දකුණු කොරියානු පොලිසිය එරට බෞද්ධ සිද්ධස්ථානයක් වටලා සිටිම හේතුවෙන් බෞද්ධ භික්ෂූන් හා පොලිසිය අතර ගැටුම්කාරී තත්ත්වයක් උද්ගත වී ඇතැයි විදෙස් මාධ්‍ය වාර්තා කරයි.

පොලිසිය පවසන්නේ පසුගිය දා කොරියාවේ සෝල් නගරයේ කලහකාරී උද්ඝෝෂණයක් මෙහෙය වූ වෘත්තීය සමිති නායකයකු වන හන් සෑන්ග් ගයුන් අත්අඩංගුවට ගැනීම සදහා විහාරස්ථානය වැටලූ බවයි. සෝල් නුවර පිහිටි ‘‘ජොග්යේ“ නමැති සිද්ධස්ථානයේ ඔහු සැඟව සිටින බව පොලිසිය පවසයි.

සිද්ධස්ථානයට බලහත්කාරයෙන් ඇතුළු නොවන්නැයි භික්ෂූන් වහන්සේලා මීට පෙර පොලිසියට අනතුරු ඇඟවූහ. පොලිසිය මෙලෙස කටයුතු කිරීමෙන් ආගමික අයිතිය උල්ලංඝනය වන බව බෞද්ධ භික්ෂූහු කියති.

වෘත්තිය සමිති නායක හන් සෑන්ග් ගයුන් ආරක්ෂාව සදහා සිද්ධස්ථානයේ රැදී සිටියි.