භානුක අමරසිංහ

මෙල්ස්ටාකෝර්ප් පීඑල්සී සමාගමේ නව ප්‍රධාන විධායක නිලධාරීවරයා ලෙස සම්පත් ජූඩ් ප්‍රනාන්දු මහතා පත් කරගත් බව එම සමාගම පවසයි. ඒ අනුව දෙසැම්බර් 01 වැනිදා සිට බලාත්මක වන පරිදි මෙම නව පත් කිරීම සිදු කර තිබේ. 
ඒ මහතා සතුව මූල්‍ය, සැපයුම් සේවා කළමනාකරණ, අලෙවි හා අලෙවිකරණ සහ ජාත්‍යන්තර අලෙවිකරණ යන අංශවල වසර 32 කට අධික කාලයක් පුරා අත්දැකීම් සහිත බව පවසයි. මීට පෙර ප්‍රනාන්දු මහතා ජනශක්ති ඉන්ෂුවරන්ස් පීඑල්සී, කොත්මලේ හෝල්ඩිංග්ස් පීඑල්සී යන සමාගම්හි ප්‍රධාන විධායක නිලධාරිවරයා ලෙස කටයුතු කළේය.