2025 නොවැම්බර් මස 06 වන බ්‍රහස්පතින්දා
විමුක්ති එස් රුද්‍රිගු
බ්‍රිතාන්‍යය පොදු රාජ්‍ය මණ්‌ඩලීය පාර්ලිමේන්තු සංගමය නියෝජනය කරන පාර්ලිමේන්තු මන්ත්‍රීවරුන් කණ්ඩායම සමග හමුවක් පැවැති බව විදේශ කටයුතු නියෝජ්‍ය අමාත්‍ය අරුන් හේමචන්ද්‍ර මහතා ඊයේ (21) ප්‍රකාශ කළේය.
එම හමුවට මෙරට බ්‍රිතාන්‍ය මහ කොමසාරිස් ඇන්ඩෲ පැට්‍රික් මහතා ද සහභාගි වූ බවත් දෙරට අතර ද්විපාර්ශ්වික සබඳතා මෙන්ම පාර්ලිමේන්තු සබඳතා ද ශක්තිමත් කර ගැනීම එම හමුවේ අරමුණ වූ බවත් නියෝජ්‍ය අමාත්‍යවරයා පැවැසුවේය. හමුවේදී වෙළෙඳ සහ ආයෝජන, මෙරට ආර්ථිකය යථා තත්වයට පත්කර ගැනීම, වගවීම සහ මානව හිමිකම්, පශ්චාත් යුද සමයේ ප්‍රගතිය, සංචාරක ක්ෂේත්‍රය සහ ඩිජිටල් පරිවර්තනය යන කරුණු පිළිබඳව ඵලදායී සාකච්ඡාවක් පැවැත්වූ බව හේමචන්ද්‍ර මහතා ප්‍රකාශ කළේය.
ශ්‍රී ලංකාවේ නිෂ්පාදන රාශියකට තීරුබදු රහිතව ලබන වසරේ සිට බ්‍රිතාන්‍ය වෙළෙඳපොළට ප්‍රවේශ වීමට අවස්ථා ලබාදීම පිළිබඳව ද එහිදී බ්‍රිතාන්‍ය පාර්ලිමේන්තු කණ්ඩායමට මෙන්ම මෙරට බ්‍රිතාන්‍ය මහ කොමසාරිස්වරයාට ද ස්තුතිය පළ කළ බව නියෝජ්‍ය අමාත්‍යවරයා පැවැසුවේය.
බ්‍රිතාන්‍ය-ලංකා වෙළෙඳ ආයෝජන සබඳතා තර කරන්න සාකච්ඡා