IMG-LOGO

2024 මැයි මස 29 වන බදාදා


රටේ ප්‍රධාන ප්‍රශ්නය වාහන පර්මිට් දීමද?

වසර කිහිපයක් තිස්සේ ඇනහිට තිබෙන වාහන ආනයනය යළි ඇරැඹෙන බවට කතා බොහොමයකි. රජයෙන් ප්‍රකාශ කෙරෙන්නේ, බොහෝ දුරට ලබන වර්ෂය ආරම්භයේ සිට වාහන ආනයනය ආරම්භ වීමට ඉඩ තිබෙන බවය. වාහන ආනයනය සමගම ඇදී තිබෙන තවත් මාතෘකාවක් වන්නේ, වාහන පර්මිට් ලබා දීමය. වාහන පර්මිට් නොමැතිව ළතැවෙන දේශපාලනඥයෝ මෙන්ම රජයේ උසස් නිලධාරීහු ද මෙරට වෙති. මේ ඇතැමුන්ට වඩාත් සංවේදී රටේ ප්‍රධානම ගැටලුව වෙන කිසිවක් නොව වාහන පර්මිට් නොලැබීමය.

මෙය රජයට ද ගැටලුවක් වී ඇතැයි පසුගිය දිනවල සිදු වූ ඇතැම් කතාබහ ඔස්සේ පෙනෙන්නට තිබිණි. එයට දැන් විසඳුමක් ලැබී තිබේ. රජයේ පරිපාලන හා ස්වදේශ කටයුතු අමාත්‍යාංශයේ ලේකම් ප්‍රදීප් යසරත්න මහතා පසුගියදා නිකුත් කළ චක්‍රලේඛයකින් ප්‍රකාශ වන්නේ, විශ්‍රාමික රාජ්‍ය නිලධාරීන්, පළාත් රාජ්‍ය නිලධාරීන් සහ අධිකරණ නිලධාරීන් සඳහා තීරු බදු සහිත වාහන ආනයන බලපත්‍ර ලබා දීමට රජය තීරණය කර ඇති බවය. එම තීරු බදු සහනය ලබා දීමට නියමිත විශ්‍රාමිකයන් වන්නේ, අනිවාර්ය විශ්‍රාම ගැන්වීමේ වයස අවුරුදු 65 දක්වා දීර්ඝ කර, පසුව අවුරුදු 60 දක්වා අඩු කිරීමත් සමග එම කාලයේදී අවුරුදු 60 සම්පූර්ණ වීමෙන් පසු විශ්‍රාම ගිය නිලධාරීන් බව ද සඳහන්ය.

විශ්‍රාමික ඉහළ පෙළේ රාජ්‍ය නිලධාරීන් මුහුණ දෙන ගැටලු අතරේ වාහන පර්මිට්, එක් ගැටලුවක් පමණි. අනෙක් සියලු ගැටලු පසෙකට දමා වාහන පර්මිට් ලබා දීමට මේ තරම් උනන්දුවක් ඇති වීමට කිසියම් හේතුවක් තිබිය යුතු යැයි කෙනකුට සැක පහළ වුවහොත්, එය විශ්මයට කරුණක් නොවේ. විශේෂයෙන්ම, රට මුහුණ දී සිටින බරපතළ ආර්ථික අර්බුදයේ කම්පන තවමත් දැනෙමින් තිබියදී එවැනි තීන්දුවක් ගැනීම ප්‍රශ්න සහගතය. බදු සහිත හෝ බදු රහිත හෝ වාහන පර්මිට් දීම පමණක් නොව මෙරටට වාහන ගෙන්වීම සම්පූර්ණයෙන් තහනම් කරනු ලැබුවේ ආර්ථික අර්බුදයට ප්‍රධාන කාරණාවක් වූ විදේශ විනිමය සංචිතය සිඳී යාම හේතුවෙනි. මේ වන විට සංචිතය ඩොලර් බිලියන 4 ඉක්මවා වර්ධනය වී තිබෙන බව රජය ප්‍රකාශ කරයි. විදෙස් ණය නොගෙවන තත්වයක් තුළ එම වර්ධනය දැකිය හැකි වුව ද, එය සමස්ත ආර්ථික ගැටලුව විසඳීමක් වශයෙන් කිසිසේත් සැලකිය යුතු නැත. එවැනි තත්වයක් පවතිද්දී යළිත් වාහන පර්මිට් ලබා දීමට තීරණය කිරීම කොතෙක් දුරකට උචිත දැයි යළිත් වරක් සිතා බැලිය යුතු බව අපගේ විශ්වාසයයි. ආර්ථිකයේ වර්ධනයට නොව පිරිහීමට එය හේතුවක් විය හැකි බැවිනි.

වාහන ආනයනය තහනම් කර තිබෙන අවස්ථාවක වාහන පර්මිට් ලබා දීම පමණක් පලක් නැත. එම තීරණය අර්ථ ගැන්වීමට නම්, වාහන ආනයනයට ද ඉඩ දිය යුතුය. එහෙත්, රජය තවමත් එවැනි තීන්දුවකට එළැඹ ඇති බවක් ප්‍රකාශ නොවේ. එසේම, පාර්ලිමේන්තු මන්ත්‍රීවරුන් 105 දෙනකු ද තමන්ට බදු රහිත වාහන ගෙන්වා ගැනීමට පර්මිට් ලබා දෙන්නැයි රජයෙන් ඉල්ලීමක් කර ඇතැයි ද කියැවෙයි. එසේ නම්, රජයේ විශ්‍රාමික නිලධාරීන්ට බදු සහිත වාහන පර්මිට් ලබා දෙන්නේ, බදු රහිත පර්මිට් ලබා දීමට පෙර සූදානමක් හැටියට දැයි කෙනකුට සැක පහළ වීමට ද ඉඩ තිබේ. රටේ පොදු මහජනතාව දැඩි ලෙස ආර්ථික වශයෙන් පීඩනයට පත්ව සිටියදී ඔවුන්ගේ අවශ්‍යතා පිළිබඳ සැලකිලිමත් නොවී කිසියම් පිරිසකට පමණක් වාහන පර්මිට් ලබා දීමට තීන්දු ගැනීම අසාධාරණයක් බව පෙන්වා දිය යුතුය.

සමාජ අසාධාරණයට හේතු වන මෙවැනි තීන්දු ගැනීම වඩාත් කළු පැල්ලමක් වශයෙන් මතු වන්නේ, ලංකාවේ ජනගහණයෙන් බහුතරයක් තවමත් දුප්පතුන් වශයෙන් ජීවත්වන බැවිනි. වාහන ආනයනය පවා තහනම් කෙරුණු ආර්ථික අර්බුදය මගින් එම දුප්පත්කම තවදුරටත් වර්ධනය කර තිබේ. රටට අවශ්‍ය වන්නේ, දුප්පත්කම අඩු කරගත හැකි ප්‍රතිපත්තිමය තීන්දු ගැනීම මිස, එය වර්ධනය කෙරෙන දේශපාලන වශයෙන් වාසිදායක විය හැකි තීන්දු ක්‍රියාත්මක කිරීම නොවන බව ද සඳහන් කළ යුතුය.

(***)



අදහස් (3)

රටේ ප්‍රධාන ප්‍රශ්නය වාහන පර්මිට් දීමද?

Deepal Nirosh Sunday, 12 May 2024 10:49 AM

රටේ විදේශ සංචිතය ඉහළ ගියාට මදි. එය ස්ථාවරව පවත්වා ගැනීමේ ආර්ථික ශක්තියක් අපට තිබිය යුතුයි. රට එවැනි ස්ථාවර මට්ටමකට එළඹෙන තෙක් ව්‍යාපාරික නොවන වාහන ආනයන තහනම තව දුරටත් පවත්වා ගැනීම අත්‍යාවශ්‍යයි.

:       0       8

Latha Monday, 13 May 2024 12:15 PM

රටේ මිනිස්සුන්ට කන්න නැහැ. ඉස්කෝල බරගාණක් වැහිලා. බංකොළොත්. ණය ගෙවාගන්න බැරිව මුළු ලෝකෙටම බලු වෙනවා. කොහොම හරි වාහන පර්මිට් දුන්නොත් ඔක්කොම හරි... මරු තීරණ.

:       0       6

jayantha Thursday, 16 May 2024 11:11 AM

මෙයාලා මිනිස්සු ගැන හිතුවේ නෑ මේ පාර ඡන්දෙන් කෙලවෙන නිසා යනකොට තව කුට්ටියක් අරගෙන යන්න හොරා ගත්තා

:       0       0

ඔබේ අදහස් එවන්න

කතුවැකිය

බලයෙන් මත්වූ දේශපාලනය සමාජයෙන් පිටමං කරමු
2024 මැයි මස 28 170 0

අප රටේ දේශපාලකයන් සෑහෙන පිරිසක් සුව කළ නොහැකි රෝගවලින් පෙළෙන බව බොහෝ අවස්ථාවල ඔප්පු වී ඇති සත්‍යයකි. එසේ සුව කළ නොහැකි රෝග අතර බලයෙන් ඉදිමීම, අතීතය අමතක


විගණන වාර්තා නියෝග වතුරේ යැවීමේ ප්‍රතිවිපාක
2024 මැයි මස 27 117 1

රාජ්‍ය ආයතනවල දූෂණ, වංචා සහ අක්‍රමිකතා වැළැක්වීමට රජයේ විගණකාධිපති දෙපාර්තමේන්තුව දුන් නිර්දේශ ලක්ෂයකට ආසන්න සංඛ්‍යාවක් සම්බන්ධයෙන් අවශ්‍ය ක්‍රිය


පාසල් අසල මාර්ගවල රථවාහන පාලනයක් ඕනෑ
2024 මැයි මස 25 184 1

අනතුරු සිදු වන්නේ කල් ඇතිව දැනුම් දී නොවේ. එහෙත් ඇතැම් අනතුරු වළක්වාගත හැකිය. එයට එළැඹගත් සිහියෙන් ක්‍රියා තළ යුතුය. එසේම ඇතැම් අනතුරුවලට හේතුව නොසැලක


ජාතික ආරක්ෂාවේ සූදානම නිරන්තරයෙන් අවශ්‍යයි
2024 මැයි මස 24 367 3

ජාතික ආරක්ෂාව සම්බන්ධයෙන් අවධානයෙන් සිටීමේ වැදගත්කම අවධාරණය කෙරෙන සිද්ධියක් පසුගිය දින කිහිපය පුරාම අප පුවත්පත වාර්තා කළේ ය. එම සිදුවීම නම්, ඉන්දියා


සියලු ලෝ සතුන්ට විමුක්තිය උදාවේවා!
2024 මැයි මස 23 125 0

උතුම් වෙසක් පුර පසළොස්වක පොහොය අදය. මෝහාන්ධකාරයේ ගිලී අනේක විද දුක්ඛ දෝමනස්සයන්ට ලක්ව සසර කතරේ අතරමංව සිටින සකල සත්වයන්ට විමුක්තියේ මග ප්‍රඥාවේ ඇසින


මහ බැංකු නිලධාරීන් මෙහෙම බෙදාගැනීම හරිද?
2024 මැයි මස 22 1321 3

මෙරට පෞද්ගලික අංශයේත්, රාජ්‍ය සංස්ථා සහ ව්‍යවස්ථාපිත මණ්ඩලවලත් සේවකයන්ගේ අනාගත ආර්ථික සුරක්ෂිත බව රැක දෙන ප්‍රධානම විශ්‍රාමික පාරිතෝෂිකය වන සේවක අර


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 997 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2558 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2188 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site