(කලවාන - උපේන්ද්‍ර ප‍්‍රියංකර ජාතුංගම)

සිය මිනිබිරියට උපකාර කිරීමට ගොස් අමාරුවේ වැටුණු මිත්තනියක පිළිබඳ පුවතක් නගර ආසන්න ප‍්‍රදේශයකින් වාර්තා වෙයි.

ඇය ඉතාමත් රූමත් දඟකාර තරුණියකි. ඇය විනෝදයෙන් ගත කළ අතර, සිය මවුපියන්ගෙන් ලබාගන්නා මුදල්, ඇඳුම් පැළඳුම්වලට සහ සිය මිතුරියන්ට වියදම් කිරීමට නිර්ලෝභී වූවාය.

ඇයට පෙම්වතුන් අතේ ඇඟිලි සංඛ්‍යාවට වැඩි වූවා මිස අඩු නොවුණි. ඇය ඔවුන්ගෙන් ද මුදල් ඉල්ලාගෙන අලූත් තාලේ ‘ෆැෂන්’වලට පුරුදු වී සිටියාය. මවුපියන් කොතෙකුත් කීවද ඒවා ගණනකට නොගත් ඇය, අඩුම වශයෙන් ඇයගේ ඇඳුමක්වත් සෝදා නොගත්තාය.

උදයම පිටවන ඇය හවසට මුහුණු පොත පිරෙන්නට ඡුායාරූප රැුගෙන යළි නිවසට පැමිණෙන්නේ ඇඳිරි වැටුණු පසුවය. දිනක් ඇය පෙම්වතකුගෙන් ඉල්ලා ගත් මුදල්වලින් අලූත්ම ඩෙනිම් කලිසමක් රැුගෙන ආවාය. ඇය නිවෙසට පැමිණ ආඩම්බරයෙන් පවසා සිටියේ එම ඩෙනිම රුපියල් හාරදහසක් වූ බවය.

දින කිහිපයකට පසුව අලූතින් ගත් හාරදහසේ ඩෙනිම් කලිසම සෙවුවද ඇයට එය සොයා ගැනීමට නොහැකි වූ බැවින්, රෙදි වැඩි වශයෙන් සෝදා පිරිසුදු කරන සිය මිත්තනිය අමතා ‘ආච්චි මගේ අලූත් ඩෙනිම’ යැයි ඇසීය.

එවිට මිත්තනිය ‘ආ අර හාරදහසට ගත්ත කිවුව ඇඳුම නේද? අනේ මන්ද ළමයෝ අද කාලේ ළමයෙකුට හරියට ඇඳුම් පාංකඩයක්වත් ගන්න දන්නේ නැහැනේ. ඔය ළමය රවට්ටලා දීලා තියෙන්නේ. ඒ කලිසම හතර පස් පොලකින් ඉරිලා. නූල් එළියට ඇදිලා. මම ඔන්න මහලා මගේ කාමරයෙන් තිබ්බා’ කීවාය.

දෙවියන් සිහි වූ තරුණිය ‘අනේ ආච්චියේ ඒක තමයි අලූත් ෆැෂන් එක. චික් විතරක් කලිසම ඉවරයි. අපරාදේ මගේ හාරදාහා’ යැයි පවසමින් සිය මිත්තනියට දොස් මුර තැබුවාය.