IMG-LOGO

2023 දෙසැම්බර් මස 08 වන සිකුරාදා


කට රැකගෙන කෑම කමු

අප්‍රේල් මාසය ඉතා සුවිශේෂය. ඒ අන් කවරදාටත් වඩා මේ මාසයේදී අපට කෑමට ලැබෙන රසකැවිලි නිසාවෙනි.. මේ කෑම සියල්ලම පාහේ තෙල්,පිටි, සීනි, ලුණුවලින් සමන්විතය. මේ අවුරුදු කාලෙදී ලෙඩ නොවී කෑම කන හැටිත්, රෝගවලින් දැනටමත් පීඩා විඳින පිරිස රෝගය මැඩ ගනිමින් වැරැදි ආහාර රටාවෙන් මිදී ක්‍රමවත්ව ආහාර ගන්නේ කොහොමද යන්නත් ගැන අප වැඩි අවධානයක්    යොමු කළ යුතුය. අප්‍රේල් මාසයේදී පමණක් දක්නට ලැබෙන ආහාර පාන නොකා හිඳීමට තහංචි පැනවීම අනුමත කළ නොහැකිය. ඒත් අප අවුරුදු කෑම බීම රිසිසේ අනුභව කර නුදුරු දිනකදිම ලෙඩ වෙනවාද, නොඑසේනම් ක්‍රමවත්ව ආහාර ගෙන නිරෝගිකම රැක ගන්නවාද යන්න තීරණය කළ යුත්තේද අපමය.

එසේ කියන්නේ ඇයි?

වර්ෂ 2021 පවත්වන ලද බෝ නොවන රෝගවලට පාදක වන අවදානම් සාධක හඳුනා ගැනීමේ සමීක්ෂණයේදී අවුරුදු 18ත් 69ත් අතර වයසේ පසුවන්නන්ගෙන් එනම් පුරුෂයන්ගෙන් සියයට 30කුත්, ස්ත්‍රීන්ගෙන් සියයට 47.6කුත් බර වැඩි සහ තරබාරු ගණයට අයත් වන බව සොයා ගෙන ඇත. එමෙන්ම රුධිරයේ සීනි මට්ටම ඉහළ ගොස් ඇති සංඛ්‍යාව සියයට 38කි. තවද රුධිර පීඩනය වැඩි ප්‍රතිශතය සියයට 54කි. දරුවන් අතරද බර වැඩි ප්‍රතිශතය සියයට 9ක් පමණ වේ. මේ තත්ත්වය ඔවුන් අතර බෝ නොවන රෝග එනම් දියවැඩියාව, අධික රුධිර පීඩනය, හෘදයාබාධ, අංශභාගය, කාලික ශ්වසන රෝග, වකුගඩු රෝග සහ විවිධ පිළිකා තත්ත්ව ඇති වීමේ ප්‍රවනතාව වැඩි කරන බව හෙළිදරව් වී ඇත.

එමෙන්ම ක්‍රියාශීලී නොවීම, ලුණු -තෙල්- සීනි භාවිතය අධික වීම, මත්පැන් සේම දුම්පානයද මෙහි අවදානම වැඩි කිරීමට හේතු වී ඇත.

මෙවර රසකැවිලිවල විශේෂත්වයක් කරමු

මෙවැනි පසුබිමක අප රෝගී නොවී අවුරුදු සතුට ලබා ගන්නේ කොහොමද? මේ මොහොත වනවිටත් සියල්ලෝම හැකි පමණින් අවුරුදු රස කැවිලිවල රස බලන්නට සැදී පැහැදී සිටිති. තෙල්- ලුණු-සීනි අධික රස කැවිලි මේ කාලයේදී බහුලය. නෑසියන් බලන්නට යන ඔබට මේ ආහාරයක් නොගෙනම බැරි තත්ත්වයක් උදා විය හැකිය. දකින - තියෙන සෑම ආහාරයක්ම රස විඳ අවසන අප රෝගී විය යුතු නැත. රසකැවිලි සෑදීමේදී අපට විශේෂයක් කළ හැකිය. එනම් රසකැවිලිවල ප්‍රමාණය කුඩාවට සෑදීමට පුළුවන. ලොකු කැවුමක්,ලොකු අළුවා කැබැල්ලක්,ලොකු මුං කැවුමක් වෙනුවට ප්‍රමාණයෙන් කුඩා රසකැවිලි සෑදීමට උත්සාහයක් ගනිමු. ඒවගේම නිවසින් පිටතදී හැම රසකැවිල්ලකම රස බැලීම වෙනුවට එක් රසකැවිල්ලක් පමණක් කෑමට ගත හැකිය. තේ,කෝපි පානයේදීත් හැකිතරම් සීනි රහිතව ඒවා පානය කරන්නට උත්සාහ ගනිමු.

තෙල් - ලුණු -සීනි සීමාව

බත් ,එළවළු,මාළු පිළියෙළ කිරීමේදී හැකිතාක් තෙල් -ලුණු අඩුවෙන් යොදා පිස ගත යුතුවේ. පැණි රසැති අතුරුපස වෙනුවෙන් පලතුරු කපා ,සීනි -ලුණු- උකු කිරි නොයොදා පලතුරු සලාදයක් පිළිගැන්වීමට හැකිය. කෘත්‍රිම පාන වර්ග වෙනුවට පිරිසුදු පලතුරුවලින් පිළියෙළ කළ ලුණු - සීනි එකතු නොකළ පලතුරු යුෂ වීදුරුවක් ඉතා සුදුසුය.

දරුවන්ට ක්‍රියාශීලී වීමට ඉඩ දෙන්න

විශේෂයෙන්ම දරුවන්ට හැකිතාක් ක්‍රියාශීලීව දුව පැන සෙල්ලම් කිරීමට ඉඩ හරිමු. මේ කාලයේදී පමණක් දැකිය හැකි වන අපේ ජන ක්‍රීඩා ගැන දරුවන්ගේ දැනුම අලුත් කරවමු. එය ඔවුන්ගේ බුද්ධි වර්ධනය උදෙසා මහත් පිටිවහලක් වනු ඇති. මත්පැන් - දුම්පානය හැකිතාක් අඩු කර පවුලේ සියලු දෙනාගෙම සතුට වෙනුවෙන් මේ නිවාඩුව යොදා ගත හැකිය.

රෝගීන්ගේ ආහාරය ගැනත් වැඩි සැලකිල්ලක්

විශේෂයෙන්ම දියවැඩියාව, අධික රුධිර පීඩනය, හෘදයාබාධ ,අංශභාගය වැනි රෝගවලින් පෙළෙන පවුලේ සාමාජිකයන්ගේ රෝගී තත්ත්වය ගැන වඩා සැලකිලිමත් වී ඔවුන්ගේ ආහාරය ගැන විශේෂ අවධානයක් යොමු කළ හැකිය. එක වේලකට පැණිරස ආහාර ගතහොත් ඊළඟ වේලට එළවළු,පළා බහුල ආහාර වේලක් ලබා දිය හැකිය. දවසේ සියලුම ආහාර වේල් පැණිරස කෑමවලින් පමණක් පිරවීම සුදුසු නැත. රෝගී තත්ත්වාදියෙන් පෙළුණද අවුරුදු සතුට ඔවුන්ටද ලබාදිය යුතු බැවින් උපක්‍රමශීලීව විවිධ ආහාර රස විඳීමට ඉඩ ලබා දෙන්න. දියවැඩියාවට රසකැවිලි සුදුසු නැත කියා ඔවුනට ඒවා නොදී සිටීමට වඩා කැවිලි ප්‍රමාණයෙන් කුඩාවට සාදා ඒවායෙහි රස විදීමට ලබා දිය හැකිය. ඉන් අනතුරු ඊළඟ ආහාර වේලට පැණිරස ආහාර ඇතුළත් නොකිරීමට වගබලා ගන්න.

රස්නෙ වැඩි කාලෙට සුදුසු පාන වර්ග

මේ කාලයේදී ජලය,තැඹිලි,බෙලිමල් වැනි ස්වාභාවික පාන වර්ග හැකිතාක් පානය කරන්න. අවුරුද්දේ සැබෑ සතුට අත් විඳින්න. කැවිලි පෙවිලිවල සුවඳ- රසය විඳින්න. තමාගේ සුවපත්භාවය ගැනත් සිතන්න. එවිට අවුරුදු සමය ගෙවී ගියද ඔබට කාලයක් පුරාවටම නිරෝගිව සිටීමට හැකිවේවි.

-සටහන- මාධවී ධර්මරත්න



අදහස් (0)

කට රැකගෙන කෑම කමු

ඔබේ අදහස් එවන්න

සුව දිවියට අත්වැලක්

පෙනුම වෙනස් කරන ශල්‍යකර්ම
2023 නොවැම්බර් මස 27 399 0

වයසත් එක්ක වෙනස්වෙන තරුණ පෙනුම රැකගන්න ලෝකයේ වැඩි දෙනෙක් විවිධාකාරයේ ශෙල්‍යකර්ම සිදුකර ගනී. විශේෂයෙන් තරුණ බව රැකගන්න වගේම තමන්ගේ ස්වභාවික රූපය අඟපස


ලැජ්ජා වුණොත් අමාරුවේ බෙහෙත් කළොත් ලෙඩ සුව වේ
2023 නොවැම්බර් මස 22 764 0

පුංචි දේ පුංචි තැනින් කඩා ගත්තේ නැත්නම් පිළිලයක් වෙනවා. එහෙම වුනාම ඒකෙන් කරදර විදින්න වෙන්නේ තමන්ටමයි. මේ කතාව ලෙඩ රෝග සම්බන්ධයෙන් නිතර අහන්න ලැබෙන දෙ


අවදානම දැනගන්න - අදම ක්‍රියාත්මක වෙන්න
2023 නොවැම්බර් මස 13 365 0

ලෝක දියවැඩියා දිනය මෙම 14 වැනිදාට යෙදී තිබේ. ඒ වෙනුවෙන් ලොව පුරා විවිධ දැනුවත් කිරීමේ වැඩසටහන් පැවැත්වෙන අතර මෙරටද ඒ වෙනුවෙන් විවිධ වැඩසටහන් ක්‍රියාත්


පුළුල් උකුලකට ව්‍යායාම
2023 ඔක්තෝබර් මස 05 1086 1

සෑම කාන්තාවක්ම වයසටයාමට අකමැති බව නොරහසකි. තරුණවීම සඳහා විවිධ ආලේපන, ප්‍රතිකාර, විලාසිතා සිදුකරන ආකාරය අපි දැක ඇත්තෙමු. තම සිරුරේ හැඩය, පැහැය මෙන්ම නිර


වැස්සෙන් ලෙඩ නොවී ඉමු
2023 සැප්තැම්බර් මස 05 532 0

කාලගුණය මොහොතින් මොහොත වෙනස් වේ. ඒ අනුව මාස ගණනාවක් සිටම පැවැති අධික උණුසුම් කාලගුණය නිමා කරමින් ඉකුත් සතියේ සිට අපේ රටේ විවිධ පළාත්වලට වැසි වැටීම ඇරැ


තවමත් ළමයින්ට MMR එන්නත ලබා දී නැත්ද?
2023 අගෝස්තු මස 14 947 0

උණත් සමග මේ දිනවල පැතිර යන සරම්ප අවදානම ගැන වැඩි අවධානයක් මතුව ඇති බැවින් සියලු දෙනාගේ දැනුම්වත් වීම උදෙසා පහත ලිපිය පළ කෙරේ.


මේවාටත් කැමතිවනු ඇති

ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව 2023 නොවැම්බර් මස 19 988 0
ශ්‍රී ලංකාවේ සනීපාරක්ෂාවේ ගැටලුවලට නිමාවක් ගෙන එන හමිංබර්ඩ් කථාව

අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”

රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි 2023 නොවැම්බර් මස 01 743 2
රේන්කෝ ස්වර්ණමය ප‍්‍රමිතිය හා නව්‍යකරණයේ ජවය ISO 9001:2015 සහතිකයෙන් පිදුම් ලබයි

නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 4723 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

Our Group Site