රජයේ මාධ්‍ය ආචාරධර්ම ප්‍රතිසංස්කරණය කිරීමේ අභිමතය සහ ජාත්‍යන්තර හොඳම භාවිතයන් හා සමගාමීව කටයුතු කිරීම සඳහා, මෙම කෙටි සටහන ක්ෂණික ක්‍රියාමාර්ග දෙකක් නිර්දේශ කරයි 

 

■ නව මාර්ගෝපදේශ: අපරාධයකට ගොදුරුවූවන්/මුහුණ දුන්නවුන් කේන්ද්‍ර කරගත් ජාතික මාධ්‍ය මාර්ගෝපදේශයක් කෙටුම්පත් කර සම්මත කිරීම සහ එය භාවිතයට ගැනීමට ප්‍රධාන ධාරාවේ මෙන්ම ඩිජිටල් මාධ්‍ය ආයතන දදිරිගැන්වීම. ■ජාතික පුහුණුව: මාර්ගෝපදේශ පිළිබඳ පුහුණුවීම් ලබා දීමටත්, ධාරිතාව ගොඩනැගීමටත් සහය වීම සඳහා 2026 අයවැය තුළ ප්‍රතිපාදන වෙන් කිරීම. 

කාන්තාවන් සහ ගැහැනු දරුවන් සම්බන්ධයෙන් ආචාරධාර්මික මාධ්‍ය ප්‍රමිති ප්‍රවර්ධනය කිරීම අරමුණු කර ගනිමින් වෙරිටේ මාධ්‍ය හා දේශපාලන අංශය විසින්, ශ්‍රී ලංකාව සහ මාලදිවයින සඳහා වන ප්‍රංශ තානාපති කාර්යාලය සමග එක්ව මෙම යෝජනාව සකස් කරන ලදී. වෙරිටේ මාධ්‍ය හා දේශපාලන අංශයේ ප්‍රධානී දීපාංජලී අබේවර්දන, එහි කණ්ඩායම් නායිකා මහෝෂදි පීරිස් සහ වැඩසටහහන් නායක රොෂෙල් කනගසබේ විසින් නොවැම්බර් 4 වැනි දින මෙම යෝජනාව නියෝජ්‍ය අමාත්‍යවරිය වෙත භාර දීම සිදු කරන ලදී. 

මෙම ප්‍රයත්නය සඳහා පදනම වී ඇත්තේ එතික්ස් අයි පර්‍යන්තයේ දිගුකාලීන දායකත්වයයි. එතික්ස් අයි පර්‍යන්තය දශකයකට ආසන්න කාලයක් මුළුල්ලේ සිංහල භාෂා මාධ්‍ය නිරීක්ෂණය කර ඇති අතර, ප්‍රචණ්ඩත්වය සාමාන්‍යකරණය කරමින්, හානිකර ඒකාකෘති තහවුරු කරමින්, අපරාධවලට/ප්‍රචණ්ඩත්වයට මුහුණ දුන් පිරිස්වලට යුක්තිය ලැබීම් අධෛර්යවත් කරමින් දිගින් දිගටම දක්නට ලැබෙන ගැටලු‍කාරී වාර්තාකරණය ලේඛනගත කර ඇත. 

වෙරිටේ රිසර්ච් යනු, ශ්‍රී ලංකාව තුළ සහ ඉන් ඔබ්බෙහි රජයන්, ජාත්‍යන්තර සංවිධාන සහ පෞද්ගලික අංශය සඳහා උපායමාර්ගික විශ්ලේෂණ සහ උපදෙස් සපයන, ශ්‍රී ලංකාවේ ප්‍රමුඛතම ස්වාධීන, අන්තර් විනය චින්තන පර්ෂදයයි.