කටුනායක ගුවන් තොටුපොළ ඒකාබද්ධ වෘත්තීය සමිතියේ සභාපති ඇතුළු එහි නිලතල හෙබව වූ නායකයන් 28 දෙනකු අනිවාර්ය නිවාඩු යැවීමට ගුවන් තොටුපොළ සහ ගුවන් සේවා සමාගමේ සභාපතිවරයා පියවර ගෙන තිබේ. ගුවන් සේවා කටයුතු කඩාකප්පල් කිරීමට තැත් කළැයි කියන සිද්ධියක් හේතුවෙන් මේ පියවර ගත් බවද සභාපති ඉංජිනේරු අතුල ගල්කැටිය මහතා අපගේ ලංකාදීප පුවත්පතට ප්රකාශ කර තිබිණි.
එම ප්රකාශයට අනුව මෙම අනිවාර්ය නිවාඩු යැවීමට ලක්වූ පිරිස කටුනායක ගුවන් තොටුපොළට සම්බන්ධ ගුවන් ගමන් සේවා අවහිර කර කඩාකප්පල් කිරීමේ අරමුණින් ජාත්යන්තර ගුවන්යානා සමාගම් වෙත ලිපි යවා ඇති බවටත් එම ලිපි ජනමාධ්ය මගින් ප්රසිද්ධ කර ඇති බවටත් චෝදනා එල්ල කර තිබේ. එම ලිපි යැවීමේ අරමුණ වී ඇත්තේ ශ්රී ලංකාව සමඟ ගුවන් ගමන් සබඳතා පවත්වන සියලු ගුවන් සේවා අවහිර කිරීම සහ කඩාකප්පල් කිරීම බව ද සඳහන් වෙයි. මෙය විෂමාචාර ක්රියාවක් වීම හේතුවෙන් බලපෑම්වලින් තොරව විධිමත් පරීක්ෂණයක් පැවැත්වීම සඳහා වහාම බලපැවැත්වෙන පරිදි මේ අනිවාර්ය නිවාඩු යැවීමේ තීන්දුව ක්රියාත්මක කළ බවද සභාපතිවරයා ප්රකාශ කර තිබිණි.
අපේ රට මහා විශාල රටක් නොවේ. සබැවින් එහි ප්රධාන ජාත්යන්තර ගුවන් තොටුපොළ වන කටුනායක ගුවන් තොටුපොළට හිමිවන්නේ ඉතා වැදගත් සුවිශේෂ ස්ථානයකි. ජාතික ආරක්ෂාව සම්බන්ධයෙන් ද එහි වැදගත්කම අසීමිතය. එවැනි රටටම වැදගත් ආයතනයක නිලධාරීන් සහ සේවකයන් සියලු දෙනා තුළ තමන් රාජකාරි කරන ස්ථානයේ තිබෙන සුවිශේෂ වැදගත්කම සම්බන්ධයෙන් පැහැදිලි අවබෝධයක් තිබිය යුතුය. වෘත්තීය සමිති නායකයන් තුළ එම අවබෝධය වඩාත් පුළුල් ලෙස තිබීම අත්යවශ්යය.
එසේ වුවද එම වෘත්තීය සමිතියේ ලේකම්වරයා ඇතුළු නිලධාරීන් පිරිස ක්රියා කර ඇත්තේ අඳබාලයන් ලෙසින් බව මේ සිද්ධියෙන් පෙනී යයි. රටේ ජාතික සම්පතක් වන කටුනායක ජාත්යන්තර ගුවන් තොටුපොළ සතුව තිබෙන ජාත්යන්තර ප්රතිරූපය කෙළෙසා දමන ආකාරයට කටයුතු කිරීම සම්බන්ධයෙන් ඔවුන් ලජ්ජා විය යුතුය. වෘත්තීය සමිතියක් වශයෙන් ඔවුන්ට තම පාලනාධිකාරිය සමඟින් විසඳාගත යුතු ගැටලු තිබිය හැක. එහෙත් එම ගැටලු සමථයකට පත්කර ගැනීම වෙනුවෙන් රටේ ප්රධානම ජාත්යන්තර ගුවන් තොටුෙපාළේ කීර්තිනාමය පරදුවට තැබීම සමාව දිය හැකි කරුණක් නොවේ. වෘත්තීය සමිති ප්රශ්න පාලනාධිකාරිය සමඟ විසඳාගත යුතුය. ඒ සඳහා ඔවුන්ට ඇති අයිතිය පිළිබඳ අපි ප්රශ්න නොකරමු. එහෙත් ජාතික සම්පතක අභිමානය සෝදා හැරීමට ඔවුන්ට අයිතියක් නැත. ඒ බව ඔවුන්ට අමතක වී නම් ඒ බව මතක් කර දීම අපගේ ද වගකීමක් වශයෙන් සලකමු.
මේ රට වැටී තිබෙන ආර්ථික අගාධයෙන් ගොඩ ඒමට හැකි තරම් වෙර දරන අවස්ථාවක ගුවන් තොටුපොළ අකර්මණ්ය කිරීමට, කඩාකප්පල් කිරීමට යම් පිරිසක් දරන වෑයම හැඳින්විය හැක්කේ රටට එරෙහිව සිදුකරන කුමන්ත්රණයක් වශයෙනි. එසේම පසුගිය වසර තුළ මෙරටට සංචාරකයන්ගේ පැමිණීමේ විශාල වර්ධනයක් තිබීමත් එය තවදුරටත් මේ වසර තුළ වර්ධනය වීමට තිබෙන අවස්ථාවත් සලකා බලන විට ගුවන් තොටුපොළ කඩාකප්පල් කිරීම යනු එම ආදායම් මාර්ගය ආපහු හැරවීමකි.
මෙම නිලධාරීන්ට එරෙහි පරීක්ෂණ අවසන් වන තෙක් සීමාසහිත ගුවන් තොටුපොළ සහ ගුවන් සේවා සමාගමේ කිසිදු පරිශ්රයක් වෙත ඇතුළු වීමද ඔවුන්ට තහනම් කර තිබෙන බවද සඳහන්ය. එය ගුවන් තොටුපොළේ ආරක්ෂාව වෙනුවෙන් ගනු ලැබූ පියවරක් බව පැහැදිලිය.
එය එසේ වුවද තමන්ගේ වෘත්තීය සමිති ගැටලු විසඳා ගැනීමට වෙනත් ගුවන්යානා සමාගම් වෙත ලිපි යැවීමේ තීන්දුව කිසිසේත් සාධාරණීකරණය කළ නොහැක. එයින් සිදුවන්නේ ගැටලුව විසඳීමට වඩා එය තවදුරටත් සංකීර්ණ වීමය. වෘත්තීය සමිති තම වෘත්තීය ගැටලු විසඳා ගැනීමට කටයුතු කළ යුත්තේ තමන්ගේ ජාතික වගකීම සම්බන්ධයෙන් පුළුල් අවබෝධයක් ඇතිව බව ඔවුන්ට සිහිපත් කර දීමට කැමැත්තෙමු.
(***)
මැයි 01 දිනට යෙදෙන ජාත්යන්තර කම්කරු දින සැමරීම යෙදී තිබුණේ මේ සතියේ ය. මේ වසරේ පවත්වන්නට නියමිත ජනාධිපතිවරණයට පෙර යෙදෙන අවසාන මැයි දිනය මෙය වන බැවින් ප
ආර්ථික වර්ධනය සම්බන්ධයෙන් කවර කතා කීව ද මෙරට ජනයාගෙන් සාතිශය බහුතරයක් ජීවත් වන්නේ ඉතා අසීරුවෙන් බව වසන් කළ නොහැකි සත්යයකි. එම පිරිසෙනුත් ඉතාම දුක්ඛි
2023 මහ බැංකු වාර්තාවට අනුව මෙරට කර්මාන්ත අංශය සියයට 9.2 කින් පහළ බැස ඇති බව දක්වේ. මෙම කාරණය සහ ඊට බලපා ඇති හේතු සැලකිල්ලට ගතහොත් මූලික වශයෙන් මෙරට ජාතික නි
මැණික්හින්න රෝහලේ කාර්ය මණ්ඩලය හා පිටස්තර පුද්ගලයන් අතර ඇවිළීගිය ‘‘යුද්ධයෙන්’’ පසුව තුවාල වූවන් රෝහල්ගත කළ බවත් තව පිරිසක් අත්අඩංගුවට ගත් බවත් මාධ්
කම්කරු පන්තියේ අයිතිවාසිකම් තහවුරු කිරීම සඳහා දිගුකලක් තිස්සේ පවත්වාගෙන ගිය අරගල සමැරීම සඳහා මැයි දිනය යොදා ගැනේ. පසුගිය කාල පරිච්ඡේදයේ වැඩි වශයෙන්ම
ජාත්යන්තර මැයි දින සැමරුම අදට යෙදී තිබේ. වැඩ කරන පන්තියේ ජනයාගේ ශක්තිය එක මීටට එකතු කර සකල අගති කුදලා දමන අරගලයට පණ පොවන මැයි දිනය වෙනුවෙන් කැපවන කම්කර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අතළොස්සක් වෙනුවෙන් ජාතික වස්තු වැනසිය යුතුද?
Amal Monday, 08 January 2024 11:26 AM
මේ හා සමාන දෙයක් SL ක්රිකට් එකෙත් වුණා. හැබැයි, ඔවුන් තාමත් යහතින් වැජඹෙනවා දේශපාලන අනුග්රහයත් සමගින්.. එක රටක්, නීති දෙකක් !!!
janahitha Wednesday, 10 January 2024 09:35 AM
වැරැදි මතයක්... ඔය ආයතනයේ බොහෝමයක් වංචා, දූෂණවල යෙදෙන අනිකුත් ආයතන වලට වඩා වැඩි වැටුප් ලබන කිසිම සේවයක් නොකරන අය සියලු දේ සොරකම් කරන අය වැඩිය භාණ්ඩ මිලදී නොගෙන බිල්පත් දමා මුදල් ගැරීමට හපනුන්, ඉංජිනේරු අංශයේත් ඉන්නවා.. නැවතුම් අංගන වල මුදල් රජයට ලැබෙන්නේ නැහැ හොරබිල් පත් දමා වංචා කරනවා..