ශ්‍රී ලංකා ඉන්ෂුවරන්ස් ජෙනරල් ලිමිටඩ්  (SLIC General) විසින් SLICGL Digital’  ස්මාර්ට් ජංගම යෙදුම (App) පසුගියදා හඳුන්වා දෙනු ලැබීය. එමගින් වසර 60කට එහා ගිය විශ්වසනීය වූ රාජ්‍ය අනුග්‍රහය ලත් සේවාවක් සපයනSLIC General, පිළිගත් ආයතනයක පවතින විශ්වසනීයත්වය නවීන ඩිජිටල් අත්දැකීමක් සමගින් ගෙන ඒමට සමත්ව ඇත.

SLICGL Digital යෙදුම හරහා, මෝටර් රථ රක්ෂණ කටයුතු සඳහා ඉතා පහසු සේවා ප්‍රවේශයක් සලසා දෙනු ලබයි. පාරිභෝගිකයන්ට සිය රක්ෂණ ඔප්පු වෙත ප්‍රවේශ වීමට, රක්ෂණ හිමිකම් තත්වය පිළිබඳව සොයා බැලීමට, රක්ෂණ ඔප්පු අලු‍ත් කිරීම සහ මෝටර් රථ රක්ෂණ කාඞ්පත පරික්ෂා කිරීම යන සියලු‍ ප්‍රවේශය එකම ජංගම දුරකථන යෙදුමක් හරහා සිදු කිරීමට අවස්ථාව සැලසේ. ශ්‍රී ලංකා රක්ෂණ නියාමන කොමිෂන් සභාව විසින් 2026 මැයි මස 1 වන දින සිට බලපැවැත්වෙන පරිදි නිකුත් කරන ලද නව මාර්ගෝපදේශවලට අනුකූලව, ඩිජිටල් රක්ෂණ කාඞ්පත ඩවුන්ලෝඩ් කර ගැනීම සඳහා මෙම යෙදුම සහාය වේ.

මෙම නව හඳුන්වාදීම SLIC General හි ඩිජිටල් පරිවර්තන ගමන් මගේ කොටසක් වන අතර ඒ හරහා වේගවත්, බුද්ධිමත් සහ වඩාත් පහසු රක්ෂණ විසඳුම් ලබා දීමට සැලසුම් කර ඇත. SLICGL Digital  යෙදුම, පාරිභෝගික සේවා මධ්‍යස්ථානයක් වෙත සම්බන්ධ වීමේ අවශ්‍යතාව නවතාලමින්, රක්ෂණ සේවා කටයුතු ඉතා පහසු කරමින් ඕනෑම වේලාවක, ඕනෑම ස්ථානයක සිට ඒ සඳහා ප්‍රවේශ වීමේ පහසුව සලසා දෙනු ලබයි.

ඒ වෙනුවට, SLIC General වාහන හිමිකරුවන්ට, තරුණ වෘත්තිකයන්ට සහ ඩිජිටල් තාක්ෂණය භාවිත කරන පාරිභෝගිකයන්ට, ප්‍රායෝගික පහසුව සලසා දෙනු ලබන නවීන තාක්‍ෂණය මත පදනම් වූ රක්ෂණකරුවකු ලෙස ඉතා කාලෝචිත නව්‍ය Digital යෙදුමක් හඳුන්වාදී ඇත. 

මෙම ඩිජිටල් යෙදුම හඳුන්වා දීම සිදුවන්නේ, 2025 වසරේදී SLIC General සමාගම මෝටර් රථ රක්ෂණ ක්ෂේත්‍රයේ ලැබූ ශක්තිමත් කාර්ය සාධනය සමගිනි. මෝටර් රථ රක්ෂණ ක්ෂේත්‍රයේ අවිවාදිත ප්‍රමුඛයා ලෙස සිය ස්ථානය තවදුරටත් ශක්තිමත් කරමින්, ශ්‍රී ලංකාවේ අංක 1 සාමාන්‍ය රක්ෂණකරු ලෙස SLIC General සියලු‍ අංශවල තම නායකත්වයද තවදුරටත් ශක්තිමත් කරයි. SLICGL Digital යෙදුම දැන් App Store සහ Google Play Store  වෙතින් ඩවුන්ලෝඩ් කරගත හැකිය.