IMG-LOGO

2024 මාර්තු මස 04 වන සඳුදා


අධිවේගී මාර්ගවල වැඩි වන රිය අනතුරු

‘‘මෙරට දේශපාලකයෝ යනු හොරු වෙති.’’ යනුවෙන් වර නැගීමක් තිබේ. වාර්තාවන සිදුවීම් දෙස බලන විට එසේ  නොවේ යැයි කියා සරළව සහ පහසුවෙන්  බැහැර කළ හැකිද නොවේ. එහෙත් හොරු යනු දේශපාලකයෝම නොවෙති. පුරවැසියෝ ද එහි කොටස්කරුවෝ වෙති. එහෙයින්ම හොරුන් බවට පත් වූ දේශපාලකයන්ට ගල් ගැසීමේ ශුද්ධ වූ අයිතිය ඇත්තේ තඹ දොයිතුවක් හෝ සොරකම් නොකළ දේශපාලකයන්ට පමණි.

අප පුවත්පත ඉකුත්දා වාර්තා කළ ප්‍රවෘත්තියකින් කියැවුණේ ලංකා විදුලිබල මණ්ඩලයේ ප්‍රාදේශීය විදුලි පාලන කුටිවල ට්‍රාන්ස්ෆෝමර්වලට යොදා තිබෙන භූගත වයර් කපා ඒ තුළ තිබෙන තඹ කම්බි සොරාගත් 22 හැවිරිදි පුද්ගලයකු බොරැල්ල සරණපාල හිමි මාවතේ දී බස්නාහිර පළාත දකුණු දිශාව අපරාධ කොට්ඨාසය මගින් අත්අඩංගුවට ගත්  බවය. මෙම සැකකරු විදුලි පාලන කුටි තුනකින් සොරාගෙන තිබු රුපියල් ලක්ෂ දහයකට අධික වටිනා තඹ කම්බි තොගයක් ද පොලිස් භාරයට ගෙන ඇති බව ද ප්‍රවෘත්තියේ සඳහන්ය.

අප ප්‍රවෘත්තියේ වැඩිදුරටත් සඳහන් වන්නේ ඉකුත් මාස කිහිපය තුළ කොළඹ දිස්ත්‍රික්කය තුළ විදුලි පාලන කුටි කපා රුපියල් කෝටියකට අධික වටිනා තඹ කම්බි සොරා ගැනීම සම්බන්ධයෙන් විදුලි අධිකාරි මොහොමඩ් සාලි  මහතා පොලිසියට පැමිණිලි කර ඇත. ඒ අනුව නියෝජ්‍ය පොලිස්පති ජී.එච්. මාරපන මහතාගේ උපදෙස් මත බස්නාහිර දකුණු දිසාව අපරාධ කොට්ඨාසයේ අධ්‍යක්ෂ ලලිත් අබේසේකර මහතාගේ උපදෙස් පරිදි විශේෂ පොලිස් කණ්ඩායමක් පරීක්ෂණය කර සැකකරු අත්අඩංගුවට ගත් බවය.

තඹ කම්බි සොරකමේ වටිනාකම රුපියල් කෝටියකට අධිකය. මෙබඳු මහා පරිමාණ සොරකම් තනි පුද්ගලයකුට කළ නොහැකිය. එහෙයින් මේවා හැඳින්විය යුත්තේ සංවිධානාත්මක සොරකම් යනුවෙනි. එක් සොර කණ්ඩායමක් විදුලි පාලන කුටිවල තඹ කම්බි කපා සොරකම් කරගෙන යති. එහි ප්‍රතිඵලයක් වශයෙන් ප්‍රදේශයේ විදුලිය බිඳ වැටීම් සිදුවේ. ඒ අවසරයෙන් තව සොරු කණ්ඩායමක් ගෙවල්වලට පැන සොරකම් කරති.

රටකට අධිවේගී මාර්ග පද්ධතියක් යනු එරටට මහරු සම්පතකි. එහෙත් ශ්‍රී ලංකාවේ තත්වය එයට වෙනස්ය. මෙරට අධිවේගි මාර්ග පද්ධතිය යනු මරණයට යන අධිවේගී මාර්ගයක් බවට පත්වී තිබේ. වෙනත් රටවල අධිවේගි මාර්ගවල ද රිය අනතුරු සිදුවේ. එහෙත් එම රිය අනතුරුවලට සාපේක්ෂව මෙරට  අධිවේගී මාර්ගවල සිදුවන රිය අනතුරු ප්‍රමාණය ඉතා අධිකය. අධිවේගි මාර්ග මෙරට ආරම්භ වූයේ 2011 වසරේදීය. එතැන් පටන් මෙම සටහන තබන මොහොත වන විට අධිවේගි මාර්ග පද්ධතියේ සිදුවී ඇති මාරක රිය අනතුරුවලින් මියගිය සංඛ්‍යාව 80 දෙනකු පමණ වේ. ඉකුත් වසරේ අධිවේගි මාර්ගවල සිදුවූ රිය අනතුරුවලින් මියගිය සංඛ්‍යාව සිව් දෙනකු වන අතර 2024 වසරේ දෙවැනි මාසයේ අඩක් ගෙවී යාමට මත්තෙන් මියගිය සංඛ්‍යාව පහකි.

අධිවේගී මාර්ග පද්ධතියේ රිය අනතුරුවලට ප්‍රධාන හේතුව රියදුරන්ගේ නොසැලකිල්ල වේ. එමෙන්ම  වාහනවල අබලන් බව ද ප්‍රධාන හේතුවකි. ඊට අමතරව අධිවේගි මාර්ග පද්ධතියේ රිය අනතුරුවලට බලපාන ප්‍රධාන හේතුවක් වන්නේ විදුලි පහන් නොමැතිවීමය. වාහනයේ විදුලි පහන් එළියෙන් පමණක් රිය ධාවනය කිරීමට රියැදුරන්ට සිදුවී තිබේ. එය කෙතරම් මාරාන්තික දැයි යන්න වටහා ගැනීම අසීරු නොවේ.

අධිවේගී මාර්ග අඳුරේ පැවතීමට හේතුව වශයෙන් පැවසෙන්නේ එහි විදුලි රැහැන් සොරු විසින් කපාගෙන යාමය.  මෙම චෞර කප්පිත්තන් මෙරට ජනයාගේ ජීවිතවලට එල්ල කර ඇති මාරාන්තික බලපෑම අති මහත්ය.  එහෙයින් පවතින නීති ප්‍රමාණවත් නොවන්නේ නම් නව නීති සම්මත කරගෙන හෝ මෙම චෞර කප්පිත්නන්ට ඉහළම දඬුවම් දිය යුතුය.

(***)



අදහස් (2)

අධිවේගී මාර්ගවල වැඩි වන රිය අනතුරු

AB Sunday, 11 February 2024 10:52 PM

අධිවේගී මාර්ග පද්ධතියේ රිය අනතුරුවලට ප්‍රධාන හේතුව රියදුරන්ගේ නොසැලකිල්ල නම් එමෙන්ම වාහනවල අබලන් බව ද ප්‍රධාන හේතුවක් නම් මෙය රජයට අදායම් මාර්ගයක් කරගැනීමට සහ හැකියාවක් ඇත. අධිවේගී මාර්ග පද්ධතියේ වේගය 60KM Min - 100KM Max වියයුතුවේ. දෙවනුව අධිවේගී මාර්ග පද්ධතියේ වාහනවල අබලන් බව පරික්ෂ කිරීමට පොලිසිය මැදිහත්ව ක්‍රමවේදයක් සකස් කර එම වාහන පිළිසකර කිරීමට අවස්ථාව ලබාදී පිළිසකර බව සනාථ කිරීමට ළඟම තිබෙන්නා වූ පොලිසියට ගොස් බිල්පත පෙන්වා ඒබව සනාථ කිරීමට අවස්ථාව ලබාදීම සහ එම වාහන පිළිසකර කර ගන්නේ නම් රජයේ ලියාපදිංචි ගරාජයක සිදුවිය යුතු බවට (VAT) බදු සදහා ලියාපදිංචිය එම බිල්පතේ සඳහන් විය යුතුද වේ. එවිට අධිවේගී මාර්ග පද්ධතියේ රිය අනතුරු අඩුකිරීමට සහ බදු ගෙවන/ නොගෙවන ගරාජ හිමියන් පිළිබඳව යම් අධ්‍යයනයක් කළහැකි වේ. ලංකාවේ පවතින ගැටළු සඳහා විසඳුම් ලබාදෙනවා මෙන්ම එම ගැටලුවලින් රජයට ප්‍රයෝජන ගැනීමටද අවස්ථාවක් කරගත යුතුවේ. එය රජයට විවිධාකාරයෙන් කළහැකි වේ.

:       0       11

AB Sunday, 11 February 2024 10:52 PM

භූගත වයර් කපා ඒ තුළ තිබෙන තඹ කම්බි සොරාගත් පුද්ගලයින් මත්ද්‍රව්‍ය ගන්න පුද්ගලයින් විය හැකියි. එසේ නොමැති නම් තඹ කම්බි සොරාගත් පුද්ගලයින්ට දඬුවම් ලබාදීම සහ එම තඹ කම්බි සොරාගත් පුද්ගලයින්ගෙන් මිලදී ගන්න පුද්ගලයින්ටද දැඩි දඬුවම් ලබාදිය යුතුවේ. තඹ කම්බි සොරාගත් පුද්ගලයින් විකිණීමට කිසිවකු වෙත පැමිණෙන්නේ නම් පොලිසිය දැනුවත් කළයුතු වේ. මිලදී ගන්න තඹ කම්බි ප්‍රමාණයට වඩා වැඩි දඩයක් නිමවිය යුතුවේ.

:       1       6

ඔබේ අදහස් එවන්න

කතුවැකිය

කුඩා තේ වතු හිමියන්ට සහනයක් දිය නොහැකිද?
2024 මාර්තු මස 02 118 0

රටේ ආර්ථිකය තවමත් තිබෙන්නේ මරණ මංචකයේය. කොවිඩ් මාරක වසංගතයත් මෙරට පාලකයන් ගත් අනුවණ උද්ධච්ච තීන්දු තීරණත් හේතුවෙන් බිඳ වැටුණු ආර්ථිකය එසේ එකවර වේගයෙ


බොටුව මිරිකීම නතර කර ජනතාවට සහනයක් දෙන්න
2024 මාර්තු මස 01 262 0

යුද සමයේ දී ‘‘මුදා නොගත් ප්‍රදේශ’’ යනුවෙන් විශේෂයෙන් නාමකරණය කරන ලද ප්‍රදේශ තිබිණි. එම ප්‍රදේශ පාලනය කරනු ලැබුවේ ත්‍රස්තවාදීන් විසින්ය. ත්‍රස්තවාදීන


සමාජය බියගන්වන කුරිරු අපරාධකරුවන් දඬුකඳේ ගහමු
2024 පෙබරවාරි මස 29 247 0

මේ වසරේ අද (29) ගෙවී ගියේ දෙවැනි මාසයයි. දින වශයෙන් ගණන් තැබුවොත් 60කි. මේ දින 60ට රටේ විවිධ ප්‍රදේශවල වෙඩි තැබීම්වලින් සිදුව ඇති ඝාතන සංඛ්‍යාව 14ක් වන අතර තවත්


සම්මාන මේනියාවෙන් රෝගී අපේ ප්‍රභූවරු
2024 පෙබරවාරි මස 28 612 0

‘සම්මාන මේනියාව’ අප රටේ බොහෝ දෙනකුට වැළඳෙන රෝගයකි. එය බොහෝ දේශපාලනඥයන්ට වැළඳෙන ‘රථගාය’ බඳු ය. ධනය ලැබූ පසු බොහෝ දෙනෙක් බලය පසුපස හඹායති. ඒ ගමනට සම්මාන ල


මල්වතු මහ නාහිමි ප්‍රකාශය අගයමු
2024 පෙබරවාරි මස 27 841 1

වර්තමාන පාලකයන් ඡන්දය කල් දැමීමට කටයුතු කළහොත් ඊට ඉඩ නොතබන ලෙස තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශ්වයේ මහ නා හිමියන් පසුගියදා සඳහන් කර ත


හොර දොස්තරලාගෙන් රෝගීන් බේරාගන්න බැරිද?
2024 පෙබරවාරි මස 26 424 3

අප රටේ ජනයා කවර කලෙක කළ පාපකර්මයක් ගෙවා දමමින් සිටින්නේදැයි සිතා ගත නොහැකි තරම්ය. නයන පිනවන මේ රන් දිවයිනේ ඉපදීම සම්බන්ධයෙන් ප්‍රීති ප්‍රමෝදයට පත් විය


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 520 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 422 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 374 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site