භානුක අමරසිංහ

සණස ලයිෆ් රක්ෂණ සමාගමේ (සණස ලයිෆ් ඉන්ෂුවරන්ස් කම්පැනි පීඑල්සී) නව අධ්‍යක්ෂ මණ්ඩල සාමාජිකයකු ලෙස නන්දසිරි පොන්නම්පෙරුම මහතා පත් කරගත් බව එම සමාගම පවසයි. ඒ අනුව 2025 අප්‍රේල් 28 වැනිදා සිට බලාත්මක වන පරිදි ඒ මහතා ස්වාධීන විධායක නොවන අධ්‍යක්ෂවරයකු ලෙස පත් කර තිබේ. 

හිටපු බැංකුකරුවකු වන නන්දසිරි මහතා සතුව මූල්‍ය අංශය තුළ වසර 30කට අධික කාලයක අත්දැකීම් සහිත බව පවසයි. ඒ මහතා අද වනවිට පොන්නම්පෙරුම ඇන්ඞ් කම්පැනි (වරලත් ගණකාධිකාරී) සමාගමෙහි කළමනාකාර හවුල්කරුවා ලෙස කටයුතු කරයි. එසේම ඒ මහතා SOS ළමා ගම්මානයෙහි අධ්‍යක්ෂ මණ්ඩල සභාපතිවරයා ලෙසින්ද කටයුතු කරයි.