සඳුදා දහවල් බ්‍රිතාන්‍ය අගමැති ඩේවිඩ් කැමරන් රාජකාරි කටයුත්තක් අවසන් කර ලීඩ්ස් නගර සභා ශාලාවේ සිට සිය වාහනය වෙත යද්දී ඒ අසල සිටි තරුණයෙක්  අගමැති වරයාවෙත කඩාපැන ඔහු පසෙකට තල්ලු කිරීමට උත්සහ කෙළේය.

අගමැති ආරක්ෂකයෝ වහා ඔහු අත්අඩංගුවට ගත්හ.

ඩීන් බැල්බෝ ෆාර්ලි (28) එම තරුණයා පසුව පොලිසිය විසින් නිදහස් කැරිණි.

අගමැති වරයාගේ පෞද්ගලික ආරක්ෂාව බිඳීයාම බලවත් වරදක් බව පැවසු බ්‍රිතාන්‍ය පාර්ලිමේන්තු මන්ත්‍රී වරු ප්‍රභූ ආරක්ෂක සැලැස්මේ දෝෂ විධිමත් අයුරින් නිර්දෝෂ කරන ලෙස ස්කොට්ලන්ඩ් පොලිසියට කීහ.

සඳුදා සිට බ්‍රිතාන්‍ය හමුදා ඇෆ්ගනිස්තානයෙන් මුළුමනින්ම ඉවත්කර ගත් අතර දැනට සිරියාව සහ ඉරාකය කේන්ද්‍ර කොට පවතින සටන් සඳහා එරට හමුදා ඍජුවම සහභාගී වෙති.

බ්‍රිතාන්‍ය ජාතික මුස්ලිම් තරුණයෝ විශාල ප්‍රමාණයක් මෙම සටන් පෙරමුණෙහි ඉන්නා අන්තවාදී කණ්ඩායම් සමඟ එක්වී සටන් කරති.

මේ හේතුවෙන් මුස්ලිම් අන්තවාදීන්ගේ ප්‍රධාන ඉලක්කයක් බවට පත්වී ඇති ඩේවිඩ් කැමරන් ගේ පෞද්ගලික ආරක්ෂාව මේ අන්දමින් බිදවැටීම පිළිබඳව ඉන් අනතුරුව විවිධ අදහස් පළවීමට පටන්ගත්තේය.

ඩේවිඩ් කැමරන් කියා ඇත්තේ බ්‍රිතාන්‍යයේ ප්‍රභූ ආරක්ෂක අංශය පිළිබඳව සම්පුර්ණයෙන්ම විශ්වාශය තැබිය හැකි බවයි.

1 2 4 5 6