2025 ඔක්තෝබර් මස 28 වන අඟහරුවාදා
2025 ඔක්තෝබර් මස 28 වන අඟහරුවාදා
(ගල්ගමුව - නිහාල් ජයවීර)
වැව් පිටියක මුකුණුවැන්න කඩමින් සිටි කාන්තාවකට අරුම පුදුම ‘‘පිස්තෝලයක්’’ හමුවීමෙන් ගම්වැසියන් හා නිලධාරීන් පිරිසකට විශාල අපහසුතාවකට පත්වීමට සිදු වූ සිද්ධියක් ගල්ගමුව, කාටුවැව ප‍්‍රදේශයෙන් දැන ගැනීමට ලැබිණි.
කාටුවැව, අමුණුකොළේ වැවේ පිට්ටනියේ මුකුණුවැන්න කඩමින් සිටියදී මේ ‘‘ගිනි අවිය’’ කාන්තාවට දැක ගැනීමට ලැබී තිබෙන අතර ඒ සම්බන්ධයෙන් ඇය ගමේ කීප දෙනකුට දැනුම් දී තිබේ.
ඔවුන් ද එහි ගොස් ඒ කුඩා ‘‘ගිනි අවිය’’ දැක එවැනි ‘‘ගිනි අවියක්’’ ජීවිතයට නොදැක ඇති නිසා ඒ පිළිබඳව පළාත බාර ග‍්‍රාම නිලධාරීවරයාට දැනුම් දී තිබේ.
ග‍්‍රාම නිලධාරීවරයා ද වැව් පිටියක කුඩා ප‍්‍රමාණයේ පිස්තෝලයක් ඇති බව ගල්ගමුව පොලිසියට දැනුම් දී තිබේ. ඒ අතර පොලිස් හදිසි ඇමතුම් අංශයට ද කිසියම් අයකු තොරතුරු දැනුම් දී ඇත.
වහා ක‍්‍රියාත්මක වූ ගල්ගමුව පොලිසිය රථ වාහන අංශයේ නිලධාරීන් දෙදෙනකු අදාළ ස්ථානයට පිටත් කර යවා තිබේ. ‘‘පිස්තෝලය’’ පොලිසිය බාරයට ගත් නිලධාරීන් දෙදෙනා එය පොලිස් ස්ථානය වෙත ගෙනැවිත් රථ වාහන අංශයේ ස්ථානාධිපතිවරයාගේ මේසය උඩ තැබීය.
අ`ගල් හතරක් පමණ දිගැති, නිකල් පැහැයට හුරු ඝන ලෝහයකින් නිපදවා තිබූ ‘පිස්තෝලය’ අතට ගත් ස්ථානාධිපතිවරයා ‘මේක සෙල්ලම් පිස්තෝලයක්නේ. ඔය වෙඩි බෙහෙත් කවාපු ගුලියක් තියලා කොකා ගැස්සුවාම පටාස් ගාලා පුපුරන්න හදලානේ තියෙන්නේ’යි කියමින් අරුම පුදුම ගිනි අවිය මේසය මත තැබීය.
අපරාදෙ කිලෝමීටර් හැට හැත්තෑවක් යන්න එන්න පැට‍්‍රල් පිච්චුවේයි නිලධාරියකුට කියැවිණ.
2025 ඔක්තෝබර් මස 08
1531
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1348
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
487
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
වැව් පිටියේදී කතකට අරුම පුදුම අවියක් හමුවෙලා
kithsiri Tuesday, 31 October 2017 11:00 AM
මේ කාන්තාව ප්‍රඥාගෝචර වැඩක් කරලා තියෙන්නේ. රථ වාහන පොලිසියේ යටත් හඳුනාගන්න අමාරු වුනා නම්, ඒක ඇත්ත අවියක් වගේම වෙන්න ඕනා. මේක මේ කාන්තාව සැක කරලා අදාළ බලධාරීන් ට දන්වපු එක ඉතා හොඳ ක්‍රියාවක්.
Pradeep Liyanage Tuesday, 31 October 2017 01:27 PM
පරික්ෂාවට ගිය පොලිස් නිලධාරීන් දෙදෙනාටවත් දැනුමක් තිබිල නැද්ද සෙල්ලම් පිස්තෝලයක් කියල හොයාගන්න. පුහුණුවීම් වලදී මෙයාලට මොනවද දන්නේ නෑ කියල දෙන්නේ. සාමාන්‍ය ගම් වැසියන් බයවෙන එක අහන්නත් දෙයක්ද මේවා මෙහෙම වෙනකොට.
darshanaSaturday, 04 November 2017 10:59 AM
එ්ක සම්පුර්ණ ඇත්ත, ස්ථානාධිපතිවරයා කියනකම් මේ නිලධාරීන් මේක දන්නේ නැද්ද? මගේ ලඟත් තියෙනවා ඔය ජාතියේ කී ටැග් එකක්...
sarath perth Saturday, 04 November 2017 03:48 AM
එකට කමක් නැහැ මොනර කොලේ හඳුනන්න පුළුවන්නේ එත් මදැයි.
bamunuarachchi Monday, 06 November 2017 12:08 AM
මෙහෙම සෙල්ලම්බඩු දැන් ළමයින්ට සෙල්ලම් කරන්න තියා දකින්නවත් ලැබෙන්නේ නැත. කොටින්ම දැන් ළමයින්ට සෙල්ලම් කරන ළමා කාලයක් නැත ළමයි සෙල්ලම් දන්නේ නැත. 1950 ගණන්වල නම් බැලුබැල්මට නියම පිස්තෝල කියා පෙනෙන සෙල්ලම් පිස්තෝල නත්තල් කාලයට පේව්මන්ට් එකේ විකුණන තිබුනා. මා ලඟත් තිබුනා. ඒ සුන්දර කාලය නැවත ලංකාවට එන්නේ නැත.