සටහන හා ඡායාරූප, කළුතර සුනිල් එස් තන්ත්‍රිආරච්චි 

කළුතර එක්සත් වෙළෙඳ හා කර්මාන්ත හිමියන්ගේ සංගමයේ ප්‍රජා සත්කාරයක් ලෙස ‘පොඩ්ඩන්ට සවියක් ”‍ යන තේමාව යටතේ කළුතර ප්‍රදේශයේ අඩු ආදායම්ලාභී පවුල්වල දරු දැරියන් 150 දෙනකුට පාසැල් උපකරණ හා පාසැල් බෑග් ලබා දීමේ වැඩසටහනක් ඉකුත් 29 වැනිදා උතුරු කළුතර හොරණ පාරේ ”‍ සුන්දර ”‍ උත්සව ශාලාවේදී පැවැත්විණි.
සර්ව ආගමික පූජකතුමන්ලාගේද සහභාගිත්වයෙන් පැවැති මෙම උත්සවයේදී සංගමයේ සභාපති රංග මනෝජ්, ලේකම් මහේන්ද්‍ර පෙරේරා යන මහත්වරුන් අතින් තිළිණ ප්‍රදානය කළ ආකාරය ඡායාරූපවලින් දැක්වේ සංගමයේ සාමාජික දුලිප් තිලකරත්න මහතාද ඡායාරූපයේ සිටී.
මෙහිදී තිළිණ ලැබූ සිසු සිසුවියන්ද, උත්සවයට සහභාගිවූ පිරිසද මෙම සත්කාරයට දායකවූ සංගමයේ සාමාජිකයන්ද සෙසු ඡායාරූපවලින් දැක්වේ.