‘වරායේ සාදය’ සම්බන්ධයෙන් රටේ ජනතාවගේ අවධානය යොමුවී තිබේ. හිටපු ජනාධිපති මහින්ද රාජපක්ෂ මහතා ඇතුළු පාර්ලිමේන්තු මන්ත්රීවරුන් පනහක් පමණ මෙම වරායේ සාදයට එක්වූ බව මාධ්ය වාර්තාවල සඳහන් ය. වරාය අධිකාරියට අයත් කුඩා ප්රමාණයේ නෞකා දෙකක් මන්ත්රීවරුන්ගේ විනෝද සංචාරය සඳහා වෙන්කර තිබී ඇති අතර, සංචාරය අතරතුර ඉස්තරම් වර්ගයේ මත්පැන්, කටගැස්ම සහිත භෝජන සංග්රහයක් ද සංවිධානය කර තිබූ බව ද මාධ්ය වාර්තා කළේය.
පාර්ලිමේන්තුවේ මන්ත්රීවරුන්ට පමණක් නොව මන්ත්රීවරුන්ගේ දරුවන්ට ද ජනතාව ශාප කරන බව පවසමින් සමගි ජන බලවේගයේ මොනරාගල දිස්ත්රික් පාර්ලිමේන්තු මන්ත්රී චමින්ද විජේසිරි මන්ත්රී ධුරයෙන් ඉල්ලා අස්වූයේ ඉකුත්දා ය. ජනතාව එබඳු තත්ත්වයට පත්ව ඇත්තේ අහම්බයෙන් නොවන බව ඒකාන්ත සත්යයකි.
රටේ මූලික නීතිය වන ආණ්ඩුක්රම ව්යවස්ථාවෙන් පරමාධිපත්යය බලය පිරිනමා ඇත්තේ මහජනතාවට ය. ඒ මහජනතාවගේ ඡන්දයෙන් පාර්ලිමේන්තුවට යන ගරු කටයුතු මහජන නියෝජිතයන්ගේ පරම වගකීම විය යුත්තේ ඒ මහජනයාගේ ජීවිත සුඛිත මුදිත කරවීම ය. ඒ මහජනයාට මානුෂීය ගරුත්වය රැකගෙන ජීවත්විය හැකි රටක් නිර්මාණය කිරීම ය. හෘදය සාක්ෂියක් ඇත්නම් ඒ ගරු කටයුතු මහජන නියෝජිතයන් ජනතාව විඳින දුක දැක සහකම්පනයට පත්විය යුතුය. එය එසේ නොවී ඔවුන් මහජනයාගේ මුදලින් සුර සැප විඳින්නේ නම් ජනතාව ශාප ඉල්ලීම වැරැදි යැයි කිව නොහැකි ය. මන්ත්රීවරුන්ගේ ‘වරාය සාදය’ සම්බන්ධයෙන් පිළිතුරු නිර්මාණය වන්නේ එවන් පසුබිමක ය.
දිවයිනේ ඇතැම් ප්රදේශවලට ඇදහැළෙන වර්ෂාව හේතුවෙන් පවුල් 33687 කට අයත් පුද්ගලයන් 109635 දෙනකු ආපදාවලට ලක්ව ඇතැයි ආපදා කළමනාකරණ මධ්යස්ථානය පවසන බව අප පුවත්පත වාර්තා කර තිබුණේ ඉකුත් සිකුරාදා ය. පොලොන්නරුව ඇතුළු අවට ප්රදේශවලට ඇදහැලුණ අධික වර්ෂාවත් සමග ගලා ආ වර්ෂා ජලයට අසුවූ කටුමැටි නිවෙසක බිත්තියක් කඩා වැටීමෙන් තරුණ එක්දරු මවක මියයාමේ දුක්බර පුවතක් වාර්තා වූයේ හිඟුරක්ගොඩ පොලිස් වසමෙනි. රටේ ජනතාව ජීවත්වන්නේ එබඳු දුක්බර ඉරණමක් යටය. තුන්වේල හොඳින් කා ජීවත් වූ ජනතාවට සිදුවී තිබෙන්නේ එක් වේලක් කෑ පසු ඊළඟ වේල කන්නේ කොහොමදැයි සිතමින් සුසුම්ලෑමට ය. ජීවත්වීම යනු මෙසේ අපාදුක් විඳීම නොවේ. එ්කාන්ත සත්ය එය වේ.
රට බංකොලොත්වී දරුවන්ට කන්න නැතිව සිටින මොහොතක ආණ්ඩුවේ මන්ත්රීවරුන් පිරිසක් විස්කි බිබී මුහුද මැද පාටියක් දැමීම මහ මෘග ක්රියාවක් යැයි විපක්ෂ නායක සජිත් ප්රේමදාස පාර්ලිමේන්තුවේ දී ප්රකාශකර සිටියේය. මෙම පාටිය සඳහා හිටපු ජනාධිපති මහින්ද රාජපක්ෂ ද සහභාගීවී ඇතැයි පවසා ඇති විපක්ෂනායකවරයා දරුවන්ට වාර ප්රවේශ පත්රය දීමට නොහැකි ආණ්ඩුව මන්ත්රීවරුන්ට මුහුද මැද පාටි දැමීමට අවසරදීම අසාධාරණ බව ද ප්රකාශ කර තිබිණි.
වරාය සහ ගුවන්සේවා රාජ්ය අමාත්ය ප්රේමලාල් ජයසේකර පාර්ලිමේන්තුවේ දී ප්රකාශ කර සිටියේ වරායේ පැවැත්වුණේ පාටියක් නොව මන්ත්රීවරුන්ගේ නිරීක්ෂණ චාරිකාවක් බවය. ‘පසුගිය අයවැය අවස්ථාවේදී අපේ මන්ත්රීවරුන්ගේ ඉල්ලීමක් තිබුණා වරාය වැය ශීර්ෂයේ දී ඡන්දය දෙනවා විතරයි. අපට වරාය බලන්න ඕනෑ කියලා. බටහිර සහ නැගෙනහිර පර්යන්ත ඒ වගේම මුහුදේ වැලි ඉවත් කරන ආකාරය ගැන බලන්න ඕනෑ කිව්ව පාර්ලිමේන්තු මන්ත්රීවරුන් ඉල්ලීමක් කළාම ඒ අය එක්කරගෙන යන්න රාජ්ය ඇමැතිවරයා ලෙස මට වගකීමක් තියෙනවා’ යි රාජ්ය අමාත්යවරයා ප්රකාශ කර තිබිණ.
රට බංකොලොත් වුණේ කෙසේදැයි අමුතුවෙන් සිහිපත් කළ යුතු නොවේ. ජනතාවගේ අපේක්ෂාව රට මේ සැහැසි ඉරණමෙන් ඉක්මනින් මුදාගැනීමට ය. එම අපේක්ෂාව ජීවමාන යථාර්ථයක් බවට පරිවර්තනය කෙරෙන ප්රායෝගික වැඩපිළිවෙළක් මිස ජනතාව අන් කිසිවක් ඉවසන්නේ නැති බව අපි අවධාරණය කරමු.
(***)
ජනතා විමුක්ති පෙරමුණේ නායකයෝ 1971 කැරැල්ලෙන් පසු සිරගතව සිට 1977 දී යළි නිදහස ලැබූ පසු වෙනස්ම ආකාරයේ දේශපාලන වැඩ පිළිවෙළක් ඉදිරිපත් කළහ.
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
උමා ඔය ව්යාපෘතිය විවෘත කිරීමට නියමිත ව තිබුණේ 2015 දී ය. එහෙත් එය සැබැවින්ම විවෘත කළේ පෙරේදා ය. එනම් විවෘත කිරීමට නියමිත වසරට වඩා වසර 9කට පසු ය. කෙනෙක් ලංකාව
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
එළැඹෙන ජනාධිපතිවරණය සඳහා උතුරු-නැගෙනහිර දෙමළ ජනතාව වෙනුවෙන් හින්දු ආගමික ජනාධිපති අපේක්ෂකයකු ඉදිරිපත් කළ යුතු යැයි උතුරේ හින්දු මූලධර්මවාදී කල්ලිය
අය වැයෙන් ඉලක්ක කළ ආදායම අඛණ්ඩව තිස් තුන් වැනි වතාවටත් අහිමි වී ඇති බවට මේ දිනවල වාර්තා වෙමින් තිබේ. මෙයින් පෙනෙන්නේ මේ අර්බුදය අද ඊයේ ඇති වූවක් නොවන බව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වරායේ තිබුණේ සාදයක්ද? නිරීක්ෂණයක්ද?
yass Tuesday, 16 January 2024 07:35 AM
ඉතාමත්ම හොඳ විවරණයක්... මෙහෙමයි වැඩේ. හාමුදුරුවෝ බණ කියනවා. ආර්ථික ඔස්තාර්ලා, දේශපාලන නායකයෝ සියල්ලෝම රට හදන්න අනුශාසනා කරනවා. හැබැයි කවුරුවත් හැදෙන්නේ නැහැනේ... නඩුත්, බඩුත් දෙකම හාමුදුරුවන්ගේ...
A Sri Lankan Voter alias an idiot. Monday, 22 January 2024 12:18 PM
රට පාලනය කරන බූරුවන්ගේ වැඩක්...