IMG-LOGO

මූල්‍ය අරමුදලෙන් දෙවැනි ණය වාරිකයට අනුමැතිය

(හර්ෂණ තුෂාර සිල්වා)
 
ශ්‍රී ලංකාවට ලබාදෙන දීර්ඝ කරන ලද ණය සහනයේ ඇමරිකානු ඩොලර් මිලියන 167.2ක දෙවැනි වාරිකය ලබාදීමට ජාත්‍යන්තර මූල්‍ය අරමුදලේ විධායක මණ්ඩලයේ අනුමැතිය හිමි ව තිබේ.

දෙවැනි ණය වාරිකය ලබාදීම සම්බන්ධයෙන් දූත පිරිසක් ඉකුත් මාර්තු මාසයේදී ශ්‍රී ලංකාවේ සංචාරයක නිරත වූ අතර ඔවුන් සැපයූ වාර්තාව සැලකිල්ලට ගනිමින් අන්තර්ජාතික මූල්‍ය අරමුදලේ විධායක මණ්ඩලය මෙම අනුමැතිය ලබා දී තිබේ.

නව දේශීය ආදායම් බදු පනත මූල්‍ය ඒකග්‍රතාවට සහාය දක්වනු ඇතැයි ද බදු පද්ධතිය වඩාත් කාර්යක්ෂම සහ සාධාරණ කරන්නැයි ද සමාජ සහ සංවර්ධන වැඩසටහන් සඳහා මූලාශ්‍ර ජනනය කරන්නැයි ද ජාත්‍යන්තර මූල්‍ය අරමුදල නිවේදනයක් නිකුත් කරමින් සඳහන් කරයි.

විනිමය අනුපාතයේ නම්‍යශීලිතාව වැඩි කිරීමෙන් සහ විදේශ සංචිත ක්‍රමයෙන් වැඩි කිරීමෙන් ශ්‍රී ලංකාවේ විදේශ අංශයේ තිබෙන අනතුරුදායක තත්ත්වය මඟ හරවා ගැනීමට හැකිවනු ඇතැයි ද ජාත්‍යන්තර මූල්‍ය අරමුදල පෙන්වා දී තිබේ.

ඉකුත් වසරේ ජූනි මාසයේදී මාස 36ක් කාලයක් සඳහා අන්තර්ජාතික මූල්‍ය අරමුදල ඩොලර් බිලියන 1.5ක ණය මුදලක් අනුමත කළේය. එහි පළමු වාරිකය ඉකුත් නොවැම්බර් මාසයේදී ශ්‍රී ලංකාවට හිමි වූ අතර මෙවර අනුමත වූයේ එහි දෙවැනි වාරිකයයි. කාර්තු වශයෙන් කෙරෙන නිරීක්ෂණ යටතේ වාරික හයකදී සම්පූර්ණ ණය මුදල ශ්‍රී ලංකාවට හිමිවීමට නියමිතය.

ජාත්‍යන්තර මූල්‍ය අරමුදලේ ඩොලර් බිලියන 1.5ක ණය මුදල ගැනීමට සමාන්තරව පාඩු ලබන රාජ්‍ය ව්‍යවසාය වඩාත් කාර්යක්ෂම කිරීමටත් රාජ්‍ය ව්‍යවසාය තුළ ස්වයංපාලනයක් පවත්වාගෙන යෑමටත් අදාළ ප්‍රතිසංස්කරණවලට මාර්තු මාසයේදී කැබිනට් මණ්ඩලයේ අනුමැතිය හිමි ව තිබිණි.

ණය අරමුදලේ සහාය ඇතිව ශ්‍රී ලංකාව දියත් කරන ලද ආර්ථික වැඩසටහන සම්බන්ධයෙන් සෑහීමකට පත්විය හැකි බව ද සාර්ව ආර්ථික සහ මූල්‍ය තත්ත්ව ස්ථාවර මට්ටමක පවතින බව ද විධායක මණ්ඩල සාකච්ඡාවෙන් අනතුරුව වැඩබලන ප්‍රධානී සහ නියෝජ්‍ය කළමනාකරණ අධ්‍යක්ෂක මිත්සුහිරෝ ෆුරුසුවා මහතා කීය.

 



අදහස් (0)

මූල්‍ය අරමුදලෙන් දෙවැනි ණය වාරිකයට අනුමැතිය

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 451 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 888 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site