IMG-LOGO

2025 මැයි මස 06 වන අඟහරුවාදා


බලශක්ති ඩිජිටල්කරණය කිරීමේ ගමන ඇරඹෙයි

ඩිජිටල් ආර්ථික නියෝජ්‍ය ඇමැති එරංග වීරරත්න


 

තිරසාර සංවර්ධනය සහ ආර්ථික වර්ධනය සඳහා බලශක්තිය සහ තාක්ෂණය ඒකාබද්ධ කරමින් රට ඩිජිටල්කරණය ඔස්සේ බලගැන්වූ ජාතියක් බවට පරිවර්තනය කිරීම සඳහා ශ්‍රී ලංකා රජය විසින් මේ වනවිට පුළුල් දැක්මක් එළිදක්වා තිබේ. සියලු‍ දෙනා ඇතුළත් වන සහ සමෘද්ධිමත් ආර්ථිකයක් නිර්මාණය කිරීම සඳහා ඩිජිටල්කරණය සහ පුනර්ජනනීය බලශක්ති නවෝත්පාදන උපයෝගී කර ගනිමින් ගෝලීය මට්ටමින් ශ්‍රී ලංකාව ඔසවා තැබීම මෙහි අරමුණයි.
රටේ ඩිජිටල් අනාගතය පිළිබඳව අවධානය යොමු කිරීමේදී පෙනීයන්නේ, මෙම පරිවර්තනය හුදෙක් පහසුව සඳහා පමණක් නොව ශ්‍රී ලාංකිකයන් ජීවත් වන, වැඩ කරන සහ තාක්ෂණය සමඟ සම්බන්ධ වන ආකාරයේ මූලික වෙනසක් සිදුකරන්නක් බවයි. ඒ අනුව රජයේ ඩිජිටල්කරණ දැක්ම මූලික උපාය මාර්ගය කුලු‍නු තුනක් මත ගොඩනගා තිබේ, ඒ අනුව ඩිජිටල් පොදු යටිතල පහසුකම් (DPI), ඩිජිටල් සාක්ෂරතාව, ඩිජිටල් පාලනය සහ විද්‍යුත් සේවා යන ප්‍රධාන සාධක තුන ඔස්සේ ඩිජිටල්කරණ ක්‍රියාවලිය මූලික වශයෙන් සිදු වේ.
ඒ සඳහා රජයක් වශයෙන් පළමුවෙන්ම සිදු කළ යුත්තේ ඩිජිටල් ආර්ථිකයක කොඳු නාරටිය ගොඩනැගීමයි.ශ්‍රී ලංකාව ඩිජිටල් ආර්ථිකයක් කරා පරිවර්තනය කිරීමේ කාර්‍ය සඳහා ශක්තිමත් ඩිජිටල් පොදු යටිතල පහසුකම් (DPI), පද්ධතියක පැවැත්ම අත්‍යවශ්‍යවන අතර සියලු‍ම පුරවැසියන්ට වේගවත්, විශ්වාසදායක සහ දැරිය හැකි මුදලකට ඩිජිටල් සේවා වෙත ප්‍රවේශ වීමේ අවස්ථාව ගොඩනැගීම වෙනුවෙන් වර්තමාන ආණ්ඩුව විසින් අධිවේගී Broadband, Cloud තාක්ෂණය සහ Data centers සඳහා වැඩි වශයෙන් ආයෝජන සිදුකරමින් සිටියි. එමඟින් තාක්‍ෂණය මත පදනම් වූ ආර්ථිකයක් වෙනුවෙන් අඩිතාලම සැකසෙන අතරම ව්‍යාපාරවලට මෙන්ම සහ තනි පුද්ගලයන්ට ද ගෝලීය වශයෙන් බද්ධ වූ ආර්ථික පරිසරයක් වෙත පරිවර්තනය වීමේ අවකාශය ලබාදීම අපේක්ෂා කරයි.
බලශක්ති ඩිජිටල්කරණය කිරීමේ පරිවර්තනීය ව්‍යාපෘතියට ආරම්භක පියවර තබමින් මහජන සේවා නවීකරණය කිරීම අරමුණු කරගත් ඩිජිටල් පාලනයක් සහ ඊ-සේවා ඔස්සේ කාර්යක්ෂමතාව, විනිවිදභාවය සහ මහජන ප්‍රවේශය සහිත ඩිජිටල් අවකාශයක් නිර්මාණය කිරීමට රජය මේ වනවිට සැලසුම් කරමින් තිබේ. එමඟින් පුරවැසියන්ට රාජ්‍ය සේවා සමඟ බාධාවකින් තොරව ගනුදෙනු කිරීමට ඉඩ සැලසෙන අතරම, නිලධාරිවාදය අවම කර සමස්ත සේවා සැපයීමේ ක්‍රියාවලිය කාර්‍යක්ෂම කරනු ඇත.
රට පුරා broadband සම්බන්ධතා පුළුල් කිරීම සඳහා ලංකා විදුලිබල මණ්ඩලයේ (CEB) පවතින යටිතල පහසුකම් සහ එහි ෆයිබර්-ඔප්ටික් ජාලය, බෙදාහැරීමේ කුලු‍නු උපයෝගී කර ගැනීමට ද රජය බලාපොරොත්තු වේ. එමඟින් රට පුරා සියලු‍ ප්‍රදේශ ආවරණය වන පරිදි ඩිජිටල් සාක්ෂරතාව සහ ඩිජිටල් භාවිතය වර්ධනය කිරීමත්, සියලු‍ම පුරවැසියන් ඩිජිටල් ආර්ථිකයට සක්‍රීයව දායක කරගැනීමත් අරමුණු වේ.
බලශක්ති පරිවර්තනයෙන් ඩිජිටල් අනාගතය බලගැන්වීමේ දී මූලික වශයෙන් ඩිජිටල් ආර්ථිකයේ සාර්ථකත්වය එහි බලශක්ති අංශයේ නවීකරණය සමඟ සමීපව බැඳී තිබෙන බව වර්තමාන රජය හඳුනාගෙන ඇත.ඒ අනුව තිරසාර බලශක්ති පද්ධතියක් සහ ඩිජිටල් පරිවර්තනයක් වෙනුවෙන් විදුලිබල හා බලශක්ති අමාත්‍යාංශය සමඟින් ඩිජිටල් ආර්ථික අමාත්‍යාංශය ඒකාබද්ධව මෙම පරිවර්තනීය වෙනස උදෙසා කටයුතු කරමින් තිබේ.
ඩිජිටල් සේවා සඳහා ස්ථාවර හා කාර්යක්ෂම බල සැපයුමක් ලබාදෙන Smart Connection, පුනර්ජනනීය බලශක්ති විසඳුම් සහ බලශක්ති ගබඩා තාක්ෂණය සංවර්ධනය කිරීම මෙම ව්‍යාපෘතියට ආරම්භයක් ලබාදෙමින් සිදුකිරීමට නියමත අතර Smart Cities, electric mobility වැනි නැගී එන ඩිජිටල් කර්මාන්ත වඩාත් සක්‍රීය කිරීම සඳහා ඉතා වැදගත් වනු ඇත.
ඩිජිටල් ආර්ථික සැලැස්මේ ප්‍රධාන කොටසක් ලෙස, 2030 වන විට ළඟාකරගත යුතු ප්‍රධාන ඉලක්ක අතර ග්‍රාමීය සහ අඩු පහසුකම් සහිත ප්‍රදේශවලට broadband සේවා ප්‍රවේශ වීමේ ධාරිතාව පුළුල් කිරීම,පොදු සේවා සහ යටිතල පහසුකම් සඳහා ස්මාර්ට් තාක්ෂණය ඒකාබද්ධ කිරීම,ඩිජිටල් සහ බලශක්ති තාක්ෂණයෙහි පෞද්ගලික අංශයේ ආයෝජන දිරිමත් කිරීම යන කාර්ය ප්‍රමුඛ තැනක් ගනියි.
රජයේ මෙම දැක්ම හුදෙක් වර්තමාන ආණ්ඩුවට පමණක් තනිව සාක්ෂාත් කරගත නොහැකි අතර රාජ්‍ය අංශය, පෞද්ගලික අංශය, විෂය ප්‍රවීණයන් සහ පුරවැසියන් යන සියලු‍ පාර්ශවවල සහයෝගීත්වයෙන් සපුරාගත ගතයුතු ඉලක්කයකි.
“බලශක්ති තාක්ෂණය සහ ස්මාර්ට් විසඳුම් සංවර්ධනය කිරීමේදී පෞද්ගලික අංශයේ කාර්යභාරය අත්‍යවශ්‍යයි, මේ නිසා ශ්‍රී ලංකාව ඩිජිටල් සහ බලශක්ති පරිවර්තනයේ ප්‍රමුඛයා බවට පත්වන අනාගතයක් ගොඩනැගීම සඳහා ව්‍යාපාර සහ ව්‍යවසායකයන්ට මෙම වැඩපිළිවෙළ සමඟ එක්වන ලෙස විවෘත ආරාධනා කර සිටිනවා.” ඩිජිටල් ආර්ථික නියෝජ්‍ය අමාත්‍ය එරංග වීරරත්න මහතා මේ සම්බන්ධයෙන් අදහස් දක්වමින් පෙන්වා දුන්නේය.



අදහස් (0)

බලශක්ති ඩිජිටල්කරණය කිරීමේ ගමන ඇරඹෙයි

ඔබේ අදහස් එවන්න

 

 
 

ව්‍යාපාරික විත්ති

දිගුකාලීන ආර්ථික වර්ධනයකට අඛණ්ඩව ප්‍රතිසංස්කරණ අවශ්‍යයි
2025 මැයි මස 06 23 0

කලාපීය ආර්ථිකය ශක්තිමත් ස්ථානයක සිට තවත් ඉදිරියට ගමන් කරමින් සිටියත් ඉදිරියේදී ඇතිවිය හැකි අවිනිශ්චිතා බොහෝයි වත්මන් තත්වය පිළිබඳව කලාපයට සෑහීමකට


ලංකාවේ ආයෝජනයට වියට්නාමයේ වින්ගෲප් සමූහයට ජනපතිගෙන් ඇරියුම්
2025 මැයි මස 06 43 0

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා වියට්නාමයේ වින්ගෲප් (Vingroup) සමූහ ව්‍යාපාරයේ ඉහළ කළමනාකාරීත්වය හමුවී සාකච්ඡා පැවැත්වී


අප්‍රේල් මාසයේදී මහ බැංකුව ඩො.මි. 160 ක් මිලට අරන්
2025 මැයි මස 06 55 0

ශ්‍රී ලංකා මහ බැංකුව පසුගිය අප්‍රේල් මාසයේදී මෙරට මූල්‍ය වෙළෙඳපොළෙන් ඇමෙරිකානු ඩොලර් මිලියන 160 ක ඩොලර් ප්‍රමාණයක් මිලදී ගෙන ඇතැයි නවතම දත්ත වාර්තා පෙ


කොටස් ගනුදෙනු අද පැය තුනකට පමණයි
2025 මැයි මස 06 13 0

අද (06) දිනයේදී පැවැත්වෙන පළාත් පාලන මැතිවරණය හේතුවෙන් කොළඹ කොටස් හුවමාරුවේ ගනුදෙනු පැය තුනකට සීමා වන බව එම හුවමාරුව පවසයි. ඒ අනුව පෙරවරු 9.30ට ආරම්භ කෙරෙන


එමිරේට්ස් ශ්‍රී ලංකා සංචාරක ප්‍රවර්ධන කාර්යාංශය සමග හවුල්කාරීත්වය දීර්ඝ කරයි
2025 මැයි මස 06 20 0

ශ්‍රී ලංකාවේ සංචාරක කර්මාන්තය තවදුරටත් සංවර්ධනය කිරීම අරමුණු කරගනිමින් එමිරේට්ස් හා ශ්‍රී ලංකා සංචාරක ප්‍රවර්ධන කාර්යාංශය (SLTPB) ඔවුන්ගේ හවුල්කාරීත්ව


හේලීස් රු.බි. 7ක ණයකර නිකුතුවට අධිදායකත්වයක්
2025 මැයි මස 06 18 0

කොළඹ කොටස් හුවමාරුවේ ලැයිස්තුගත හේලීස් පීඑල්සී සමාගම රුපියල් බිලියන 7ක් රැස් කරගැනීම සඳහා සිදු කළ ණයකර නිකුතුවට අධි දායකත්වයක් හිමි වූ බව පවසයි. ඊයේ (05)


මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 750 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 192 1
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1234 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site