IMG-LOGO

2024 ජුනි මස 24 වන සඳුදා


චණ්ඩි දේශපාලකයන් සමාජයෙන් පිටුදකිමු

දේශපාලනඥයා වචනයේ පරිසමාප්ත අර්ථයෙන්ම නීතිගරුක විය යුතුය. යුක්තිගරුක විය යුතුය. ශීලාචාර විය යුතුය. මන්දයත්, ඔහු ජනතාවගේ නායකයකු වන හෙයිනි. තමන් නායකත්වය දෙන ජනයාට ඔහු ආදර්ශ සැපයිය යුතුය. එහෙත්, ඇතැම් දේශපාලනඥයෝ එකී සකල ගුණාංග මහ දවාලේ ප්‍රසිද්ධියේ ගිනිබත් කරති. ඒ, එකී සකල ගුණාංග ශීලයක් මෙන් රකින දේශපාලනඥයන්ට ද පාරේ බැස යාමට නොහැකි තත්වයක් උද්ගත කරවමිනි.

අප පුවත්පත ඉකුත් දා වාර්තා කළ ප්‍රවෘත්තියෙන් කියවුණේ, ලංකා කම්කරු කොංග්‍රසයේ මහලේකම් සහ ජල සම්පාදන හා වතු යටිතල පහසුකම් අමාත්‍ය ජීවන් තොණ්ඩමන් පක්ෂයේ ආධාරකරුවන් පිරිසක් සමග නුවරඑළිය පොලිසිය ඉදිරිපිට හා නගරයේ නොසන්සුන් ලෙස හැසිරී ඇති බවය. එහිදී අමාත්‍යවරයාගේ ආරක්ෂකයන් තිදෙනකුගේ ගිනි අවි තලවකැලේ පොලිසිය භාරයට ගත් බවත්, ඉහළින් ආ නියෝගයකට අනුව එම ගිනි අවි නැවත ආරක්ෂකයන්ට භාර දුන් බවත් කියැවෙයි.

අමාත්‍ය ජීවන් තොණ්ඩමන් සම්බන්ධයෙන් මෙවැනි ප්‍රවෘත්ති පළවූයේ පළමු වරට නොවේ. ආසන්න මෑත දිනයකදී අමාත්‍යවරයා ඇතුළු පිරිසක් නුවරඑළිය පීඩටර් වතුයායට ඇතුළු වී එහි පාලනාධිකාරිය සමග ගැටුමක් ඇති කරගත් බවය. අමාත්‍ය තොණ්ඩමන්ට මෙහිදී දීමට පිළිතුරක් තිබේ. එනම්, “මා එහි ගියේ ජනතාවගේ ඉල්ලීම පිට, ජනතාවගේ ප්‍රශ්න ගැන කතා කරන්න.” බව ඔහුට කිව හැකිය. එම පිළිතුර කිසි ලෙසකින් හෝ මොනර නැටුමෙන් වෙනස් නොවන්නකි.

මෙරට ඡන්දදායකයා බුද්ධිමත් යැයි කීව ද එසේ නොවන ඡන්දදායකයෝ ද සිටිති. ළමයාට පාසලක් ලබා ගැනීම, රැකියාවක් ලබා ගැනීමට දේශපාලකයාගේ පිහිට පතන ඡන්දදායකයෝ සැමට සිටිති. හොරකමට, අපරාධයකට පොලිස් අත්අඩංගුවට පත්වූ තම ඥාතියා බේරා ගැනීමට දේශපාලකයාගේ පිහිට පතන ඡන්දදායකයා මගහැර යාමට දේශපාලකයාට හැකි නොවේ. මන්දයත්, ඔහු මැති සබයට යවනු ලැබුවේ එම ඡන්දදායකයා බැවිනි. තමන්ට ඊළඟ වර මැති සබයට යාමට එම ඡන්දදායකයාගේ ඡන්දය අවැසි බැවිනි.

ඡන්දදායකයා වෙනස් වන තුරු දේශපාලකයා වෙනස් කරගත නොහැකිය. එහෙයින්, ඡන්දදායකයා බුද්ධිමත් විය යුතුය. ආසියාතික රටවල දේශපාලන සම්ප්‍රදාය වන්නේ නීතිය කුමක් වුව ද, යුක්තිය කුමක් වුව ද තමන්ට ඇවැසි දෙය තමන්ට ඇවැසි ආකාරයටම සිදු විය යුතු යැයි හිතන දේශපාලනඥයන්ගේ ක්‍රියාකාරකම් මතය. 21 වැනි සියවසට මේවා නොගැළපෙන බව මේ ‘පොඩි මොළ’වලට නොතේරේ. තමන්ගේ මහන්තත්තය පෙන්වන්න ගිය ද ප්‍රදර්ශනය වන්නේ තම නිරුවත බව බොහෝ දේශපාලනඥයෝ නොසිතති. එහෙත්, සිදු වන්නේ එයය.

අමාත්‍ය තොණ්ඩමන් සිය ආධාරකරුවන් සමග පැමිණ ‘සෙල්ලම්’ දාන්නේ පොලිස් ස්ථානය ඉදිරිපිටය. නගරයේ යකා නටන්නේ පොලිස් නිලධාරීන් ඉදිරිපිටය. එම පොලිස් නිල දරුවෝ ද අසරණව බලා සිටිති. මෙම අනීතික හැසිරීමට එරෙහිව කටයුතු කරන්නට ගියොත් මොන තූත්තිකුඩයකට තමන් මාරු කර යවාවි දැයි ඔවුහු බියට පත් වෙති. එහෙයින්, ඔවුහු දේශපාලනඥයන්ට රිස්සක් කරගන්නට ඉඩ දී නිහඬව සිටිති.

මෙහි තාර්කික අන්තය වනුයේ, සාමාන්‍ය ජනයා තුළ ද නීතියට, පොලිස් නිල දරුවාට ඇති ගෞරවය බිඳී යාමය. එය මහත් ව්‍යසනයකි. ජාතියට ඇති භය පක්ෂපාතීත්වය හා ගෞරවය සිඳී ගිය කල්හි ඕනෑම අපරාධයක් කිරීමට පෙළඹවීමක් ඇති වේ. අද අප රටේ අපරාධ බහුල වීමට එය ද විශාල හේතුවකි.

දේශපාලනඥයා සැබෑ ජන හිතකාමියකු නම්, මේවා ගැන සිතිය යුතුය. ඒවා නොසිතා කටයුතු කළ දේශපාලනඥයන්ට හිමි වූයේ ඉතිහාසයේ කුණු බක්කිය වේ. යමකු ස්ව කැමැත්තෙන් එමග තෝරා ගත්ත ද එමගින් රටට සිදු වන හානිය ඉදිරිපිට නිහඬ වීම යනු නිවටකමෙන් කිසි ලෙසකින් හෝ වෙනස් නොවන්නකි.

(***)



අදහස් (1)

චණ්ඩි දේශපාලකයන් සමාජයෙන් පිටුදකිමු

Bandara Tuesday, 11 June 2024 10:25 PM

බිත්තරෙන් එළියට ආව ගමන් තමන්ට දැරිය නොහැකි තානාන්තර දුන්නාම ඔහොම තමා... අධ්‍යාපන සුදුසුකම්, හැකියාවන්, හැදියාවන්, පලපුරුද්ද ආදිය නොබලා ඡන්ද විතරක් බලාගෙන එක එක නොගැලපෙන තනතුරු නොදිය යුතුයි.. ඊට පස්සේ ආණ්ඩුවත් තිත්ත කසාය බිව් ගොළුවා වගේ...!

:       0       0

ඔබේ අදහස් එවන්න

කතුවැකිය

ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 69 0

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 88 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 460 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 121 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 219 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 291 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 151 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1427 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3201 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site