IMG-LOGO

2024 ජුනි මස 18 වන අඟහරුවාදා


ඉරාන තානාපතිට පහරදීම රටේ ප්‍රතිරූපයට හානියක්

මෙරට සිටින තානාපති ප්‍රජාව සම්බන්ධයෙන් සාමාන්‍යයෙන් අසන්නට නොලැබෙන අමුතු කතාවකට පසුගියදා මාධ්‍ය සිරස්තල වෙන්වී තිබිණි. මෙරට ඉරාන තානාපති, ආචාර්ය අලි රේසා ඩෙල්කොෂ් කොළඹ නගරයේ සාප්පු සංකීර්ණයක රථ ගාලට තම මෝටර් රථය ඇතුළු කිරීමේදී තවත් රියැදුරකු සමග ඇති වූ බහින්බස් වීමකින් පසුව පහරකෑමට ලක්වීම එම සිද්ධියයි. පහරදී ඇත්තේ කොළඹ තරුණ ව්‍යාපාරිකයකු බවත්, ඔහු සිද්ධියෙන් පසුව පලා යාමට උත්සාහ දැරූ අවස්ථාවේ තානාපතිවරයා ද අනතුරට ලක් කරනු ලැබූ බවත් සඳහන්ය.

තානාපතිවරයකු ප්‍රසිද්ධියේ පමණක් නොව අප්‍රසිද්ධියේ වුව ද වෙනත් පුද්ගලයකුගේ පහරකෑමට ලක්වීම ලොව මොනම රටක වුව ද ඉතා විරල සිද්ධියකි. ගුවන්තොටුපොළේ සේවකයන්ගේ කන පැලෙන්න පහර දෙන ඇමැතිවරුන් සිටින අපේ රටේ මෙවැනි සිදුවීම් එක් අතකින් විස්මයට හේතුවක් නොවේ. එහෙත්, මේ අවස්ථාවේ එහි සැකකරු වන්නේ, දේශපාලනඥයකු නොව කොළඹ තරුණ ව්‍යාපාරිකයෙකි. තමන් පහරදෙන්නේ විදෙස් රටක තානාපතිවරයකුට බව සැකකරු නොදැන සිටි බව ඔහු වෙනුවෙන් පෙනී සිටි නීතිඥයන් මහේස්ත්‍රාත්වරයා ඉදිරියේ ප්‍රකාශ කර ඇතැයි ද සඳහන් විය. එහෙත්, විදේශිකයකුට නොව ස්වදේශිකයකුට වුව ද තමන්ගේ අතේ පයේ හයිය පෙන්වන්නට යාම ශිෂ්ට සම්පන්න පුද්ගලයකුට තරම් නොවේ. රථ ගාලකදී තමන්ගේ හැසිරීමේ සංවර බවත්, විනීත බවත් රැක ගැනීමට නොහැකි නම්, එවැනි පුද්ගලයන් රථවාහන ධාවනයේ යෙදීම පවා අනතුරුදායක බව පෙන්වා දිය යුතුය.

ඉරාන තානාපතිවරයා ඒ අවස්ථාවේදී ගමන් කර ඇත්තේ තානාපති සේවාව සඳහා වෙන් කර ඇති ලියාපදිංචි අංකයකින් යුත් වාහනයක දැයි අපි නොදනිමු. එවැනි වාහන ඕනෑම රියැදුරකුට හඳුනාගත හැකිය. එම වාහනයක් නොවුව ද එහි සිටියේ විදේශිකයකු නම් ඔහු හඳුනා ගැනීමට සැකකාර රියැදුරුට හැකියාවක් තිබිය යුතුය. විදේශිකයකු අතින් කිසියම් හෝ වැරැද්දක් සිදු වී නම්, එවැනි අවස්ථාවක වඩාත් ඉවසීමකින් කටයුතු කිරීමට ශ්‍රී ලාංකිකයකුට හැකියාවක් තිබිය යුතුය. බහින්බස් වීමෙන් නොනැවතී තානාපතිවරයාගේ ජීවිතයට පවා හානියක් සිදු විය හැකි අන්දමට තම රථය ධාවනය කිරීමට ද සැකකාර රියැදුරා කටයුතු කර ඇතැයි ද වාර්තා වී තිබිණි. එය සාපරාධී ක්‍රියාවක් බව ඔහු නොදැන සිටීමට හේතුවක් නැත.

ඉරාන තානාපතිවරයා මෙලෙස කොළඹදී පහරකෑමකට ලක් වීම දෙරට අතර රාජ්‍යතාන්ත්‍රික සබඳතාවලට කුමන ආකාරයක බලපෑමක් සිදු කරනු ඇති දැයි එකවර නිගමනයකට පැමිණිය නොහැක. මේ ගැටලුව එතරම් දුරකට නොයා විසඳාගත හැකි වනු ඇතැයි අපි අපේක්ෂා කරමු. එහෙත්, තානාපතිවරයකුට කොළඹ නගරය තුළ ආරක්ෂාවක් නැතැයි යන පණිවුඩය විදෙස් රටවල පැතිර යාම ශ්‍රී ලංකාවේ ජාත්‍යන්තර ප්‍රතිරූපයට කිසිසේත් හිතකර නොවේ. සිනහවෙන් පිරි, මිත්‍රශීලි ජනතාවක් වෙසෙන රටක් වශයෙන් ශ්‍රී ලංකාව ලොව පුරා දිනාගෙන සිටින විශ්වාසයට ද එය විශාල කැළලකි. හානියකි. විදේශිකයකු සමග කුඩා ප්‍රශ්නයකදී පවා අතේ පයේ හිරි ඇර ගැනීමට සූදානම් පුද්ගලයන්ට එයින් සිදු වන්නේ මහත් අවමානයක් බව තේරුම් ගැනීමට නොහැකි වීම මහත් අවාසනාවකි.

ඉරානය ජාත්‍යන්තර දේශපාලනයේ අහිතකර බලපෑම්වලට හසු වුණු, ඇමෙරිකාව ඇතුළු බටහිර රටවල සම්බාධකවලට දැඩි ලෙස මුහුණ දී සිටින රටකි. ඉරානය සමග ගනුදෙනුවලට යන රටවල්වලට එරෙහිව බලවත් රටවලින් ප්‍රබල අනතුරු ඇඟවීම් එල්ල වෙයි. එසේ තිබියදීත් ඈත අතීතයේ සිටම සංවර්ධන යෝජනාවලට ආධාර දෙන ඉරානය සමග ශ්‍රී ලංකාව මිත්‍ර සබඳතා දිගටම පවත්වාගෙන යයි. පසුගියදා හෙළිකොප්ටර් අනතුරකින් ජීවිතක්ෂයට පත්වූ ඉරාන ජනාධිපතිවරයා සති කිහිපයකට ඉහතදී ශ්‍රී ලංකාවට පැමිණියේ ඔවුන්ගේ ආධාර මත ඉදිකෙරුණු උමා ඔය යෝජනා ක්‍රමය විවෘත කිරීමේ උත්සවයට සහභාගි වීම සඳහාය. ශ්‍රී ලංකාවේ තේ අපනයනයේදී ද ඉරානය ප්‍රධාන ගැනුම්කරුවෙක් ද වෙයි. අපේ ව්‍යාපාරිකයකු ප්‍රසිද්ධියේ පහර දුන්නේ එවැනි රටක තානාපතිවරයකුටය.

බලයෙන් හෝ ධනයෙන් හෝ ඒ දෙකින්ම හෝ හිස උදුම්මාගත් පුද්ගලයන්ට හොඳ නරක වැටහෙන්නේ නැත. කෙසෙල් ගසට කෙටූ කොට්ටෝරුවා මෙන් මෙවැනි සිදුවීම්වලින් හෝ ඔවුන් නිසි පාඩමක් ඉගෙන ගත යුතුය.

(***)



අදහස් (8)

ඉරාන තානාපතිට පහරදීම රටේ ප්‍රතිරූපයට හානියක්

bandara Tuesday, 21 May 2024 12:47 PM

කමක් නෑ. නීතිඥයෝ අත්පුඩි ගහලා පිළිගනියි.

:       10       13

සචින්ත Tuesday, 21 May 2024 02:57 PM

සැකකරුගේ රැකවලා කියලා තියෙන්නේ පිටුපස වාහනයේ සිටියේ තානාපති බව නොදැන සිටීම නිසා සමාවෙන්න කියලා තමයි.. ඒක ගරු විනිසුරුතුමා තුට්ටුවකට මායිම් නොකළ නිසා රටට සිදුවීමට තිබූ අපකීර්තිය මැකුනා කියලා හිතෙනවා යම්විදියකින් ලංකාවේ මානව හිමිකම් උල්ලංඝනය වෙන්නේ මෙහෙමයි කියලා ලෝකයේ මතයක් ඇතිවුණොත් රටට සෙතක් වේවිද?

:       1       22

nimal Tuesday, 21 May 2024 05:58 PM

බලයෙන් හෝ ධනයෙන් හෝ ඒ දෙකින්ම හෝ හිස උදුම්මාගත් පුද්ගලයින්ට හොඳ නරක වැටහෙන්නේ නැත. කෙසෙල් ගසට කෙටූ කොට්ටෝරුවා මෙන් මෙවැනි සිදුවීම්වලින් හෝ ඔවුන් නිසි පාඩමක් ඉගෙන ගත යුතුයි. විදේශය හෝ දේශීය පුද්ගලයෙකුට පහරදීම දඬුවම් ලැබිය යුතු වරදකි...

:       1       31

සෙනරත් Thursday, 23 May 2024 05:34 AM

ලංකාවේ ඉන්න ගෝත්‍රික උන් 99% මුල ඉදලාම මකබෑ කරලා ගන්න ඕනෑ

:       1       11

Lalith Thursday, 23 May 2024 09:04 PM

ඒ කාලේ පියානෝතුමා කොල්ලෝ දම්මලා බ්‍රිතාන්‍ය මහ කොමසාරිස්ගේ වාහනේ හුළං ඇරියා වගේ වැඩක් මේක...!

:       1       4

Ranjith DISSANAYAKE Sunday, 26 May 2024 08:51 AM

මුදල් ඉපයීමේ හැකියාව ඇති බොහෝ ශ්‍රී ලාංකිකයන් සිතන්නේ තමන් රජවරුන් බවයි.

:       1       1

Nilu Tuesday, 28 May 2024 05:35 AM

අනෙක් අතට, අම්බසාදර් වැනි අය මිනිසුන් සමඟ වාද විවාද වල නිරත නොවිය යුතුය. මේ ලිපියෙන් මේ කොටස ගැන සාකච්ඡා කරලා නැහැ.

:       0       0

Thushari Tuesday, 28 May 2024 08:38 PM

ඇමෙරිකානු ඔත්තු සේවයට කුලියට සේවා සැපැයීමක් ලාංකිකයකුගෙන් සිදු වී ඇති හැඩයි...

:       0       0

ඔබේ අදහස් එවන්න

කතුවැකිය

පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 60 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 189 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


අයවැයෙන් වූ දේ දැනගැනීම ජනතාවගේ අයිතියක්
2024 ජුනි මස 14 88 0

අපේ රටේ ආර්ථිකයේ හැසිරීම් රටාව තේරුම් ගැනීම පවා ඇතැම් විට අපහසුය. ආර්ථිකය බරපතළ ගැටලු රැසකින් පීඩා විඳිමින් සිටින බවත් ඒ ඇතැම් අසීරුතා මගහරවා ගැනීමට


රටට හානිකරවන නිලධාරි කඹ ඇදිලි
2024 ජුනි මස 13 107 0

මහජනයාගේ මුදල් අවභාවිත කිරීම, සොරකම් කිරීම, නාස්ති කිරීම තරම් බරපතළ සාපරාධයක් තවත් නොමැත. එහෙත් අනාදිමත් කාලයක සිට මේ රට තුළ ඒ සියල්ල බරපතළ ලෙස සිදුවෙම


මාධ්‍ය නිදහස වෙනුවෙන් දුන් ඓතිහාසික නඩු තීන්දුවක්
2024 ජුනි මස 12 847 1

තොප්පියක් පැළද රත්නපුර මහ දිසාපති කාර්යාලයට ඇතුළු වුණැයි කියමින් මාධ්‍යවේදියකුට පහරදීමේ සිද්ධිය සම්බන්ධයෙන් රත්නපුර හිටපු මහ දිසාපති මාලනී ලොකුපෝ


ළමා නිවාස දැරියන් විකුණද්දී බලධාරීහු අහකබලා සිටියෝද?
2024 ජුනි මස 11 912 1

සමාජ සාරධර්ම බරපතළ ලෙස නාය යමින් තිබෙන ශාපලත් යුගයක් වෙත අපි පැමිණ සිටින්නෙමු. නැතහොත් එම යුගය උදාවීම වේගවත් වී තිබෙන්නකි. එකක් පසුපස එකක් වශයෙන් වාර්


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1319 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3043 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2493 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site