ශ්‍රී ලංකාවේ පළමු කිතුනු සාන්තුවරයා ලෙස ජොසප් වාස් මුනිවරයා ශුද්ධවරයට එසැවීමට පළමුවැන ෆ්‍රැන්සිස් පාප් වහන්සේ අනුමැතිය දී ඇත.

ඉන්දියාවේ උපත ලබා ඇති ජෝසප් වාස් මුනිවරයා ලන්දේසි පාලන සමයේදී ශ්‍රී ලංකාවට පැමිණියෙකි.ලන්දේසි පාලකයින්ගේ හිංසාවට ලක්ව සිටි කතෝලික ජනතාව වෙනුවෙන් එතුමා පෙනී සිටි අතර ලංකාවේ කතෝලික දහම නඟා සිටුවීමෙහිලාද එතුමා විශාල වැඩ කොටසක් ඉටු කළේය.

මෙනිසාම එතුමා ‘‘ලංකාවේ අපෝස්තුලූවරයා‘‘ ලෙස හැදින්වේ.

ජෝසප් වාස් මුනිවරයා ශුද්ධවරයට එසැවීම එළැඹෙන ජනවාරි මස ගාලූමුවදොර පිටියේදී පාප්වහන්සේගේ ප්‍රධානත්වයෙන් පැවැත්වීමට නියමිත දේව මෙහෙයේදී සිදුකෙරෙනු ඇතැයි සදහන්ය.