මෙරට නිවාස සංකීර්ණ ව්‍යාපෘති අතර සුවිශේෂ ස්ථානයක් හිමි කර ගන්නා Westbury Residencies මහල් නිවාස සංකීර්ණය නිල වශයෙන් විවෘත කිරීම සහ නිවාස ඒකක හිමිකරුවන්ට භාර දීම පසුගියදා සිදු විය. විශිෂ්ට අයුරින් සැලසුම් කළ මහල් නිවාස ඒකක 36කින් සමන්විත වන එය මෙරට දේපොළ වෙළෙඳාම් ක්ෂේත්‍රයේ සුවිශේෂ සන්ධිස්ථානයකි. 

මෙම නිවාස සංකීර්ණයේ ඉදි කිරීම් 2017දී ඇරැඹුවේ වෙනත් දේපොළ වෙළෙඳාම් සමාගමකි. අනපේක්ෂිත ලෙස උද්ගත වූ තත්වයක් නිසා එහි ඉදි කිරීම් අතරමග නවතා දමා තිබූ අතර නිවාස මිල දී ගැනීමට ආයෝජන කළ 17කට ආසන්න පිරිසක් දැඩි අසරණභාවයකට පත් වී සිටියහ. එසේ නවතා දැමූ ව්‍යාපෘතිය නැවත ඇරැඹීමට ශ්‍රී ලංකාවේ උපත ලබා එක්සත් රාජධානියේ ජීවත් වන දේපොළ වෙළෙඳාම් සංවර්ධකයකු වන මුහේස් මුසම්මිල් මහතා 2023දී කටයුතු කිරීම ඊට ආයෝජනය කළ පිරිසට විශාල සහනයක් විය. තමන් නියෝජනය කරන ක්ෂේත්‍රය වෙනුවෙන් ඉටු කළ යුතු වගකීම මැනවින් හඳුනා ගත් ඔහු ශ්‍රී ලංකාවේ ස්ථිර පදිංචියට පැමිණියේ Westbury Residencies ව්‍යාපෘතිය නැවත ඇරැඹීමේ අරමුණෙනි. එතැන් සිට දෙවසරකින් ව්‍යාපෘතිය අවසන් කළ ඔහු එය නාගරික ප්‍රදේශයක පිහිටි තිරසාර සහ නිසංසල නිවාස සංකීර්ණයක් බවට පත් කළේය.

එම ව්‍යාපෘතිය හරහා ඉංජිනේරුවන්, ගෘහ නිර්මාණ ශිල්පීන්, තාක්ෂණික හා සහාය කාර්ය මණ්ඩලය ඇතුළු 100කට අධික ශ්‍රී ලාංකිකයන්ට රැකියා හිමි විය. ව්‍යාපෘතිය අතරමග නැවතීම නිසා ඔවුන්ට රැකියා අහිමි වී තිබිණි. ව්‍යාපෘතිය සාර්ථක කර ගැනීමට මුහේස් මහතාගේ නායකත්වය විශාල රුකුලක් විය. “පළමුවෙන්ම සැලසුම් කළ ව්‍යාපෘතියේ අනන්‍යතාව රැක ගන්න අප කටයුතු කළා. එවැනි ව්‍යාපෘතියක කොටස්කරුවකු වීමට ලැබීම මට ආඩම්බරයට කාරණයක්.” ඔහු පැවසීය. නිසංසලභාවය සහ සුඛෝපභෝගී ජීවන රටාව එකට කැටි කළ Westbury Residencies මෙරට නාගරික ජීවිතයේ අනාගතය පිළිබිඹු කරයි. Bloombird Real Estate මව් සමාගමේ නවතම ව්‍යාපෘතිය වන Westbury UrbanSide මේ වන විට කළුබෝවිල අරඹා ඇත.