IMG-LOGO

2024 මැයි මස 29 වන බදාදා


අපේ විශ්‍රාමික යුද සෙබළුන් යුක්රේන යුද්ධයට බිලිදෙනු එපා

රුසියානු - යුක්රේන යුද්ධය ලෝක සාමයට බරපතළ තර්ජනයකි. බලවත් රටවල ආර්ථිකයට මෙන්ම අප වැනි දුබල රටවල ආර්ථිකයට ද එමගින් එල්ල වී ඇති බලපෑම අති ප්‍රබලය. ඒ සියල්ලටම අමතර බරපතළ ප්‍රශ්නයකට අප රට මුහුණ දී සිටී. ඒ එම යුද්ධයට අදාළව මහා පරිමාණයෙන් සිදුකර ගෙන යනු ලබන මිනිස් ජාවාරමය.

අප පුවත්පත ඊයේ වාර්තා කළ ප්‍රවෘත්තියකින් කියැවුණේ රුසියානු - යුක්රේන යුද්ධය සඳහා මෙරට විශ්‍රාමික හමුදා නිලධාරීන් කුලී හේවායන් ලෙස එරටට යවා මිනිස් ජාවාරම් කිරීමේ මහ මොළකරු බව කියන හිටපු මේජර් ජනරාල්වරයකු සහ ඔහුට සහාය දුන් හිටපු සාජන් මේජර්වරයකු අපරාධ පරීක්ෂණ දෙපාර්තමේන්තුවේ මිනිස් වෙෙළඳ‌ාම් ජාවාරම් සහ සමුද්‍රීය අපරාධ විමර්ශන කොට්ඨාසය මගින් අත්අඩංගුවට ගනු ලැබ සිටින බවය. ඒ අනුව මෙම මිනිස් ජාවාරම සම්බන්ධයෙන් අත්අඩංගුවට ගැනුණු සංඛ්‍යාව හතර දෙනකු දක්වා ඉහළ ගොස් තිබේ.

මෙම මිනිස් ජාවාරම සම්බන්ධ සුලමුල හෙළි වූයේ රුසියානු යුද්ධයට කුලී හේවායන් ලෙස මෙරටින් ගිය පිරිසකගෙන් දිවි බේරාගෙන යළි මෙරටට පැමිණි හිටපු හමුදා සෙබළුන් දෙදෙනකුගෙනි. ඔවුන් දෙදෙනා නොවන්නට ඇතැම් විට මෙම මහා මිනිස් ජාවාරම කාලයේ වැලිතලාවෙන් වැසී යාමට ඉඩ තිබිණි.

ජාවාරම්කරුවන් පවසන්නේ රුසියානු හා යුක්රේන හමුදාවලට සහාය වීම පිණිස පිරිස් එරටට යවන බවය. එමෙන්ම ඔවුන්ට පැවරෙණ වගකීම වන්නේ යුද බිමේ නොව ඉන් බොහෝ දුර පිහිටි හමුදා කඳවුරුවල සේවය කිරීම බවය. ඒ වෙනුවෙන් රුපියල් ලක්ෂ 7 ක 8 ක වේතනයක් ලැබෙන බවය. එයට එකඟ වූවන්ගෙන් ජාවාරම්කරුවන් රුපියල් ලක්ෂ 15 ක පමණ මුදලක් ලබා ගන්නා බව ද වාර්තා වේ.

මෙය වූ කලී බරපතළ තත්වයකි. මෙරට විශ්‍රාමික හමුදා සාමාජිකයන් රුසියාවට යුක්රේනයට යවනු ලබන්නේ රාජ්‍ය තාන්ත්‍රික සබඳතා මත නොවේ. එමෙන්ම එම රටවල් සමග ඇති කරගත් නෛතික භාවයකින් ද නොවේ. එහෙයින් එරටට යන යම් අයකුට කිසියම් ආපදාවක් වුවහොත් වන්දි ආදී කිසිවක් ලැබෙන්නේ ද නැත. එකඟ වූ පරිදි වැටුප් නොගෙවන බව ද වාර්තා වේ. එහෙත් ඒ වෙනුවෙන් ක්‍රියාමාර්ග ගැනීමට කිසිදා නෛතික ප්‍රතිපාදනයක් නැත.

හමුදා කඳවුරුවල සේවයට යැයි කීව ද මෙරටින් යවනු ලබන විශ්‍රාමික හමුදා සාමාජිකයෝ සෘජුවම යුද පිටියට යවනු ලබති. මෙම විශ්‍රාමික හමුදා සාමාජිකයන් කොටසකට රුසියානු හමුදා සෙබළුන් සමග එක්ව යුද වැදීමට සිදුව තිබෙන අතර තවත් පිරිසකට යුක්රේන හමුදා සෙබළුන් සමග එක්ව සටන් කිරීමට සිදුව ඇත.

නිශ්චිතවම තොරතුරු නැතත් රුසියාවට හා යුක්රේනයට මෙරටින් ගොස් ඇති විශ්‍රාමික හමුදා සාමාජිකයන්ගේ සංඛ්‍යාව හාර පන්සියයක් පමණ වෙති. වාර්තාවන අන්දමට මෙරටින් ගිය විශ්‍රාමික හමුදා සෙබළුන්ගෙන් ඇතැමෙක් මරුමුවට පත්ව සිටිති. එහෙත් ඒ සම්බන්ධයෙන් නිල සංඛ්‍යා ලේඛන හෝ නිශ්චිත තොරතුරු නැත. ඒ සම්බන්ධයෙන් වගකීමක් බාර ගැනීමට අයකු ඇත්තේ ද නැත. මෙය ජාතික ව්‍යසනයක් ලෙස හඳුනාගත යුත්තේ ද එහෙයිනි.

මිනිස් ජීවිත සමග සෙල්ලම් කරන මෙබඳු ජාවාරම්කරුවන්ට උපරිම දඬුවම් ලබා දිය යුතුය. එමෙන්ම රුසියානු - යුක්රේන යුද බිම්වල දුක් විඳින ශ්‍රී ලාංකික විශ්‍රාමික හමුදා සෙබළුන් නිරුපද්‍රිතව මෙරටට රැගෙන ඒමට කඩිනම් වැඩපිළිවෙළක් ක්‍රියාත්මක කළ යුතුය.

(***)



අදහස් (3)

අපේ විශ්‍රාමික යුද සෙබළුන් යුක්රේන යුද්ධයට බිලිදෙනු එපා

Hira Friday, 10 May 2024 05:12 PM

TNA අයට පට්ට චූන් ඇති මේවා බලනකොට...!

:       0       3

රට විරුවා Monday, 13 May 2024 09:40 AM

කව්දෝ ඒ දවස්වල 8 පාස් ආමිකාරයෝ කියනවා මතකයි. අමූලික බොරුනේ කියලා තියෙන්නේ...!

:       0       2

බද්රානි Tuesday, 14 May 2024 02:05 PM

මොවුන් සල්ලිත් ගෙවලා යන්නේ කුලියට මිනී මරන්න නම්, මොවුන්ට යුද්ධයේදී මරණය හිමිවිය යුතුයි!!! යුද්දෙට ගියා නම්, යුද්ධ නොකර නාහෙන් හඬන්නේ, රණ විරුවොද..? එහෙම නැත්නම් බිය ගුල්ලොද...? විහින් පව් ගෙවන තන්හාකාරයෝ මෙවුන් හිතාගෙන ඉන්නේ ලෝකේ (රුසියාවයි, යුක්රේනයයි) තියෙන්නේ ලංකාව ඇතුලේ කියලා වෙන්න ඇති..?

:       0       4

ඔබේ අදහස් එවන්න

විශේෂාංග

ශ්‍රියා මනමත් කළ ආනන්ද අයියා
2024 මැයි මස 28 672 3

අභාවප්‍රාප්ත ප්‍රවීණ සංගීතඥයකු වූ ආනන්ද පෙරේරා මහතාගේ අවසන් කටයුතු හෙට (29) මහයියාව පොදු සුසාන භූමියේදී සිදුකෙරේ. මේ සටහන ඒ නිමිත්තෙනි.


රට හදන්න ප්‍රාෙයා්ගික සැලැස්මක් ඕනෑ
2024 මැයි මස 28 137 0

අද දේශපාලනයේ දිශානතිය, ආණ්ඩුවේ ගමන් මග, එක්සත් ජනරජ පෙරමුණේ වැඩපිළිවෙළ, ජුනි 01 වැනිදා කෙරෙන්නේ කුමක්ද? යනාදී කරුණු සම්බන්ධයෙන් කළ විමසුමකි මේ.


බලයෙන් මත්වූ දේශපාලනය සමාජයෙන් පිටමං කරමු
2024 මැයි මස 28 169 0

අප රටේ දේශපාලකයන් සෑහෙන පිරිසක් සුව කළ නොහැකි රෝගවලින් පෙළෙන බව බොහෝ අවස්ථාවල ඔප්පු වී ඇති සත්‍යයකි. එසේ සුව කළ නොහැකි රෝග අතර බලයෙන් ඉදිමීම, අතීතය අමතක


නව පනත් අර්බුදයට විසඳුමක්ද?
2024 මැයි මස 27 233 0

​2022 වර්ෂයේ රට මුහුණ දුන් ආර්ථික අර්බුදයේ මූල හේතු ගණනාවකි. ඉන් ප්‍රධාන තැනක් හිමි වන්නේ, දශක ගණනාවක් තිස්සේ පවත්ව‍ාගෙන යනු ලබන ඉහළ අයවැය සහ ගෙවුම් ශේෂ හ


විගණන වාර්තා නියෝග වතුරේ යැවීමේ ප්‍රතිවිපාක
2024 මැයි මස 27 117 1

රාජ්‍ය ආයතනවල දූෂණ, වංචා සහ අක්‍රමිකතා වැළැක්වීමට රජයේ විගණකාධිපති දෙපාර්තමේන්තුව දුන් නිර්දේශ ලක්ෂයකට ආසන්න සංඛ්‍යාවක් සම්බන්ධයෙන් අවශ්‍ය ක්‍රිය


දිඹුලාගල සිංහයා - කිතලගම නාහිමි
2024 මැයි මස 25 898 3

රට, ජාතිය, සම්බුද්ධ ශාසනය වෙනුවෙන් සුවිශාල මෙහෙවරක් කර මෙරට වැඩිම දරු පරපුරක්, සම්බුද්ධ ශාසනයට ඇතුළත් කරගත් දිඹුලාගල හාමුදුරුවන් හෙවත් මාතර කිතලගම ශ්


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 996 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2558 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2188 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site