Huawei සිය, පාරිභෝගිකයන්ට වාසි රැසක් ලබා දෙමින්, දිවයින පුරා පිහිටි සේවා මධ්‍යස්ථාන තුළ Huawei Service Carnival දියත් කර ඇත. මේ වන විටත් Huawei Service Carnival ආරම්භ වී ඇති අතර එය සැප්තැම්බර් 30 වැනිදා දක්වා ක්‍රියාත්මක බව එම සමාගම කියයි.

මෙවර Huawei Service Carnival හරහා ස්මාර්ට් උපාංග අමතර කොටස් සඳහා සියයට 50 ක් දක්වා වූ සුවිශේෂී වට්ටම් සහ දීමනා, බැටරි රීප්ලේස්මන්ට් සඳහා පහසු මිල ගණන් සමඟින් වගකීමක්, නොමිලයේ ලබාදෙන ක්ලීන්අප් සේවා ඇතුළුව පාරිභෝගිකයාට තෑගි දිනාගැනීම සඳහා වූ විශේෂ වැඩසටහන්ද ක්‍රියාත්මක යැයි එම සමාගම සඳහන් කරයි. තවද, මෙවර වැඩසටහන හරහා තෝරාගත් අමතර කොටස් ප්‍රතිස්ථාපනය කිරීමේදී සියයට 50 දක්වා වට්ටම්වලට අමතරව සුවිශේෂී දින 90ක වගකීම් කාලයක් ලබා දීම සඳහා සමාගම කටයුතු කරයි.

දිවයින පුරා විසිරුණු සියලු‍ම සේවා මධ්‍යස්ථානවලින් Huawei පාරිභෝගිකයන්ට ඔවුන්ගේ ස්මාර්ට් දුරකථන, ටැබ්ලට්ස් ඇතුළු උපාංග සේවා මධ්‍යස්ථාන වෙත රැගෙන ගොස්, නොමිලයේම ඒවායේ තත්ත්වයන් පරීක්ෂා කර ගැනීමට ද අවස්ථාව හිමිවේ. තවද, අලුත්වැඩියා කිරීම සඳහා ඔවුන්ගේ Huawei උපාංග රැගෙන යන පාරිභෝගිකයන්ට නොමිලේ පිරිසුදු කිරීමේ හා විෂබීජනාශක සේවාවක් ද සැපයේ. මෙම පිරිසුදු කිරීමේ හා විෂබීජනාශක සේවාව සියලු‍ම Huawei ස්මාර්ට් ෆෝන්, ටැබ්ලට්, ලැප්ටොප්, ස්මාර්ට් Watch සහ FreeBuds සඳහා නොමිලේ ලබාගත හැකිය.