IMG-LOGO

2024 අප්‍රේල් මස 12 වන සිකුරාදා


ජනතාවට වස විස කවන වෙළෙඳුන්ට දැඩි දඬුවම් ඕනෑ

කෘමි නාශක කලවම් කළ, කල් ඉකුත් වීමට ආසන්න විස සහිත පාන් පිටි ගෝනි 10,000කට ආසන්න සංඛ්‍යාවක් කැකිරාව සෞඛ්‍ය වෛද්‍ය නිලධාරි කාර්යාලය මගින් සොයාගනු ලැබූ පුවත අපගේ ලංකාදීප පුවත්පතේ ප්‍රධාන සිරස්තලය මගින් පසුගියදා හෙළි කරනු ලැබීය. වටිනාකම රුපියල් කෝටි 15ක් පමණ වන එම පිටි තොගය ගනේවල්පොළ ප්‍රදේශයේ විශාල ගබඩාවක සඟවා තිබී ඇත්තේ, වෙළෙඳපොළට නිකුත් කිරීම සඳහා බවත් අනාවරණය වී තිබේ.

කැකිරාව සෞඛ්‍ය වෛද්‍ය නිලධාරි කාර්යාලයට ලද තොරතුරක් මත සිදු කළ ක්ෂණික වැටලීමකදී මෙම විස සහිත පාන් පිටි තොගය අසු වූ බව ද වාර්තා විය. එසේ නම්, එම තොරතුරු ලබාදුන් පුද්ගලයා සිදු කර ඇත්තේ විශිෂ්ට ජාතික මෙහෙවරකි. විස සහිත පාන් පිටි මිලදීගෙන ඒවායින් සකස් කරගන්නා විස සහිත ආහාර අනුභව කිරීමෙන් බරපතළ රෝග ඇති වීමට තිබූ අවදානමෙන් පාරිභෝගිකයන් පිරිසක් ගලවා ගැනීමට එම වටිනා තොරතුර හේතු වී තිබේ. කල් ඉකුත් වූ ආහාර අලෙවි කිරීමේ වරදටත් වඩා එවැනි තත්වයක පවතින ආහාරවලට වස කලවම් කර අලෙවි කිරීමට සැලසුම් කිරීම බරපතළ අපරාධයකි. මේ වරද සිදු කළ ව්‍යාපාරිකයන්ට එල්ල විය යුතු චෝදනාව මිනිස් ආහාරයට නුසුදුසු ආහාර තොගයක් අලෙවි කිරීම නොව, වස යොදා මිනී මැරීමට තැත් කිරීමේ චෝදනාව බව අපි විශ්වාස කරමු. මෙය එතරම්ම චේතාන්විතවම සිදු කළ වරදක් වන බැවිනි.

අප එසේ කියන්නේ, අදාළ ප්‍රවෘත්තියට අනුව, ගුල්ලන් සහිත එම පාන් පිටි තොගයට එය ගබඩා කර තිබූ ස්ථානයේදී වස යොදා ගුල්ලන් මර්දනය කර ඇති බව වාර්තා වී තිබීම නිසාය. මේ කූට ව්‍යාපාරිකයා එහිදී මිනිස් ජීවිතවලට කිසිදු වටිනාකමක් නොදී තමන්ගේ මඩිය තර කරගැනීමේ පවිටු චේතනාවෙන්ම ක්‍රියා කර තිබේ. එය සැලසුම් සහගත වංචනික ක්‍රියාවක් බවට තහවුරු වන්නේ, එසේ වස යෙදීමෙන් පසුව කල් ඉකුත් වීමේ දින වෙනස් කර අලුතින් මුද්‍රණය කෙරුණු නව ඇසුරුම්වල බහා වෙළෙඳපොළට නිකුත් කිරීමට සූදානම් කිරීම හේතුවෙනි. මෙවැනි වංචනික ව්‍යාපාරිකයන්ට නීතියෙන් උපරිම දඬුවම් ලබාදීමට ක්‍රියා කළ යුතුය. ඔවුන්ට කිසිදු සමාවක් හිමි නොවිය යුතුය.

මේ රටේ මෙතරම් බරපතළ වැරැදි නොකළත්, දඩ මුදල් ගෙවීමට සිදුවන ව්‍යාපාරිකයෝ ද වෙති. කීරි සම්බා සහල් වැඩි මුදලට අලෙවි කරන සිල්ලර වෙළෙඳුන් එවැනි පිරිසකි. ඔවුන්ට ඉහළ පෙළේ තොග මුදලාලිලා කීරි සම්බා ලබා දෙන්නේ ආණ්ඩුව නියම කර ඇති මුදලට වඩා වැඩියෙනි. මේ නිසා සුළු ලාබයක් හෝ තබාගෙන එම සහල් අලෙවි කරන සිල්ලර වෙළෙන්දෝ නිතැතින්ම වැටලීම්වලදී හසු වී දඩ මුදල් ගෙවති. එවැනි අවස්ථාවල තදින් ක්‍රියාත්මක වන පාරිභෝගිකයන් ආරක්ෂා කෙරෙන නීතිය පාරිභෝගිකයන්ට වස විස වුවමනාවෙන් කලවම් කර විකුණන ව්‍යාපාරිකයන්ට එරෙහිව ඊටත් වඩා තදින්ම ක්‍රියාත්මක විය යුතුය.

මෙවැනි කූට වැඩ කරන ඇතැම් ව්‍යාපාරිකයන් එවැනි ජරා වැඩ කරන්නේ තමන්ට තිබෙන දේශපාලන හයිය නිසා බව ද ප්‍රකට රහසකි. ඕනෑම වරදක් කර අසු වුණත් තමන්ට එරෙහිව නීතිය ක්‍රියාත්මක වීම නවත්වාගත හැකි බවට ඔවුන් තුළ ඇති විශ්වාසය නිසා ඔවුහු බය නැතුව මෙවැනි වැඩට අත ගසති. තමන් අසු වුණත් තමන්ගේ යටතේ සිටින සේවකයකු බිල්ලට දී මොවුහු රහසේ සැඟවෙති. ඒ සඳහා ඔවුන්ට රැකවරණය සපයන්නේ දේශපාලන හයියයි.

මේ තත්වයෙන් වහාම පාරිභෝගිකයන් මුදා ගැනීම බලධාරීන්ගේ වගකීමකි. දහසක් අමාරුකම් මැද තමන්ට අවශ්‍ය ආහාර ටික සපයා ගන්නා පාරිභෝගිකයන්ට මෙසේ වස විස කලවම් කළ ආහාර මිලදී ගැනීමට ඉඩ තැබීම මහා අපරාධයකි. එවැනි පුද්ගලයන්ට එරෙහිව දඬුවම් ලබාදිය යුත්තේ සෙසු එවැනි වැරැදි කරන වෙළෙඳුන්ට ද පාඩමක් වන පරිදි බව ද පැවසිය යුතුය.

(***)

 



අදහස් (3)

ජනතාවට වස විස කවන වෙළෙඳුන්ට දැඩි දඬුවම් ඕනෑ

චන්දිම Monday, 01 April 2024 12:08 PM

මේ රට පුරාම වංචනික කූඨ වැඩ මේ මෑතක සිට සීග්‍රයෙන් ව්‍යාප්ත වෙමින් තියෙනවා. වැඩිය ඕනෑ නැහැ. සියලු නීති උල්ලංගනය කරමින් රටට විෂබීජ සහිත කාබනික පොහොර ගෙන ඒමට උත්සාහ කරලා ඩොලර් මිලියන හතක කාබාසිනියා කළ නියෝගය දුන්නු වග කිව යුත්තන් බොහෝම පහසුවෙන් අනාවරණය කරගෙන නීතිය ඉදිරියට ගේන්න පුළුවන් නම් රජයට තිබුණත් කරන්නේ නැතුව මගහරිමින් ඉන්නවා. ඉතින් මේ රටේ පාලකයින් ඉස්සරහට මොනවා කරයිද කියලා තුට්ටුවකටවත් විශ්වාස කරන්න පුළුවන්ද?

:       0       5

kahawita Wednesday, 03 April 2024 01:28 AM

මේ වැඩේ වැඩියෙන්ම කරන්නේ දවසට 5 පාරක් ඔලුව පොලේ ගහන කට්ටිය තමයි... කල් එළියේ එවැනි ගබඩාවක් තියෙනවා. අවුරුද්දට සැරයක් අහුවෙනවා. කොහොම හරි ගාණ දීලා බේරෙනවා. මොකද වැඩි හරියක් ඔය මහාපරිමාණ ගබඩා තියෙන්නේ ඔය මිනිස්සුන්ට...

:       0       2

m. saman perera Saturday, 06 April 2024 03:41 PM

ජනතාව වස විස කන්නේ අද ඊයේ ඉඳලා නොවේ... පාලකයන්ගේ වරදින් අනාදිමත් කාලයක පටන් මිනිස්සු කන්නේ වහ...

:       0       0

ඔබේ අදහස් එවන්න

කතුවැකිය

අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 51 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 169 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 103 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 809 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 792 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


දරුවන් අකුරු කරන පාසලක මර උගුල්
2024 අප්‍රේල් මස 04 455 1

මෙම තීරුවේ අප බොහෝවිට ලියා ඇති වැකියක් තිබේ. එනම් අධ්‍යාපන ක්ෂේත්‍රය තුළ තරම් පන්ති බේදය ඇති වෙනත් ක්ෂේත්‍රයක් නොමැති බව ය. අප එසේ ලියා තැබුවේ එය සනාථ ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 92 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1331 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site