භානුක අමරසිංහ

කලම්බු ඩොක්යාඩ් පීඑල්සී සමාගම හිමිකම් නිකුතුවක් සිදු කිරීමට සැලසුම් කර ඇතැයි පවසයි. ඒ අනුව දැනට නිකුත් කර ඇති සෑම ඡන්ද හිමි කොටස් දෙකක් සඳහාම අලු‍තින් කොටස් නවයක් නිකුත් කරන බව සඳහන් වෙයි. 

නිකුත් කෙරෙන සමස්ත කොටස් 323,365,158 කි. එක් කොටසක් රුපියල් 40ක් බැගින් මිල කෙරී ඇති අතර නිකුතුව හරහා රැස් කරගැනීමට බලාපොරොත්තු වන වටිනාකම රු. 1,2934,606,320 කි. එම මුදල් සමාගමේ මූල්‍ය තත්වය ශක්තිමත් කරගැනීමට සහ කාරක ප්‍රාග්ධනය දියුණු කරගැනීම සඳහා උපයෝගී කර ගන්නා බවද සමාගම පවසයි. විශේෂයෙන්ම කලම්බු ඩොක්යාඩ් සමාගම මේ වනවිට දරුණු මූල්‍ය අර්බුදයක පසුවන අතර මේ හේතුවෙන් එය කොළඹ කොටස් හුවමාරුවේ Watch List වෙතද ඇතුළු කර තිබේ. මේ අතර කලම්බු ඩොක්යාඩ් පීඑල්සී සමාගමේ සියයට 51ක කොටස් ප්‍රතිශතයක් අත්පත් කරගැනීමට ඉන්දියාවේ මැසගොන් ඩොක් ෂිප්බිල්ඩර්ස් ලිමිටඩ් සමාගම පසුගියදා පියවර ගත්තේය. අද වනවිට කලම්බු ඩොක්යාඩ් පීඑල්සී සමාගමේ ප්‍රකාශිත ප්‍රාග්ධනය රුපියල් 714,395,757 ක් ලෙස සටහන්ව තිබේ.