ඉන්දියාවේ පවතින නියඟය නිසා කෝටි 30 කට අධික පිරිසක් පිඩාවට පත් වී ඇති බව එරට රජය ප්‍රකාශ කරයි.

එම සංඛ්‍යාව එරට ජනගහනයෙන් හතරෙන් එකක් බවට වාර්තා වෙයි. මේ නිසා ප්‍රදේශ රැසක ගොවීන්ට ද ගැටළු රාශියක් ඇති වී තිබේ.

නියඟයට හෙතුවී ඇත්තේ මෝසම් වර්ෂාවෙන් වැසි ලබන ඉන්දියාවට වසර දෙකක සිට පමණ මෝසම් වැසි මනාව නොලැබීමයි. එමෙන්ම ඉන්දියාවේ උෂ්ණත්වය සෙන්ටිග්‍රේඩ් අංශක 40ක් පමණ බවට වාර්තා වෙයි. එම අගය ඉදිරි දින වල 45 දක්වා වැඩි වනු ඇති බවට විශ්ලේෂකයෝ පවසති.

 ඉන්දීය ප්‍රිමියර් ලිග් තරගාවලියේ මහාරාෂ්ට්‍රා ප්‍රාන්තයේ තරග සියල්ලම ද මේ නිසා තහනම් කරන ලදී.

එමෙන්ම අත්‍යවශ්‍ය නොවන කාර්යන් සදහා ජලය භාවිත කිරීමද තහනම් කර තිබේ.