IMG-LOGO

2025 මැයි මස 10 වන සෙනසුරාදා


අපට ඕනෑ ව්‍යවසායකයන් මිස මුදලාලිලා නෙමේ

                                              

(සඳලංකාව - හේමලතා ඩී හේවගේ)                                               

‘‘මම හිතන්නේ රටක දියුණුවට හා ආර්ථික දියුණුවට රටේ දේශපාලන ස්ථාවරත්වය අත්‍යවශ්‍යයි. එතකොට තමයි ආර්ථිකය ස්ථාවර වෙන්නේ. මොකද පසුගිය කාලයේ වාගේ නිතරම වෙනස්වන ආර්ථික ප්‍රථිපත්ති රටක  තිබිය යුතු නැහැ. අඩු තරමින් වසර හතර, පහකට හරියන ස්ථිර, ස්ථාවර ආර්ථික ප්‍රථිපත්ති තියෙන්න ඕනෑ. එතකොට තමයි රටේ ඉන්න ඔනෑම කෙනෙකුට තමන්ගේ ව්‍යාපාර ඇතුඵ අනෙකුත් කටයුතු නිදහසේ කරගෙන යන්න අවස්ථාව සැලසෙන්නේ”යැයි  මහජන බැංකුවේ සභාපති සුජීව රාජපක්ෂ මහතා පැවසීය.
     
ඒ මහතා මෙලෙස පැවසූවේ  නාත්තන්ඩිය මහජන බැංකු ශාබාව යටතේ පාලනයවන වැලිපැන්නගහමුල නගරයේ ඒ.ටී.එම්. යන්ත්‍රයක් ඇතුඵ ගණුදෙනුකරුවන් වෙනුවෙන් පහසුකම් රැසක් සමග ඉදිකල නව මහජන බැංකු සේවා මධ්‍යස්ථානය විවෘත කිරීමේ උත්සව අවස්ථාවට සහභාගිවෙමිණි.
    
එහිදී වැඩිදුරටත් අදහස් දක්වමින් රාජපක්ෂ මහතා මෙසේද කීය.
 
‘‘ඉදිරි වසර 5 ඇතුලත අනිවාර්යෙන්ම මේ රට ඉදිරියට ගෙනහිල්ලා රටේ ආර්ථික වර්ධන වේගය 6%ක්  නැත්නම් 6.5%ක් කරන්න අපි දන්නවා. මීට වසර පහකට, හයකට ඉස්සෙල්ලා රටේ ආර්ථික වර්ධන වේගය 2%ටත් වඩා අඩු ප්‍රමාණයක තිබුණේ. ඇෆ්ගනිස්ථානය කියන රටටත් පහළින්. නමුත් දැන් අපි ඇතුළුව ගරු ජනාධිපතිතුමා, අගමැතිතුමා ඇතුඵ සියල්ලන්ගේම අවශ්‍යතාවය, අධිෂ්ඨානය වෙලා තියෙන්නේ මේ රට 6.5%ක ආර්ථික වර්ධන වේගයත්, ඩොලර් 6000 ක ඒක පුද්ගල ආදායමක් කරා ගමන් කරන්න. ඒ වාගේම විශාල ආයෝජකයින් ප්‍රමාණයක් අපේ රටට ගෙන්වා විශේෂ වැඩකොටසක් කරන්න. ජනාධිපතිතුමාගේ සෞභාග්‍ය දැක්ම වැඩසටහන යටතේ රටේ කෘෂිකාර්මික ආර්ථිකයට, රටේ කාර්මාන්තවලට විශේෂ තැනක් දෙනවා.
 
මේ රට ගොඩගන්න පුඵවන් එක අංශයක් තමයි කෘෂිකාර්මික අංශය. අපි දන්නවා මහජන බැංකුව හැටියට පසුගිය කාලයේ අස්වැන්න කියලා ණය යෝජන ක්‍රමයක් අපි ඉදිරිපත් කළා. මේ ණය යෝජනා ක්‍රමයෙන් අපි කෘෂිකර්මයට, පශුසම්පත් කාර්මාන්තයට, ධීවර කාර්මාන්තයට මේ වනවිට බිලියන එකකට ආසන්න ණය ප්‍රමාණයක් ණය දීලා තියෙනවා.

මේ ප්‍රදේශයේ ජීවත්වන වැඩි පිරිසක් මම හිතන්නේ කෘෂිකාර්මික ජීවනෝපායක් ගෙනියන්නේ. ඔබතුමාලා, ඔබතුමියලා කරුණාකරලා මේ ණය සහණ වලින් ප්‍රයෝජන ගන්න. මේ ණය තමන්ගේ ව්‍යාපාර දියුණුකරගන්න සහන පොලී අනුපාත යටතේ තමයි ඔබට ලබාදෙන්නේ.
 
අපිට අවශ්‍ය වෙලා තියෙන්නේ ව්‍යවසායක ගොවියන්, ව්‍යවසායක ධීවරයන්, ව්‍යවසායක පශු සම්පත් හිමිකරුවන් වගේ අය බිහිකිරීමයි. අපිට මුදලාලිලා බිහිකිරීම නෙමෙයි මෙතනදී අවශ්‍ය වෙන්නේ. ඒකට තමයි ප්‍රමුබ පෙලේ රාජ්‍ය බැංකුවක් විදිහට අධිෂ්ඨානයෙන් යුතුව කටයුතු කරන්නේ.

අපි පසුගිය මාස හය තුල  ලක්ෂ 04 කට වඩා වැඩි ගණුදෙණුකරුවන් ප්‍රමාණයකට  විවිධ ණය යෝජනා ක්‍රම යටතේ සහන ණය දුන්නා. ඒවාගේම විශාල ප්‍රමාණයකට හයමාසෙක ණය සහන ලබාදෙමින් කපපු වාරික නැවත අපි ලබාදුන්නා. ඉදිරියේදී විශ්ව විද්‍යාල සිසුන් 15000 කට පමණ ලැප්ටොප් පරිඝණක දෙන්න අපි ලෑස්තිකරගෙන ඉන්නවා. ගුරුවරුන්ටත් ලැප්ටොප් පරිඝණක දෙන්න බලාපොරොත්තුවෙන් ඉන්නවා.   

මේ රටේ ප්‍රවාහන පද්ධතිය සඳහා ඉදිරියේදී කාඩ් එකක් නිකුත් කරනවා. අපි කාටත් ඒක ගන්න ඕනෑ බස් රථයකට නගිනවා නම්. ඒ කාඩ් එකේ සම්පූර්ණ මුදල් සම්බන්ධව ගණුදෙණු කරන්නේත් මහජන බැංකුව.
 
අපි පසුගියකාලේ සහයෝගිතා ගිවිසුම් ඇතිකළා. ඔය කාර්මික සංවර්ධන මණ්ඩලයත් සමග ඔබතුමාලා කර්මාන්ත කරනවානම් එතනට ගිහිල්ලා ඒ සියඵම මූලික වැඩකොටස නොමිලේ කරගන්න පුඵවන්. ඊට පස්සේ ඒ අදාළ ලියකියවිලිත් සමග මහජන බැංකුවට එන්න පුඵවන්.

මහජන බැංකුවෙන් එතකොට තමන්ගේ වැඩ 80%ක් කරලා ඉවරයි. ඉතිරි 20% කරගන්න ණය දෙන්න අපි සෑදීපැහැදී ඉන්නවා.

මේ රටේ විශාල කළාකරුවන් ප්‍රමාණයක් ඉන්නවා. කොරෝනා වසංගතය නිසා ඔවුන්ගේ ජීවනෝපාය විශාල ලෙස පහත වැටුණා. ඔවුන්ට  4% අඩු පොලී අනුපාතය යටතේ විශාල ණය ප්‍රමාණයක් අපිට දෙන්න හැකිවුණා. නමුත් මෙතනදී අපි දන්නවා විශ්‍රාමික ප්‍රජාවට යම් ගැටඵවක් මතුවෙනවා. මොකද 10% අඩු පමාණයක ණය පොලිය පවත්වාගෙන යනවා කියන්නේ අනිවාර්යෙන් තමන්ගේ ඉතුරුම් වලටත් ලැබෙන පොලී මුදල් ප්‍රමාණය යම්තාක් දුරට අඩුවීමක් සිදුවෙනවා.  ඒකට රජය ඉදිරියේදී ඉතාමත් සුබවාදී වැඩපිළිවෙලක් සකස්කරනවා යැයිද සුජීව රාජපක්ෂ මහතා පැවසීය.

මෙම අවස්ථාවට මහජන බැංකු  ජ්‍යෙෂ්ඨ නියෝජ්‍ය සමාන්‍යාධිකාරි කේ.පී. රාජපක්ෂ, සහකාර සාමන්‍යාධිකාරි ශාබා කළමණාකරන ආර්. රවිකරන්, සහකාර සාමන්‍යාධිකාරි අලෙවිකරන ඒ.වී. අන්සාර්, සහකාර ප්‍රදේශීය කළමණාකාරිනී මහේෂා සිරිමාන්න, නාත්තන්ඩිය මහජන බැංකු ශාබාවේ කළමණාකරු මැක්සි පෙරේරා, නාත්තන්ඩිය සහකාර ප්‍රාදේශීය ලේකම් ඩී.එම්.ආර්.සී. දසනායක යන මහත්ම මහත්මීහු හා රජයේ නිලධාරිහු ඇතුඵ ගනුදෙණුකරුවන් පිරිසක් සහභාගි වී සිටියහ.



අදහස් (0)

අපට ඕනෑ ව්‍යවසායකයන් මිස මුදලාලිලා නෙමේ

ඔබේ අදහස් එවන්න

 

 
 

ව්‍යාපාරික විත්ති

නව රැකියා - පෞද්ගලික අංශයේ වර්ධනයට ලෝක බැංකුවෙන් ඩොලර් බිලියනයක සහාය
2025 මැයි මස 09 56 0

මෙරට නව රැකියා අවස්ථා ඇති කිරීමටත්, පෞද්ගලික අංශයේ වර්ධනය පුළුල් කිරීමටත් සහාය වීමට ඇමෙරිකානු ඩොලර් බිලියනයක සහායක් ශ්‍රී ලංකාවට ලබාදීමට ලෝක බැංකුව


පළමු කාර්තුවේ අයවැය හිඟය රුපියල් බිලියන 489 ක්
2025 මැයි මස 09 43 0

මෙම වසරේ පළමු කාර්තුවේදී ශ්‍රී ලංකා රජය සැලකිය යුතු අයවැය හිඟයක් වාර්තා කර තිබෙන බවත් එම හිඟය රුපියල් බිලියන 489 ක් බවත් මුදල් අමාත්‍යංශය පසුගියදා නිකුත


සමෘද්ධි ප්‍රජාමූල බැංකු රජයේ විගණනයට
2025 මැයි මස 09 20 0

සමෘද්ධි ප්‍රජාමූල බැංකු හා සමෘද්ධි ප්‍රජා මුල බැංකු සමිති රජයේ විගණනයට යටත් කිරීමේ සංශෝධන පාර්ලිමේන්තුවට ඉදිරිපත් කිරීමට කැබිනට් අනුමැතිය ලැබී ඇත.


මන්නාරමේ ඛනිජතෙල් ගවේෂණයට ආයෝජන යෝජනා කැඳවීමට අනුමැතිය
2025 මැයි මස 09 44 0

මන්නාරම් ද්‍රෝණියේ ගවේෂණ බිම් කොටස් හතරක ඛනිජතෙල් හා ස්වාභාවික වායු ගවේෂණය සහ නිෂ්පාදනය සඳහා ආයෝජන යෝජනා කැඳවීම සහ අලෙවිකරණ උපදේශකයකුගේ සේවය ලබා ගැන


විනිමය පත්‍ර ආඥාපනතට සංශෝධන
2025 මැයි මස 09 15 0

විනිමය පත්‍ර ආඥාපනත සඳහා වූ සංශෝධන සඳහා කැබිනට් අනුමැතිය ලැබී තිබේ.


ප්‍රමුඛතා සම්ප්‍රේෂණ සංවර්ධන ව්‍යාපෘති මාලාවකට ලෝක බැංකු- ADB සහාය
2025 මැයි මස 09 16 0

ලංකා විදුලිබල මණ්ඩලය විසින් සකස් කරන ලද 2023-2032 දිගුකාලීන සම්ප්‍රේෂණ සැලැස්ම යටතේ හඳුනාගනු ලැබ ඇති ඉහළ ප්‍රමුඛතා සම්ප්‍රේෂණ සංවර්ධන ව්‍යාපෘති මාලාවක් ක


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 493 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1358 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 349 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site