ඇමරිකාවේ මීළඟ ජනාධිපතිවරණයට රිපබ්ලිකන් අපේක්ෂකයා ලෙස එම පක්ෂයේම තවත් ප්‍රතිවාදියකු වන මාකෝ රුබියෝට සමච්චල් කිරීමට ප්‍රංශයෙන් උපමාවක් ගත් ජෙබ් බුෂ් ප්‍රංශයෙන් ප්‍රසිද්ධියේ සමාව ගත්තේය.

ඔහු ඇමරිකාවේ ජනපතිවරුන් දෙදෙනකු බිහිකළ බුෂ් පවුලේ සාමාජිකයෙකි. ඇමරිකාවේ නිව්හැම්ෂයර් ප්‍රාන්තයේ විවාදයකදී බුෂ් රුබියෝට විහිළු කළේ ඔහු ප්‍රංශයේ වැඩසතිය අනුව ජර්මන් ජාතිකයකුට වඩා වැඩ කරන බවයි. ප්‍රංශ සේවකයකු නීත්‍යනුකූලව සතියකට පැය 35ක් වැඩ කළ යුතුය. එහෙත් ජර්මනියේ වැඩ සතිය ඊට වඩා අඩුය.

තම ප්‍රකාශය නිසා ඇමරිකාවේ පැරණිම මිත්‍රයා වන ප්‍රංශයට අපහාසවී යැයි බුෂ් ප්‍රංශයෙන් සමාව ගත්තේය.

බුෂ්ගේ මෙම කතාව ගැන සමාජ මාධ්‍ය වලින් ප්‍රංශ ජනයා ඔහු උපහාසයට ලක් කරති. බුෂ් රාජ්‍ය තාන්ත්‍රික දැනුමක් නැති අයකු ලෙස හඳුන්වා ඇත.

බුෂ් කරුණු අවුල් කරගෙන ඇතැයි තවත් පිරිසක් කියති. ප්‍රංශය සතියකට වැඩකළ යුතු කාලය දින 3කි. එහෙත් ගැබිණි මවකට සති 16ක වැටුප් සහිත නිවාඩු ලැබේ. නීතිය අනුව සතියකට පැය 35ක් වැඩ කළ යුතු වුවත් ප්‍රංශ ජනයා සතියකට පැය 38.9 ක වැඩ සිදුකරන බවත් ප්‍රංශ ජනයා කම්මැලියන් නොවන බවද සමාජ ජාල වෙබ් අඩවි තුළින් බුෂ්ට විරෝධය පළ කර ඇත.