උතුරු අයර්ලන්තය සති හයකට අගුලු දමයි

‘කොවිඩ්-19’ හෙවත් නව කොරෝනා වයිරසය පාලනය කිරීම සඳහා දෙසැම්බර් 26 වැනිදා සිට සති හයකට රට අගුළු දමන බව උතුරු අයර්ලන්තය නියෝජ්‍ය ප්‍රධාන අමාත්‍ය මිචෙලා ඔනීල් ඊයේ (17) නිවේදනය කළාය.

බ්‍රිතාන්‍යයට අයත් උතුරු අයර්ලන්තය ඉකුත් ඔක්තෝබර් මාසයේ සිට අවස්ථා කිහිපයකදී ලොක්ඩවුන් සීමා පැනවීය. එක් අවස්ථාවකදී උතුරු අයර්ලන්තය යුරෝපයේ නව කොරෝනා වයිරසය පැතර යන කේන්ද්‍රස්ථානයක් බවට ද පත්ව තිබිණි. අවසන් වරට පනවා තිබූ සීමා පසුගිය සතියේදී ලිහිල් කෙරුණු අතර සීමා ලිහිල් කිරීමත් සමඟ සියලු කඩසාප්පු, අවන්හල් සහ බීමහල් නැවත විවෘත කෙරුණි.

කෙසේ නමුත් නව සීමා සමඟ අවන්හල් සහ බීමහල් අත්‍යවශ්‍ය නොවන සියලු කඩසාප්පු වසා දැමෙන අතර ආහාර බෙදාහැරීම හා රැගෙන යෑමට පමණක් අවසර ලැබේ.

“මේක බොහෝ දෙනකුට කනගාටුදායක පුවතක්. එහෙත් බොහෝදෙනකු එය බලාපොරොත්තුවෙන් සිටියා. කඩිනම් මැදිහත්වීමක් අවශ්‍ය බව පැහැදිලිව පෙනෙන්නට තිබුණා. මෙය නිවැරැදි තීරණය යැයි මා හිතනවා” යැයි මිචෙලා ඔනීල් මාධ්‍යවේදීන් හමුවේ පැවැසුවාය.

රෝහල්වල ඉඩ නොමැති වීම නිසා රෝහලක රථගාලක නවත තිබූ ගිලන් රථයක් තුළ රෝගියකුට ප්‍රතිකාර කරන අයුරු දැක්වෙන ඡායාරූප පෙළක් ද ප්‍රසිද්ධියට පත්ව තිබිණි.

නව කොරෝනා වයිරසය හේතුවෙන් උතුරු අයර්ලන්තයේ රෝහල්වලට දැඩි පීඩනයක් එල්ල වනු ඇතැයි එරට සුව සේවා භාර සහ සංවිධාන කිහිපයකම ප්‍රධානීන් මේ වනවිටත් අනතුරු අඟවා ඇත. උතුරු අයර්ලන්තයෙන් වාර්ත වන රෝගීන්ගේ සංඛ්‍යාව මේ වනවිට වේගයෙන් වැඩි වෙමින් තිබෙන අතර රෝහල් ද රෝගීන්ගෙන් පිරී ගොස් තිබේ.

උතුරු අයර්ලන්තයෙන් බ්‍රහස්පතින්දා, එනම් ඊයේ (17) වයිරස ආසාදිතයන් 656 දෙනකු වාර්තා වූ අතර එය සති පහකට පසු දිනක් ඇතුළත එරටින් වාර්තා වූ වැඩිම වයිරස ආසාදිතයන්ගේ ගණන ද වේ. දින 28ක් ඇතුළත වයිරස ආසාදනය වීමෙන් 1,154 දෙනකු මරණයට පත්ව ඇතැයි ද සෞඛ්‍ය අංශ සඳහන් කරයි.

යුරෝපා සංගමයට අයත් රටකින් අඩුම ආසාදිතයන් ගණනක් වාර්තා වන්නේ උතුර් අයර්ලන්තයේ අසල්වැසි රට වන අයර්ලන්ත ජනරජයෙනි.

කෙසේ නමුත් නව කොරෝනා වයිරසය පාලනය කිරීම සඳහා පනවා තිබූ සීමා ලිහිල් කිරීමත් සමඟ වයිරස ආසාදිතයන් වැඩි වීමක් දක්නට ඇතැයි බලධාරීහු අනතුරු අඟවති.

මේ අතර වසර අවසන් වීමට පෙර නව සීමා පැනවීමට සිදුවනු ඇතැයි අයර්ලන්තයේ අග්‍රාමාත්‍ය මයිකල් මාර්ටින් පැවැසීය.

රොයිටර් අනුග්‍රහයෙනි
- 055

අදහස් (0)

උතුරු අයර්ලන්තය සති හයකට අගුලු දමයි

ඔබේ අදහස් එවන්න

වැඩි දෙනා කියවූ පුවත්

සරසවි නේවාසිකාගාරයෙන් කලලයක කොටස් හමු වෙලා

2025 නොවැම්බර් මස 08 11443 2

වාහන ආනයනයෙන් බස් 3,000ක් අනතුරේ

2025 ඔක්තෝබර් මස 24 10136 39

උතුරු කොරියාවේ රාජ්‍ය නායක කිම් යොං නම් සමුගනී

2025 නොවැම්බර් මස 04 7916 0

කැළණිය විශ්වවිද්‍යාලයෙන් බෝතල් මූඩී බංකුවක් මරදානට

2025 නොවැම්බර් මස 05 7366 3

කෝටියක මාළු මා දැලක පැටලේ

2025 නොවැම්බර් මස 01 7299 3

2025 නොවැම්බර් මස 04 709 0

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

2025 ඔක්තෝබර් මස 08 2376 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1743 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට