දකුණු ඉන්දියාවේ ට්‍රිචි නුවර ගුවන් තොටුපොළේ දී බ්‍ර‍හස්පතින්දා (26) උදේ ශ්‍රී ලංකන් ගුවන් සේවයට අයත් යූ.එල්. 131 යානයේ කුරුල්ලකු හැපීම හේතුවෙන් යානය ආපසු පියාසර කිරීම පැය හතකින් පමණ ප්‍රමාද වූ බව හින්දු පුවත්පත පවසයි.

යානය ට්‍රිචි ගුවන්තොටුපොළට ගොඩ බස්වද්දී එහි වම් එන්ජිමේ කුරුල්ලා හැපුණු ද යානයට අනතුරකින් තොරව ගොඩබැස්සවීමට හැකියාව ලැබුණු බවත් එරට ගුවන් තොටුපොළ බලධාරන් පවසා ඇත. යානය අළුත්වැඩියා කිරීමට කොළඹින් ඉංජිනේරුවන් පිරිසක් ට්‍රිචි ගුවන්තොටුපොළට ගිය බව ද හින්දු පුවත්පත පවසයි. යානය යළි කොළඹ බලා පියාසර කර ඇත්තේ සවස 5.20 ට පමණය.