ශ්‍රී ලංකාවේ ප්‍රමුඛ පෙළේ විශ්වසනීය  දේපළ වෙළෙඳාම් සන්නාමය වන හෝම්ලෑන්ඞ්ස් සමූහය විසින් පසුගියදා සිය නිල සන්නාම තානාපතිවරයා ලෙස  ලෝක ප්‍රකට  සූපවේදියකු මෙන්ම  අවන්හල් හිමිකරුවකු වන පීටර් කුරුවිට  මහතා පත් කර ගනු ලැබීය.
හෝම්ලෑන්ඞ්ස් සමූහය දේශීය වෙළෙඳපොළ පමණක් නොව, ගෝලීය වේදිකාව ද ජය ගත් ශ්‍රී ලාංකික  සන්නාමයකී. විශ්වාසය, නවෝත්පාදනය සහ විශිෂ්ටත්වය ඔස්සේ පැහැදිලි දැක්මක් සහ සවිමත් වටිනාකම් සමඟ  හෝම්ලෑන්ඩ්ස්  විසින් දේපල වෙළෙඳාම් කර්මාන්තය වෙත  මනා නායකත්වයක් සපයනු ලබයි. සිය සූප ශාස්ත්‍රීය කුසලතා සහ නිර්මාණශීලිත්වය ඔස්සේ  ශ්‍රී ලාංකීය සංස්කෘතිය සහ ආහාර කලාව ජාත්‍යන්තරයට රැගෙන ගිය පීටර් කුරුවිට මහතා සමග ආරම්භ කළ මෙම සුවිශේෂී සහයෝගීතාවෙන් ශ්‍රී ලංකාවේ අනන්‍යතාව ලෝකය සමග බෙදා ගැනීම කෙරෙහි  හෝම්ලෑන්ඞ්ස් සතු අභිලාෂ  මැනවින් ඉස්මතු වේ.
මේ පිළිබඳ අදහස් දක්වමින් හෝම්ලෑන්ඩ්ස් සමූහයේ සභාපති නලින් හේරත් මහතා මෙසේ ප්‍රකාශ කළේය. ”‍පීටර් කුරුවිට මහතා  සූප ශාස්ත්‍රය  පිළිබඳ විශේෂඥයෙක්  පමණක් නොවේ. ඔහු ඉන් ඔබ්බට ගමන් කළ නිර්මාණශීලී කතන්දරකරුවෙක්, සංස්කෘතීන් අතර සවිමත් පාලමක් මෙන්ම ශ්‍රී ලාංකික උරුමය ලොවටම ප්‍රදර්ශනය කරන  සැබෑ තානාපතිවරයෙක්. ඔහුගේ ගෝලීය සංචාරයන් ඔස්සේ ඔහු ගොඩනගාගෙන ඇති ජාත්‍යන්තර  සබඳතා  සහ ශ්‍රී ලංකාව සමග ඇති ගැඹුරු සම්බන්ධතාව ඔස්සේ ඔහු හෝම්ලෑන්ඩ්ස් නියෝජනය කිරීමට සුදුසුම පුද්ගල ප්‍රතිරූපය බවට පත්වෙනවා. සැබැවින්ම, ඔහු අපගේ හෝම්ලෑන්ඩ්ස් පවුලට සාදරයෙන්  පිළිගැනීමට ලැබීම අපට  ගෞරවයක්.”‍
පීටර් කුරුවිට මහතා මෙම හවුල්කාරිත්වය සම්බන්ධයෙන් ඔහුගේ අදහස් එකතු කළේ මෙසේය. ”‍ඔබේ උරුමය රැකගනිමින් විශිෂ්ටත්වය වෙත ළඟා වීම සැබෑ සාර්ථකත්වය ලෙස හැඳින්විය හැකිය. හෝම්ලෑන්ඩ්ස් විසින් එය සාක්ෂාත් කරගෙන ඇති අතර එය සමාගමේ සාර්ථකත්වය කෙරෙහි ඉවහල් වී තිබේ. ශ්‍රී ලාංකික අනන්‍යතාවට ජීවය එකතු කරන  නිවාස පමණක් නොව ඉන් ඔබ්බට ගමන් කරමින් අර්ථවත් මෙන්ම පොහොසත් ජීවන රටාවන් ගොඩනැංවීමට නිරන්තරයෙන් කැපවී සිටින සන්නාමයක් සමග අත්වැල් බැඳ ගැනීමට ලැබීම පිළිබඳව මම නිහතමානීව සතුටු වෙනවා .