නිමල කොඩිතුවක්කු
කිරි ගොවීන් සංවිධානගත කර බලගැන්වීමෙන් ඔවුන්ගේ නිෂ්පාදන ඵලදායිතාව ඉහළ නැංවීම් සහ කිරි අගය දාමය වැඩිදියුණු කිරීමේ ව්‍යාපෘතියට කැබිනට් අනුමැතිය ලැබී ඇත. ලෝක බැංකුව විසින් මූල්‍යනය කරනු ලබන සංවර්ධන ව්‍යාපෘතිය යටතේ කෘෂිකර්ම අංශය දියුණු කිරීම සඳහා වෙන්කර ඇති ඇමෙරිකානු ඩොලර් මිලියන 10 ක අරමුදල් උපයෝජනය කරමින් කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් “කිරි ගොවිපොළ ඵලදායිතාව ඉහළ නංවා කිරි අගය දාම සංවර්ධනය කිරීමේ” ව්‍යාපෘතියක් ක්‍රියාත්මක කිරීමට යෝජනා කර ඇත.
ඒ සඳහා ජාතික ක්‍රම සම්පාදන දෙපාර්තමේන්තුවේ නිර්දේශය ලැබී තිබේ. 
කිරි නිෂ්පාදනය සඳහා විභවතාවයක් පවතින අනුරාධපුර, පොළොන්නරුව, කුරුණෑගල, පුත්තලම, මාතලේ, මහනුවර, නුවරඑළිය, ගම්පහ, අම්පාර, බදුල්ල, ගාල්ල සහ හම්බන්තොට යන දිස්ත්‍රික්ක 12 ක යෝජිත ව්‍යාපෘතිය ක්‍රියාත්මක කිරීමට සැලසුම් කර ඇත.