රාජ්‍ය සේවයේ දුෂිත හා අකාර්යක්ෂම නිළධාරීන් පිරිසක් රටම ඉදිරියේ නිරුවත් කළ රූපවාහිනී වැඩසටහනක් පසුගියදා චීනයේ විකාශය විය.

වැඩසටහන මෙහෙයවූයේ පාලක පක්ෂය වන චීන කොමියුනිස්ට් පක්ෂයේ නායක හා චීන ජනපති ෂි ජින්ග්පින්ග්ය.

මෙම වැඩසටහනට සහභාගී කරගෙන තිබුණේ රටේ විවිධ අමාත්‍යංශ හා ආයතන වල මුල් පුටු හොබවන අයයි.

වැඩසහනේදී මෙම පුද්ගලයින්ට කිරීමට සිදුවූයේ තම තමන්ගේ රාජකාරි කටයුතු වලදී සිදුකළ අකටයුතුකම්,වංචා,දුූෂණ ආදිය තිබේනම් ඒවා හෙළි කිරීමයි.

ජනපතිවරයාම වැඩසටහන මෙහෙයවන බැවින් මෙම පුද්ගලයින්ට සත්‍ය හෙළිකරනවා විනා වෙන කරන්නට දෙයක් නොතිබිණි.

මහජන මුදල් වැය කර සාද දැමිීම්,රථ වාහන මිලදී ගැනීම් වල සිට, වංචා කිරීම්,බොරු ගෙතීම්,වැඩ කටයුතු පැහැර හැරීම් දක්වා විවිධාකාරයේ අකටයුතුකම් ඔවුන් බිම් බලාගෙන  හෙළි කරන ආකාරය චීනය දැකගත්තේය.

ජනපතිවරයා මේ සියල්ල සාවධානව අසා සිටිනු දැකගත හැකි විය.ඔහු වරින් වර සටහන් ලියා ගත්තේය.

ෂි ජින්පින්ග් පාලක කොමියුනිස්ට් පක්ෂයේ නායක ධූරයට හා පසුව චීනයේ ජනාධිපති ධූරයට පත්වූ දා සිටම රාජ්‍ය සේවය නඟා සිටුවීමට විවිධාකාරයේ වැඩසටන් දියත් කරනු දැකගත හැකිවිය.මෙයත් එම වැඩසටහන් අතුරින්

එකක් ලෙස සැළැකිය හැකි බව චීන දේශපාලන විචාරකයින් කියයි.

‘‘තම තමන් විවේචනය කර ගැනීමේ කලාව‘‘ ලෙස හඳුන්වාදී ඇති මෙම රූපවාහිනී වැඩසටහන ඉදිරියටත් කි‍්‍රයාත්මක කැරෙයි.