IMG-LOGO watawala

2024 මැයි මස 21 වන අඟහරුවාදා


ආදායම් ඉලක්ක වැරැදීමේ ප්‍රතිවිපාක

අපේ රටේ ආදායම සහ වියදම ගළපාගැනීම හැමදාමත් බරපතළ ගැටලුවකි. රට ආර්ථික වශයෙන් දරුණු අර්බුදයකට මුහුණදීමේ ප්‍රධානම හේතුවක් වූයේද එකී අය-වැය පරතරය පියවා ගැනීමට විදෙස් ණය ලබා ගැනීමය. ගැටලුවට මෙතෙක් බලයේ සිටි කිසිදු ආණ්ඩුවක් විසඳුමක් ලබා දුන්නේ නැත. ඒ බව සනාථ කෙරෙන හෙළිදරව්වක් පසුගියදා අපගේ ලංකාදීපය පළ කළේය.

වත්මන් ආණ්ඩුව සම්බන්ධයෙන් ‘වෙරිටේ රිසර්ච්’ ආයතනය මෑතකදී සිදුකළ එම හෙළිදරව්වට අනුව මේ වසරේ (2024) අයවැයෙන් අපේක්ෂිත ආදායම සියයට 14 කින් අඩුවනු ඇතැයි ප්‍රකාශ වී තිබේ. ඒ අනුව අයවැයෙන් ඉලක්ක ආදායම අඛණ්ඩව අහිමිවන 33 වැනි වසර මෙය බවත් එහි වැඩිදුරටත් සඳහන්ය. ආණ්ඩුව මෙවර අයවැයෙන් රුපියල් කෝටි 4,16,400 ක ආදායමක් අපේක්ෂා කළද ලැබිය  හැක්කේ රුපියල් කෝටි 3,57,000 ක ආදායමක් පමණක් බව කියන වෙරිටේ රිසර්ච් සඳහන් කරන්නේ එය රුපියල් කෝටි 59,400 ක අඩුවක් බවය.

මෙහිදී වඩාත් වැදගත් වන්නේ මෙසේ ආදායම් තත්වයේ අපේක්ෂිත ඉලක්කයට ළඟාවීමට නොහැකි වීමට හේතු වශයෙන් සඳහන් වන කාරණා කිහිපයයි. ඒ අතරින් වඩාත් කැපී පෙනෙන්නේ මේ ආදායම් අඩුවීමට ප්‍රධාන හේතුව, ලබාගත හැකි බවට හඳුනාගෙන තිබූ බදු පිළිබඳ තබා ඇති අධිතක්සේරුව බව අනාවරණය කර තිබිණ. එම හිඟයෙන් සියයට 61 ක් වැට්බදු අධිතක්සේරුව නිසාත්, ඉතිරි සියයට 39 සමාගම් සහ පෞද්ගලික ආදායම් බදු, සමාජ ආරක්ෂණ බද්ද සහ රේගු ආනයන බද්ද අධිතක්සේරුව නිසාත් නිර්මාණයවී ඇති බව හඳුනා ගෙන ඇතැයිද ප්‍රකාශවී තිබේ.

මෙහිදී සැලකිල්ලට ගත යුතු ප්‍රධාන කාරණාවක් වන්නේ වැට් බදු රටේ සාමාන්‍ය ජනතාවට දරාගත නොහැකි මට්ටමින් ඉහළ දමන විට එයින් සිදුවිය හැකි ප්‍රතිවිපාක කෙරෙහි රජය කිසිදු අවධානයක් නොදැක්වීමය. වැට්බදු මේ මට්ටමට ඉහළ දමන විට ඒ වන විටද රටේ ජනතාවගේ ආදායම් තත්වය බරපතළ පිරිහීමකට ලක්ව තිබීම නිසා ජනතාවගේ මිලදී ගැනීම් ශක්තිය තවදුරටත් පහළ බසිනු ඇතැයි මෙරට බොහෝ ආර්ථික විශ්ලේෂකයන්ගේ අදහස් හා යෝජනාවලට ආණ්ඩුව සවන් දුන්නේ නැත. ඒ වෙනුවට රජයේ බලධාරීන් දිගින් දිගටම ප්‍රකාශ කළේ වැට් බදු මේ ආකාරයට ඉහළ දැමීමකින් තොරව රජයේ ආදායම වැඩි කර ගැනීමට නොහැකි බවයි. එහෙත් දැන් සිදුවී ඇත්තේ එසේ ජනතාවගේ ආර්ථික ශක්තිය පිළිබඳ කිසිදු හැඟීමකින් තොරව වැට් බදු ඉහළ දැමීමෙන් අපේක්ෂිත ආදායම අහිමිවී යාමය. පෞද්ගලික ආදායම් බදු සහ රේගු ආනයන බදු වලටද මේ කාරණාව බලපා තිබීමද බදු අධිතක්සේරුවට හේතුවී තිබෙන බවද පැහැදිලිය.

පාර්ලිමේන්තුවේ ක්‍රම සහ විධි පිළිබඳ කාරක සභාවේ හෙළි කිරීම් වලට අනුව පසුගිය වසරේදී (2023) අපේක්ෂිත ආදායම් ඉලක්කය සියයට 13 කින් අඩුවී ඇති බවද ‘වෙරිටේ රිසර්ච්’ ආයතනය සඳහන් කර තිබේ. එසේම ලොවේ වැඩිම පොලී පිරිවැය සහ ආදායම් අනුපාතය ඇති ශ්‍රී ලංකාව ආර්ථික තිරසාරභාවය සඳහා එම අනුපාතය අඩුකිරීමේ වැදගත්කමද එම වාර්තාව උපුටා දක්වා තිබේ. මෙම කාරණා සම්බන්ධයෙන් මෙරට ආර්ථික විශ්ලේෂකයන් වරින්වර පෙන්වා දුන් කාරණා මේවනවිට සත්‍ය වී තිබෙන බව මේ සංඛ්‍යාලේඛන පෙන්වා දෙයි. එම විශ්ලේෂකයන්ගේ අදහස් ඉවත දැමීමේ ඵලවිපාක දැන් ආර්ථිකයට දැනෙමින් තිබෙන බව මේ වාර්තාව සනාථ කර තිබේ.

අපේ රටේ ආර්ථිකයේ අයවැය පරතරය පියවා ගැනීමට යොදාගත් පියවර අසාර්ථකවී ඇති බව අප මුලින්ම සඳහන් කළේ මේ ඉහත සඳහන් කාරණා සැලකිල්ලට ගනිමිනි. 1991 වසරේ පටන්ම මේ රටේ ආණ්ඩු ඉදිරිපත් කළ ආදායම් ඉලක්ක සපුරා ගැනීමට හැකි වී නැත. අපේ ආර්ථිකය තවමත් මේ විෂම චක්‍රයෙන් ගලවා ගැනීමට නොහැකිවීම සැබෑ ඛේදවාචකයකි.

(***)



අදහස් (0)

ආදායම් ඉලක්ක වැරැදීමේ ප්‍රතිවිපාක

ඔබේ අදහස් එවන්න

කතුවැකිය

ඉරාන තානාපතිට පහරදීම රටේ ප්‍රතිරූපයට හානියක්
2024 මැයි මස 21 506 0

මෙරට සිටින තානාපති ප්‍රජාව සම්බන්ධයෙන් සාමාන්‍යයෙන් අසන්නට නොලැබෙන අමුතු කතාවකට පසුගියදා මාධ්‍ය සිරස්තල වෙන්වී තිබිණි. මෙරට ඉරාන තානාපති, ආචාර්ය අල


රේගුවේ ආදායම් අවභාවිතාව
2024 මැයි මස 20 684 0

ශ්‍රී ලංකා රේගුව රටට ආදායම් ගෙන එන ප්‍රධානම රාජ්‍ය දෙපාර්තමේන්තුවකි. රේගුවේ මාධ්‍ය ප්‍රකාශක සීවලී අරුක්ගොඩ මහතා මේ වර්ෂය ආරම්භයේදී ප්‍රකාශ කර තිබුණේ


පාසල් දරුවන්ගේ උදේ ආහාරය සුළුවට නොතකමු
2024 මැයි මස 18 238 0

සකල සිරින් පිරි ශ්‍රී ලංකාවේ පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අප පුවත්පත ඉකුත්දා වාර්තා කළේය. පාඨලී චම්පික රණවක ම


ගුවන්තොටේ අසංවර වූ දේශපාලකට දඬුවම් නැද්ද?
2024 මැයි මස 17 737 5

ආණ්ඩුවේ මැති ඇමැති ධුරයක් හෙබවීම රටේ පොදු නීතියට ඉහළින් සිටීමට ලබා දෙන වරප්‍රසාදයක් වශයෙන් සලකන දේශපාලකයන් අපේ රටට අඩුවක් නැත. දේශපාලන බලයෙන් හිස උදු


අනුරපුර සිද්ධියෙන් කියැවුණේ සමාජයේ සදාචාර පිරිහීමක්
2024 මැයි මස 16 1288 2

“විනයෝ නාම ශාසනස්ස ආයු” යනුවෙන් බුදුපියාණෝ වදාළහ. එහි අර්ථය නම්, “ශාසනය පවතින්නේ විනය පවතින තුරු” යන්නය. මෙම අර්ථය සමාජයේ සෑම ක්ෂේත්‍රයකටම අදාළව මැනවි


මන්ත්‍රීන් වගකීම පැහැර හැරීම තනතුර බාල්දු කිරීමක්
2024 මැයි මස 15 168 0

පාර්ලිමේන්තුව වරින් වර රටේ ප්‍රධාන මාතෘකාවක් බවට පත්වෙයි. හොඳ සහ නරක මාතෘකා දෙවර්ගයම සම්බන්ධයෙන් පාර්ලිමේන්තුව ජනතාවගේ විමසුමට ලක්වුණත් බොහොමයක් අ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 848 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2393 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2053 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site