මෙම සතිය ආරම්භයේ දී කොළඹ කොටස් වෙළෙදපොළ දෛනික ගනුදෙනු ශීඝ්‍රයෙන් වර්ධනය වන පියවර තරමක් සීමාවීමට ඉඩ තිබේ. ලැයිස්තුගත සමාගම් විසි දෙකක කොටස් මිල සති පනස් දෙකක් තුළ ඉහළම අගයට පත්ව ඇති අතර මෙම ප්‍රවණතාව සුළු වශයෙන් වෙනස්වන ස්වභාවයක් නිරීක්ෂණය කළ හැකිය. 

මෙම වසරේ පෙබරවාරි 25 වැනි දා කොටස් වෙළෙදපොළ සියලු කොටස් මිල දර්ශකය 16,500 ඉක්මවූ අතර දැනට පවතින මිලදී ගැනීමේ උන්නදුව පවත්වාගැනීමට සමත්වුවහොත් එම අගය පසුකිරීමට කඩිනම් අවස්ථාවක් ලැබෙනු ඇත. මේ අතර ඒෂියා ඇසෙස්ට් කොටසක් සඳහා ශත හැත්තෑවක ලාභාංශ ප්‍රකාශයට පත් කොට තිබේ. කලම්බු ඉන්වෙස්ට්මන් ට්‍රස්ට් කොටසකට රු. 1.50 ක් හා කලම්බු පෝට් ඉන්වෙස්ට් සමාගම ද කොටසකට රු. 1.50 ක් වශයෙන් ලාංභාශ තීරණය කර ඇත.

කෙසේ වෙතත් ඉකුත් සිකුරාදා (මැයි 16) ගනුදෙනු අවසානයේ දී සියලු කොටස් මිල දර්ශකය ඒකක 16,379.39 ක් වු අතර එය දර්ශක 64.60 ක වර්ධනයකි. එස් ඇන්ඩී පී ශ්‍රී ලංකා දර්ශකය 4,820.67 ක් වශයෙන් අවසන් වූ අතර එය දර්ශක 25.04 ක වර්ධනයක් සේ දැක්විය හැකිය. මෙදින ගනුදෙනු 22,282 ක් වාර්තා වූ අතර සමාගම් 134 ක කොටස් මිල ඉහළ ගියේය. කොටස් මිල පහත වැටුණ සමාගම් ගණන 57 කි. දෛනික පිරිවැටුම රු. මිලියන 3,114.20 කි. 

ජෝන් කීල්ස් හෝල්ඩිං රු. මිලියන 210 ක, සම්පත් රු. මිලියන 124 ක, හැටන් නැෂනල් බැංකුව රු. මිලියන 102 ක, ආගරපතන වැවිලි රු. මිලියන 93 ක, වටවල වැවිලි රු. මිලියන 87 ක, ජොන් කීල්ස් හොටෙල් රු. මිලියන 86 ක, ඩයලොග් රු. මිලියන 82 ක, පෑන් ඒෂියාය බැංකුව රු. මිලියන 75 ක සහ ලජකා ක්‍රෙඩි ට්ඇන්ඩ් බිස්නස් රු. මිලියන 75 ක වශයෙන් කොටස් වැඩිම ප්‍රමාණයකින් හුවමාරු වූ අවස්ථා වශයෙන් දැක්වේ.

නිරීක්ෂක