IMG-LOGO

2024 මැයි මස 25 වන සෙනසුරාදා


පියාසැරි 84 කට පසු නික්ම ගිය කෑගල්ලේ කුරුල්ලා

 

සටහන -  ප්‍රදිප් කුමාර ධර්මරත්න

 


කන්තලේ සුරියපුර හි දී ඊයේ (15) දහවල් සැහැල්ලු ගුවන් යානයක් කඩා වැටීමෙන් පුහුණු ගුවන් නියමුවෙකු මරණයට පත්විය. මෙලෙස මරණයට පත් වුයේ ත්‍රිකුණාමලය චීන වරාය ගුවන් හමුදා කඳවුරට අනුයුත්තව සේවය කළ ආධුනික ගුවන් නියමුවෙකි.


කෑගල්ල මාපිටිගම අලුත් වලව්වේ පදිංචි කේ. ආර්. ශාලින්ද විමුක්ති බණ්ඩාර අමරකෝන් වන ඔහු මිය යන විට 23 වෙනි වියේ පසුවිය. 2019 වසරේ ජනවාරි මස ගුවන් හමුදා සේවයට එක් වු ශාලින්ද කෑගලු මහා විද්‍යාලයේ ආදි ශිෂ්‍යයෙකි.


රුවැන්වැල්ල මාපිටිගම අලුත්වලව්වේ සමන් කුමාර අමරකොන් සහ ශිරන්ති කුමාරි මාපිටිගම යුවලට දාව 1997 සැප්තැම්බර් 08 වන දින මෙලොව එළිය දුටු ශාලින්ද විමුක්ති බණ්ඩාර අමරකොන් පවුලේ එකම පිරිමි දරුවා විය.


පවුලේ බාලයා වු ශාලින්දට වැඩිමහල් සොහොයුරියන් දෙදෙනෙකි. රන්දුලිකා අමරකොන් ශාලින්දගේ වැඩිමහල් අක්කා වන අතර උදාරා අවන්ති අමරකෝන් දෙවනි අක්කාය. පවුලේ සැමගේ සෙනෙහස ආදරය මැද මාපිටිගම අලුත් වලව්වේ හැදිවැඩුනු ශාලින්ද කෑගල්ල විද්‍යාලයට ඇතුලත්ව අකුරු උගත්තේය. ගණිත අංශයෙන් උසස් පෙළ සමත්ව රජරට සහ රුහුණු විශ්ව විද්‍යාලවලට යාමට සුදුසුකම් ලැබු ඔහු ඒ සියල්ල අතහැර කුඩා කළ සිට තිබූ සිහිනයක් සැබැ කරගනිමින් කැඩෙට් නිලධාරියෙකු ලෙස ශ්‍රි ලංකා ගුවන් හමුදාවට එක් විය.


2019 ජනවාරි 27 වෙනි දින කැඩෙට් නිලධාරියෙකු ලෙස බැදි දියතලාව පුහුණු පාසලේ හය මසක පුහුණු පාඨමාලාවක් හදාරා තිකුණාමලය චීන වරාය ගුවන් හමුදා පුහුණු ගුවන් නියමු පුහුණු පාඨමාලාව හදාරමින් සිටියදි ඊයේ (15)දින මෙම සිදුවු ගුවන් අනතුරෙන් ශාලින්ද විමුක්ති බණ්ඩාර ජිවීතක්ෂයට පත් විය.


ඔහු පියාසර සැසි 84 ක් අවසන් කර ඇති අතර තවත් පියාසර සැසි 4 ක් නිම කිරිමට තිබි ඇත. ත්‍රිකුණාමලය චීන වරාය ගුවන් හමුදා කදවුරෙන් දහවල් 1 ට ගුවන් යානය පිටත් වී ඇති අතර ගුවන්ගත කර විනාඩි 15 කට පමණ පසු එම ගුවන් යානය හා ප්‍රධාන මෙහෙයුම් මැදිරිය හා පැවති සම්බන්ධතා බිඳ වැටි තිබේ. පසුව අනතුරට ලක් වු මෙම ගුවන් යානයේ ගුවන් නියමු ශාලින්ද විමුක්ති බණ්ඩාර අමරකොන් ජිවීතක්ෂයට පත්ව තිබේ.

සිය සොහොයුරාගේ වියෝවෙන් දැඩි කම්පාවට පත්ව සිටින උදාරා අවන්ති අමරකොන් මෙනෙවිය මෙසේ පැවසුවාය.


ගුවන් අනතුරෙන් මියගොස් සිටින්නේ මගේ එකම මල්ලි. එයා හරියට කුරුල්ලෙක් වගේ. අම්මා ආදරයට කිවේ කුරුල්ලා කියලා. පුංචි කාලේ ඉදලම එයාට ආසාව තිබුනේ ගුවන් නියමුවෙක් වෙන්න.


ගුවන් නියමුවෙක් දැකලාවත් නැති කාලේම මල්ලි කිවේ මමත් කවදහරි පයිලට් කෙනෙක් වෙනවා කියලා. එයාගේ ඒ සිහිනය සෑබෑ කර ගන්න අපි ඉඩ දුන්නා. අපේ ගෙදර වීරයා.


ආයේ කවදාවත් එන්නේ නැති වෙන්න ඉගිලිලා ගියා. මදුරුවෙක්වත් මරන්නේ නැති මේ අහිංසකයා අපි දාලා යයි කියලා හිතා ගන්න බෑ. මල්ලි අන්තිමට කථා කලේ 13 වෙනි ඉරිදා වීඩියෝ කොල් එකක් අරන් කථා කරා. එදා මම අම්මා, අක්කා එක්ක මල්ලි ගොඩක් වෙලා කථා කලා. අම්මා කීවා අවුරුදු 300 කට විතර පස්සේ නත්තල් තරුවක් දකින්න ලැබෙනවා කියලා. එක බලන්න එන්න නිවාඩුවක් ලැබෙයි නේද කියලාත් ඇහුවා.


එයා අපි ඔක්කෝමලා හිනස්සලා අපි එක්ක ගොඩක් වෙලා කථා කලා. අපි හිතුවේ නෑ මේ කථා කරන්නේ අන්තිම වතාවටද කියලා. මල්ලිට එහෙම දෙයක් වුනේ කොහමද කියලා අපිට හිතා ගන්න බෑ.


ඒයා අපි එක්ක ජිවත් වෙනවා කියලා අපිට හිතෙන්නේ. එයා ගොඩක් අහිංසකයි. කිසිම කෙනෙක්ගේ හිත රිදවලා නෑ. මල්ලි නිවාඩු ආපුහම එයාගේ යාලුවෝ හැමදාම ඇවිල්ලා එයා එක්ක ඉන්නවා. එයා හැම කෙනාටම උදව් කලා. එයා පුහුණු කඳවුරේ සීනියර් මෑන්. අපේ වීරයා මුලු ලොකේටම වීරයා වෙලා අපෙන් යන්න ගියා. ”


තම පුතුගේ අකල් වියෝවෙන් දැඩිසේ කම්පාවට පත්ව සිටි ශිරන්ති කුමාරි මාපිටිගම මහත්මිය දරාගත නොහැකි දුකකින් හඩාවැටෙන්නීය.


කුඩා කල පටන් තම උකුලේ සුරතල් පා හැදි වැඩුන ශාලින්ද පුතු නැති ශෝකය ඇය හට දරා ගත නොහැකි විය. එ නිසාම ඈ විටක විලාප නගමින් හඩා වැටෙන්නේ දෛවය මේ විදිහටම දරුණු කලා මට මගේ සුරතල් පැටියා මට නැති කලා. ඇයි දෙයියනේ මේ වාගේ අහිංසකයෙකුට මෙවැනි විපතක් වුනේ. මාගේ සුරතල් කුරුළු පැටියාට මොකද මේ වුනේ. පුංචි කාලේ ඉදලාම අහසේ ඉගිලෙන්න තමයි හින මැවුවේ. ඒ හිනේ එයාට සෑබැ කර ගන්න ගුවන් හමුදාවට බැදෙන්න අවසරය දුන්නා. මම හිතුවේ නෑ මගේ අහිංසක කුරුළු පැටියා අපිව දාලා ඉගිලිලා යයි කියලා. එයා හැම දේටම දක්ෂයෙක් පුහුණු කදවුරේ 300 ක් අතරින් පලවෙනියා එයා. මගේ පණ මට නැතිවුනා” යැයි ශාලිතගේ අම්මා හැගුම්බරව පැවසුවාය.

    



අදහස් (9)

පියාසැරි 84 කට පසු නික්ම ගිය කෑගල්ලේ කුරුල්ලා

Raveendra Wednesday, 16 December 2020 12:03 PM

පව් මේ දරුවා...ඔබට නිවන් සුව අත් වේවා....!!!

:       0       0

විජිත් Wednesday, 16 December 2020 01:09 PM

යෞවනයේදීම මෙලොව හැරගිය ඔබට නිවන්සුව පතමි.

:       0       0

yasa Wednesday, 16 December 2020 08:57 PM

ඔබට නිවන් සුව සහෝදරයා...

:       0       50

upul thammita Thursday, 17 December 2020 03:51 PM

ඉතාම හොද සංවේදී ලිපියක්. කුරුලු පුතාට කිසිදිනක මෙවන් සිදුවීමක් නොවේවා. ජයශ්‍රී මහා බෝසමිදු පිහිටෙන් ඔබට නිවන් සුව ලැබේවා.

:       0       43

චින්තක Friday, 18 December 2020 01:59 PM

මල්ලියේ ඔබට නිවන් සුව අත්වේවා !!!

:       0       30

Gabaran Friday, 18 December 2020 10:37 PM

හරිම දුකයි.... නිවන් සුව පතමි..

:       0       0

fairoos Sunday, 20 December 2020 07:01 AM

ඉතාම කණගාටුයි. ඔබට නිවන් සුව...!!! 

:       0       0

shalika Sunday, 20 December 2020 03:29 PM

මල්ලියේ ඔබට නිවන් සුව අත්වේවා !!!

:       0       0

ඉසුරු Monday, 21 December 2020 11:25 AM

එහෙම සැසියකදි ඔහුගෙ අරක්ශාවට තාක්ෂණික ක්‍රමවෙදයක් තිබ්බනම් ඔහොම නොවෙන්න තිබ්බා.... නිවන් සුව ... !!!

:       0       15

ඔබේ අදහස් එවන්න

විශේෂාංග

දිඹුලාගල සිංහයා - කිතලගම නාහිමි
2024 මැයි මස 25 51 0

රට, ජාතිය, සම්බුද්ධ ශාසනය වෙනුවෙන් සුවිශාල මෙහෙවරක් කර මෙරට වැඩිම දරු පරපුරක්, සම්බුද්ධ ශාසනයට ඇතුළත් කරගත් දිඹුලාගල හාමුදුරුවන් හෙවත් මාතර කිතලගම ශ්


ජනපතිවරණයට උතුරු - දකුණ ඡන්ද සාධක
2024 මැයි මස 25 70 0

ලක්ෂ ගණනක් ජනතාව 2012 දී වීදි බැස ආණ්ඩුවට එරෙහිව මාස හතරක් පුරා අරගල කරන්නට පොළඹවමින් උත්සන්න වූ ආර්ථික අර්බුදය හේතුවෙන් රටපුරා අති බහුතරයකගේ සාම්ප්‍රද


පාසල් අසල මාර්ගවල රථවාහන පාලනයක් ඕනෑ
2024 මැයි මස 25 16 0

අනතුරු සිදු වන්නේ කල් ඇතිව දැනුම් දී නොවේ. එහෙත් ඇතැම් අනතුරු වළක්වාගත හැකිය. එයට එළැඹගත් සිහියෙන් ක්‍රියා තළ යුතුය. එසේම ඇතැම් අනතුරුවලට හේතුව නොසැලක


චිත්‍රපට අරමුදලක් වහාම ඕනෑ
2024 මැයි මස 24 319 0

ඔහු මෙරට සිනමාව, ටෙලිනාට්‍යය යන අංශ ද්විත්වයේ නිතරම තම අධ්‍යයන කටයුතු සිදුකරන නිර්මාණශීලී අධ්‍යක්ෂවරයෙකි. ‘‘සුදු කළු සහ අළු’’ යන සිනමා පටය නිර්මාණය ක


සංස්කෘතික විප්ලවයක අවශ්‍යතාව
2024 මැයි මස 24 157 2

ලෝක පූජිත භෞතික විද්‍යඥ සහ සාපේක්ෂතා න්‍යායේ නිර්මාතෘ ඇල්බර්ට් අයින්ස්ටයින්ගේ සුප්‍රකට ප්‍රකාශයක් පහත එන පරිදි ය. “නූතන ලෝකයේ විද්‍යාත්මක අවශ්‍යතා


ජාතික ආරක්ෂාවේ සූදානම නිරන්තරයෙන් අවශ්‍යයි
2024 මැයි මස 24 156 0

ජාතික ආරක්ෂාව සම්බන්ධයෙන් අවධානයෙන් සිටීමේ වැදගත්කම අවධාරණය කෙරෙන සිද්ධියක් පසුගිය දින කිහිපය පුරාම අප පුවත්පත වාර්තා කළේ ය. එම සිදුවීම නම්, ඉන්දියා


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 937 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2488 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2134 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site