නිමල කොඩිතුවක්කු
 පශ්චාත් දිට්වා සුළි කුණාටු ප්‍රතිසංස්කරණ හා ජීවනෝපාය සහය ව්‍යාපෘතිය ‘ ක්‍රියාත්මක කිරීම සඳහා කැබිනට් අනුමැතිය හිමිව තිබේ.
‘ පශ්චාත් දිව්වා සුළි කුණාටු ප්‍රතිසංස්කරණ හා ජිවනෝපාය සහය ව්‍යාපෘතිය‘ ක්‍රියාත්මක කිරීම සඳහා ණය පහසුකමක් ලබා ගැනීම වෙනුවෙන් ආසියානු සංවර්ධන බැංකුව සමග සාකච්ඡා පැවැත්වීම පිණිස 2026-06-15 දින පැවති අමාක්‍ය මණ්ඩල රැස්වීමේදී අනුමැතිය ලබා දී ඇත. ඒ අනුව, පවත්වනු ලැබ ඇති සාකච්ඡා මත පදනම්ව, අදාළ ණය පහසුකම යටතේ ආසියානු සංවර්ධන බැංකුවේ සහනදායී සාමාන්‍ය ප්‍රාග්ධන සම්පත් වෙතින් ඇමෙරිකානු ඩොලර් මිලියන 100ක් සහ නිත්‍ය සාමාන්‍ය ප්‍රාග්ධන සම්පත් වෙතින් ඇමෙරිකානු ඩොලර් මිලියන 100 ක් ලබා ගැනීමට නියමිතව තිබේ. 
සුළි කුණාටුව හේතුවෙන් හානි වූ මාර්ග යටිතල පහසුකම් පුනරුත්ථාපනය හා ප්‍රතිසංස්කරණය කිරීම, හානි වූ වාරිමාර්ග පද්ධති යථා තත්ත්වයට පත් කිරීම සහ බල සෑමට ලක් වූ පවුල්වල ජීවනෝපාය සහ නිවාස යථා තත්වයට පත් කිරීම යන ප්‍රධාන සංරචක 03 සඳහා එම ණය පහසුකම යොදා ගැනීමට සැලසුම් කර ඇත. ඒ අනුව, එකී මූල්‍ය පහසුකම ආසියානු සංවර්ධන බැංකුව වෙතින් ලබා ගැනීම සඳහා අදාළ මූල්‍ය ගිවිසුම් වලට එළඹීම පිණිස මුදල්, ක්‍රම සම්පාදන සහ ආර්ථික සංවර්ධන අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.