2026 ජනවාරි මස 01 වන බ්රහස්පතින්දා
කර්මාන්ත සහ ව්යවසායකත්ව සංවර්ධන අමාත්යාංශය යටතේ පවතින කාර්මික සංවර්ධන මණ්ඩලය (IDB), ජාතික ව්යවසායකත්ව සංවර්ධන අධිකාරිය (NEDA) සහ කුඩා ව්යාපාර සංවර්ධන අංශය (SED) ඒකාබද්ධ කර, වඩාත් බලාත්මක තනි ආයතනයක් ලෙස ස්ථාපිත කිරීමට යෝජනා කර ඇති ශ්රී ලංකා කර්මාන්ත පරිවර්තන සහ නවෝත්පාදන අධිකාරියේ කටයුතු ඉදිරියට පවත්වාගෙන යාම සඳහා කැබිනට් මණ්ඩල අනුමැතිය හිමිව තිබේ.
මෙම නව අධිකාරිය ස්ථාපිත කිරීම සඳහා වන අමාත්ය මණ්ඩල අනුමැතිය 2025.03.17 දින හිමි විය. එහි ඉදිරි කටයුතු සඳහා ආසියානු සංවර්ධන බැංකුවේ (ADB) ප්රතිපත්තිපාදක ණය වැඩසටහන යටතේ අවශ්ය තාක්ෂණික සහාය ලබා ගැනීමට ද මේ වන විට කටයුතු කරමින් පවතින බවත් ඊයේ පැවැත්වුණු කැබිනට් තීරණ දැනුම් දීමේ මාධ්ය හමුවේදී අනාවරණය විය.
වඩාත් සංවිධිත හා කාර්යක්ෂම ආකාරයෙන් කර්මාන්ත හා ව්යවසාය සංවර්ධන සේවා සැපයීම සඳහා මෙලෙස නව අධිකාරිය පිහිටුවන බව රජය පවසයි. එම අධිකාරිය සංකල්පීකරණය, උපායමාර්ගික සැලසුම්කරණය හා ක්රියාත්මක වීම යන තුන් අදියර රාමුවක් යටතේ ආරම්භ කර තිබෙන බවත් රජය පවසයි.
ශ්රී ලංකා කර්මාන්ත පරිවර්තන සහ නවෝත්පාදන අධිකාරිය ඉදිරියටත්