IMG-LOGO

2025 මැයි මස 29 වන බ්‍රහස්පතින්දා


ආසාදිතයන්ගෙන් යුරෝපයේ රෝහල් පිරෙයි

 

කොරෝනා වයිරසයේ දෙවැනි රැල්ලත් සමඟ වයිරස ආසාදිතයන්ගෙන් යුරෝපයේ රෝහල් පිරී යමින් තිබෙන බව නිව්යෝර්ක් ටයිම්ස් පුවත්පත වාර්තා කරයි.

යුරෝපා කලාපය මේ වනවිට කොරෝනා වයිරසයේ දෙවැනි රැල්ලකට මුහුණ දී සිටින අතර දෛනිකව වාර්තා වන වයිරස ආසාදිතයන්ගේ ගණන වේගයෙන් ඉහළ යමින් තිබේ.

පසුගිය සති කිහිපය තුළ යුරෝපයේ බොහෝ රටවලින් වාර්තා වී තිබූ  කොරෝනා වයිරස ආසාදිතයන්ගේ ගණන දෙගුණ වී ඇතැයි සෞඛ්‍ය අංශ පෙන්වාදෙයි.

පෝලන්තය එරට තිබෙන විශාලම ක්‍රීඩාංගනය ක්ෂේත්‍ර රෝහලක් බවට පත් කර තිබේ. ඉකුත් සති දෙකේදී බෙල්ජියම සහ බ්‍රිතාන්‍ය යන රටවලින් වාර්තා වූ වයිරස ආසාදිතයන්ගේ ගණන දෙගුණ වී තිබේ.චෙක් ජනරජයේ වෛද්‍යවරුන් සහ හෙද හෙදියන් අනතුරු අඟවන ඉතා ශීඝ්‍ර වේගයකින් අසනීප වෙමින් තිබෙන බව ද එරටින් වාර්තා වේ.

නව කොරෝනා වයිරසයේ පළමු රැල්ල පැමිණි අවස්ථාවේදී කෙසේ හෝ රෝහල් කළමනාකරණය කරගැනීමට හැකියාව ලැබුණ ද මෙවර තත්ත්වය නරක අතට හැරී ඇතැයි සෞඛ්‍ය අංශ පෙන්වාදෙයි.

‘කොවිඩ්-19’ හෙවත් නව කොරෝනා වයිරසයේ දෙවැනි රැල්ලත් සමඟ යුරෝපයේ රෝහල්වලට දරාගත නොහැකි තරමින් වයිරස ආසාදිත රෝගීන් පැමිණෙනු ඇතැයි එම අංශ කියයි.

කෙසේ නමුත් දැනට යුරෝපයේ රටවල රෝහල් ගතව සිටින නව කොරෝනා වයිරස ආසාදිත රෝගීන්ගේ ගණන ඉකුත් මාර්තු සහ අප්‍රේල් මාසවල රෝහල් ගතව සිටි ගණනට වඩා අඩු යැයි සෞඛ්‍ය අංශ සඳහන් කරයි. නව කොරෝනා වයිරස වසංගතයේ පළමු රැල්ලේ උච්ඡතම අවධිය වාර්තා වූයේ පසුගිය මාර්තු සහ අප්‍රේල් මාසවලදී ය. දැනට රෝහල් ගතව සිටින වයිරස ආසාදිතයන්ගේ ගණන එම කාලයේ රෝහල් ගතව සිටි පිරිසෙන් අඩකටත් වඩා අඩු වුවද දෙවැනි රැල්ලත් සමඟ සතිපතා වාර්තා වන වයිරස ආසාදිතයන්ගේ ගණන වාර්තා ගත අයුරින් වේගයෙන් වැඩිවෙමින් තිබේ.

මේ වනවිට ඇමෙරිකා එක්සත් ජනපදයේ වයිරස ආසාදිතයන් රෝහල් ගත කරනවාට වඩා වැඩි වේගයකින් යුරෝපයේ වයිරස ආසාදිතයන් රෝහල් ගත කෙරෙමින් තිබෙන බව ද සෞඛ්‍ය අංශවල නවතම වාර්තා පෙන්වාදෙයි.

(ද නිව්යෝක් ටයිම්ස්)

055

 



අදහස් (0)

ආසාදිතයන්ගෙන් යුරෝපයේ රෝහල් පිරෙයි

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ‘පාසල් පිරියත සුරකිමු‘ 2025 2025 මැයි මස 28 59 0
ශ‍්‍රී ලංකා ඉන්ෂුවරන්ස් ලයිෆ් ‘පාසල් පිරියත සුරකිමු‘ 2025

මැයි 27, 2025 කොළඹදී. ශ‍්‍රී ලංකාවේ විශාලතම සහ දැවැන්තම ජීවිත රක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ්, සිය ආයතනික සමාජ වගකීමි වැඩසටහනක් ලෙස දියත් කරන ලද

Victrix Tech ශ්‍රී ලාංකික ව්‍යාපාරික ඩිජිටල් තාක්ෂණික අවශ්‍යතා සඳහා ඉතා උසස් ඩිජිටල් විසදුම් දියත් කරයි 2025 මැයි මස 23 213 0
Victrix Tech ශ්‍රී ලාංකික ව්‍යාපාරික ඩිජිටල් තාක්ෂණික අවශ්‍යතා සඳහා ඉතා උසස් ඩිජිටල් විසදුම් දියත් කරයි

ජාත්‍යන්තර වෙළෙඳපොළ පිලිබඳ විශේෂඥතාවක් ඇති ඩිජිටල් පරිවර්තන සමාගමක් වන Victrix Tech (Pvt) Ltd, ශ්‍රී ලංකාවේ ව්‍යාපාරික වෙළඳපොළ සඳහා සිය ව්‍යාපාර කටයුතු පුළුල් කර

MIND සමූහය මාධ්‍ය නිවේදනය.  ලෝක සාමය සහ රාජ්‍ය තාන්ත්‍රික සංවිධානයෙන් මහාචාර්ය මොහාන්  මුණසිංහ මහතා ගෞරව සම්මානයට පාත්‍ර විය. 2025 මැයි මස 16 557 1
MIND සමූහය මාධ්‍ය නිවේදනය. ලෝක සාමය සහ රාජ්‍ය තාන්ත්‍රික සංවිධානයෙන් මහාචාර්ය මොහාන් මුණසිංහ මහතා ගෞරව සම්මානයට පාත්‍ර විය.

පැවති 7 වන ගෝලීය ව්‍යාපාර නායකත්ව සංසදයේදී, ලෝක සාමය සහ රාජ්‍ය තාන්ත්‍රික සංවිධානය (WPDO) වෙතින් තිරසාරභාවය සහ සාමය සඳහා වූ සුවිශේෂී දායකත්වය වෙනුවෙන් මොහ

Our Group Site