස්ත්‍ර කලාකරුවන්ගේ ආයතනය යනු UGC සහ WES අනුමත සහතිකය සහිතව ජාත්‍යන්තර පිළිගැනීමක් සහිත කේක් සහ ආගන්තුක සත්කාර කළමනාකරණය පිළිබඳ වෘත්තීය ඩිප්ලෝමා දෙන පිළිගත් ආයතනයකි. ඔවුහු ශ්‍රී ලංකාවේ එක්දින පන්ති සහ මාර්ගගත සූප ශාස්ත්‍ර අධ්‍යාපනයේ පුරෝගාමීහු වෙති. සහතික කළ ප්‍රංශ පේස්ට්‍රි සූපවේදියකු ලෙස සුදුසුකම් ලැබූ ශ්‍රී ලංකාවේ එකම ආයතනය SLICCA ය. ශ්‍රී ලංකා කේක් සම්මානයේ 10 වැනි සංස්කරණයේදී රට පුරා සිටින කලාකරුවන්ට ගෞරව නාම පිරිනමන ලදී. සභාපතිනි දේශමාන්‍ය ආචාර්ය ෆාතිමා රුෂ්ඩා මහත්මිය සියලු‍ම සිසුන්ට සුබ පැතුම් පිරිනැමූ අතර ජයග්‍රාහකයන්ට ඔවුන්ගේ ජයග්‍රහණ සඳහා සම්මාන පිරිනමන ලදී.