භානුක අමරසිංහ 

මෙරට ප්‍රමුඛතම පුනර්ජනනීය බලශක්ති සමාගමක් වන විදුල්ලංකා පීඑල්සී සමාගම ෆිජි දූපත්හි, බුකා ගම්මානයේ පිහිටි 100kW ජලවිදුලි බල ව්‍යාපෘතියක් පුළුල් කිරීම සහ යාවත්කාලීන කිරීම සඳහා වන කොන්ත්‍රාත්තුවේ අඩුම ලංසුව ඉදිරිපත් කළ සමාගම බවට පත්ව ඇතැයි පවසයි. 

පසුගිය දෙසැම්බර් 19 වැනිදා මෙම ලංසු කැඳවීම සිදු කර තිබේ. කෙසේ වෙතත් මෙම පුනර්ජනනීය බලශක්ති කොන්ත්‍රාත්තුව හිමිවීම සම්බන්ධයෙන් මෙතෙක් අවසන් තීරණයක් ගෙන නොමැති බවත් සමාගම පවසයි. මෙය ඉංජිනේරු, ප්‍රසම්පාදන සහ ඉදිකිරීම් කොන්ත්‍රාත්තුවක් ලෙස ක්‍රියාත්මක වන්නකි.