IMG-LOGO

2024 අප්‍රේල් මස 17 වන බදාදා


සංවර්ධන ව්‍යාපෘති කෙරෙහි නිරන්තර විමසුමක් ඕනෑ

පාර්ලිමේන්තුව යනු රටේ උත්තරීතරම ආයතනය වේ. නීති සම්පාදනය කිරීමේ බලය, නීති සම්මත කිරීමේ බලය මෙන්ම රටේ මුල්‍ය පාලනය සම්බන්ධ බලය තිබීම පාර්ලිමේන්තුව එවැනි ගරු සරු සම්භාවනාවකට හිමිකම් කියයි. එහෙත් ඇතැමකුට අනුව පාර්ලිමේන්තුව යනු කාලය කා දමන මහජන මුදල් කෝටි ප්‍රකෝටි ගණනින් කාබාසිනියා කරන ප්‍රජාතන්ත්‍රවාදයට, මහජන මතයට ගරු නොකරන කට වාචාලයන්ගේ හා චණ්ඩින්ගේ නිජ බිමක් වශයෙන් නිර්වචනය කළ හැකිය. ඇතැම් සිදුවීම්වලින් ද තර්කයකින් තොරව එය ඔප්පු වූ අවස්ථා ද තිබේ.

කරුණු කාරණා එපරිදි වුවද පාර්ලිමේන්තුව සම්බන්ධයෙන් සුබවාදී බලාපොරොත්තු ජනනය කිරීමට සමත් පුවතක් අප පුවත්පත ඉකුත් දා වාර්තා කළේය. සමගි ජන බලවේගයේ ගම්පහ දිස්ත්‍රික් පාර්ලිමේන්තු මන්ත්‍රී ඉංජිනේරු අජිත් මාන්නප්පෙරුම මහතා උපුටා දක්වමින් පළ කර තිබූ එම ප්‍රවෘත්තියෙන් කියැවුණේ රටේ දූෂණ වංචා සහ නාස්තිය වැළැක්වීමට නම් රුපියල් කෝටියට වැඩි සියලුම ව්‍යාපෘති ආණ්ඩුක්‍රම ව්‍යවස්ථා සභාවෙන් පත් කෙරෙන ස්වාධීන කොමිෂන් සභාවක අනුමැතියට යටත්ව ක්‍රියාත්මක කරන්නැයි ජනාධිපතිවරයාගෙන් ඉල්ලීමක් කරන බවය. එවැනි වැඩපිළිවෙළක් කඩිනමින් ක්‍රියාත්මක කරන ලෙස තමා පාර්ලිමේන්තුවට ද යෝජනා කරන බවට ඒ මහතා ප්‍රකාශ කළ බවද අප ප්‍රවෘත්තියෙහි වැඩිදුරටත් සඳහන්ය.

පාර්ලිමේන්තුව කළ යුත්තේ එවැනි වැඩය. මෙවැනි යෝජනාවක් පාර්ලිමේන්තුවට ඉදිරිපත් වුවහොත් හෘදය සාක්ෂියක් සහිත, වංචාවට දූෂණයට හා නාස්තියට අවංකවම එරෙහි ගරු කටයුතු සහිත මහජන නියෝජිතයන් නිසැකවම හඳුනා ගැනීමට හැකිවනු ඇත.

අජිත් මාන්නප්පෙරුම මන්ත්‍රීවරයා පෙන්වා දෙන්නේ විවිධ ආණ්ඩු පසුගිය කාල සීමාවේ දී ව්‍යාපෘති රැසක් අතරමග නතර කර දැමීමෙන් රුපියල් කෝටි දස දහසකට ආසන්න මුදලක් රජයට අහිමි වී ඇති බවය. නාගරික සංවර්ධන අධිකාරිය යටතේ වූ ව්‍යාපෘති අතරමග නැවතීමෙන් රුපියල් කෝටි 3000 අහිමි වූ බවත් සැහැල්ලු දුම්රිය ව්‍යාපෘතිය නතර වීමෙන් සිදු වූ පාඩුව රුපියල් කෝටි පන්සියයක් බවත් පෙන්වා දෙයි. පිබිදෙන පොලොන්නරුව වැඩසහටන යටතේ ඉදිකෙරුණු පරිපාලන ගොඩනැගිල්ල අතරමග නතර කර දැමීමෙන් රුපියල් කෝටි දොළහක පාඩුවක් සිදුවී ඇතැයි ද සුදු අලියෙකු බවට පත්ව ඇති මත්තල ගුවන් තොටුපොළ වෙනුවෙන් රුපියල් කෝටි හාර දහසක් පමණ වැයවී ඇතැයි ද මන්ත්‍රීවරයා පෙන්වා දෙයි. මන්ත්‍රීවරයා වැඩිදුරටත් සඳහන් කරන්නේ ජනාධිපතිවරයාගෙන් ජනාධිපතිවරයාට, ඇමතිවරයාගෙන් ඇමතිවරයාට ව්‍යාපෘති වෙනස් වූ පසු මෙම ගැටලුව පැන නගින බවය.

මහජන මුදල්, රාජ්‍ය දේපොළ, සඟසතු දේපොළ වශයෙන් සැලකූ දුරාතීතයක් අපට තිබේ. ගිහියකු සඟසතු දේපොළ පරිහරණය කරන්නේ නම් ඊළඟ භවයේදී පෙරේතයන්, පිසාචයන්, කුම්භාණ්ඩයන් වී ඉපදෙන බව පැරැන්නෝ විශ්වාස කළහ. එම විශ්වාසයම මහජන ධනය, මහජන දේපොළ සම්බන්ධයෙන් ආදේශ වූයේ නම් අප රටට මෙබඳු දුක්ඛිත ඉරණමක් අත්වන්නේ නැත. අප රටේ ජනතාවට නිරාදුක් විඳීමට සිදුවන්නේ ද නැත.

බොහෝ සංවර්ධන ව්‍යාපෘති මැති ඇමැතිවරුන්ගේ, නිලධාරීන්ගේ සාක්කු පුරවන ව්‍යාපෘති බවට පමණක් පත්වී තිබේ. ඇතැම් ව්‍යාපෘති නිසි සක්‍යතා අධ්‍යයනයකින් තොරව ආරම්භ කෙරේ. ඒ නාස්ති වන්නේ මහා භාණ්ඩාගාරයේ මුදල් බැවින් මැති ඇමතිවරුන්ට, නිලධාරීන්ට අමුතු වේදනාවක් ද ඇති නොවේ. එහෙයින්ම මෙම මජර තත්වය වෙනස් කළ යුතුය. අජිත් මාන්නප්පෙරුම මන්ත්‍රීවරයාගේ යෝජනාව කාලෝචිතය. මෙවැනි කාලෝචිත යෝජනා කල් ඉකුත්වීමට මත්තෙන් ක්‍රියාත්මක කළ යුතුය.

(***)



අදහස් (1)

සංවර්ධන ව්‍යාපෘති කෙරෙහි නිරන්තර විමසුමක් ඕනෑ

sam Monday, 26 February 2024 09:41 AM

ලංකාවේ සියලු සංවර්ධන ව්‍යාපෘති ආයෝජන ඇතුළු සියල්ලට ඔවුන් ඒ සඳහා සුදුසුකම් ලැබූ පසු පාර්ලිමේන්තු අනුමැතිය ලැබීමෙන් පසු මුදල් අමාත්‍යාංශයේ විශේෂ අංශයක් යටතේ ව්‍යාපෘති ආරම්භයේ සිට අවසානය දක්වා සියලු කටයුතු අධික්ෂණය විය යුතුවේ. සියලු මුදල් ඇමැතිවරුන් මගින් නොව මුදල් අමාත්‍යාංශයේ විශේෂ අංශය මගින් සිදුවීම තුළ දූෂණය අවම කිරීමට සම මුදල් කළමනාකරණය කිරීමට හැකියාව පවතී... සහ දේශපාලන මැදිහත්වීම නොමැතිව කරගෙන යාමට හැකියාව පවතී.

:       0       2

ඔබේ අදහස් එවන්න

කතුවැකිය

මුලින් රට ගොඩ ගනිමු ඉන්පසු වරප්‍රසාද ඉල්ලමු
2024 අප්‍රේල් මස 17 99 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග


වෛද්‍ය විද්‍යා අධ්‍යාපනය තවත් පුළුල් කළ යුතුයි
2024 අප්‍රේල් මස 16 529 2

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 168 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 297 1

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 194 1

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 1073 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 171 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1458 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1374 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site